6 years ago
July 16, 2019
काठमाडौं (हाम्रो खेलकुद)- नेपाली पुरुष राष्ट्रिय भलिबल टोलीका कप्तान इम बहादुर राना नेपाल पुलिसको प्रहरी सहायक निरिक्षक (असई) पदमा बढुवा भएका छन् । नेपाल पुलिसले मंगलबार उनलाई हवल्दार पदबाट असई पदमा बढुवा गरेको हो । असई पदको दज्र्यानी चिन्ह लगाउन भने बाँकी नै छ ।
भलिबलबाटै २०६२ सालमा नेपाल पुलिसमा सिपाही पदबाट प्रवेश गरेका उनी २०६५ मा हवल्दार पदमा बढुवा भएका थिए । हवल्दार पदबाट असई पदमा बढुवा हुन उनलाई ११ वर्ष लाग्यो । २०७१ मा नियमित कप्तान कैलाश भट्टले अन्तर्राष्ट्रिय भलिबलबाट सन्न्यास लिएपछि नेपाल पुलिस क्लबको भलिबल टोलीको समेत कप्तान रहेका उनले नेपाली टोलीको कप्तानीको जिम्मेवारी पाएका थिए ।
शुरुवाती बेलाको ओपन स्पाइकर (हाल लिफ्टर) इमले २०७२ मा बंगलादेशमा आयोजना भएको प्रथम एभीसी सेन्ट्रल जोन मेन्स भलिबल च्याम्पियनसिपमा नेपाली टोलीको कप्तानी गरेकाे थियाे ।त्यसयता उनी नेपाली टाेलीकाे नियमित कप्तान छन् । उनकै कप्तानीमा नेपालले भलिबल इतिहासमा ३३ वर्षपछि गतवर्ष इन्डाेनेसियामा भएकाे जकार्ता एसियाड खेलेकाे थियाे ।
नेपाली भलिबल टोली अहिले उनकै कप्तानीमा नेपालमै आयोजना हुने चौथो संस्करणको एभीसी सेन्ट्रल जोन भलिबल च्याम्पियनसिप र १३औं दक्षिण एसियाली खेलकुद अन्तरगतको भलिबल खेल्ने तयारीमा छ ।
नेपाली टोली अहिले ३२ साउनबाट ८ भदौसम्म हुने सेन्ट्रल जोन च्याम्पियनसिपका लागि प्रशिक्षणमा रहेको छ । नेपाली टोलीलाई डच प्रशिक्षक हान एबिङले प्रशिक्षण दिइरहेका छन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
