काठमाडौं (हाम्रो खेलकुद) – त्रिभुवन आर्मी क्लब र नेपाल पुलिस क्लब प्रथम प्रकाश दाहाल स्मृति प्रगतिशिल युवा नेपाल कप भलिबल प्रतियोगिताको सेमिफाइनलमा पुगेका छन् । गोगंबु बसपार्कमा जारी प्रतियोगितामा बिहीबार आर्मीले जाउलाखेल भलिबल क्लबलाई ३–० को सोझो सेटमा हरायो ।

आर्मीले २५–२३,२५–११ र २५–२१ ले जावलाखेललाई पराजित गरेको थियो । समूह एबाट आर्मी सेमिफाइनलमा पुगेका छ । घरेलु भलिबल प्रतियोगिताको सर्वाधिक पुरस्कार राशीको प्रतियोगिताको तेस्रो दिन गण्डकी प्रदेशले सफलता हात पारेको छ । गण्डकी प्रदेशले आयोजक प्रगगिशिल युवा नेपाललाई २५–१८,२५–१३व र २५–२३ ले पराजित गरेको छ ।

त्यस्तै अर्को खेलमा अर्को विभागिय टोली पुलिसले जित हासिल गरेको छ । जितसँगै टोली समूह बीबाट अन्तिम चारमा पुगेकोछ । पुलिसले गलकोट जापान टोकियो क्लबलाई ३–० को सोझो सेटमा पराजित गरेको हो । पुलिसले २५–१८,२५–१९ र २५–१५ ले विजयी भएको थियो ।

प्रगतिशिल युवा नेपालको आयोजना जारी प्रतियोगितामा ८ टोलीको सहभागिता रहेको छ । समूहमा एपिएफ, आर्मी, ढोरपाटन स्पोर्टस् टे«निङ र जावलाखेल भलिबल टे«निङ सेन्टर छन् । आयोजक प्रगतिशल युवा क्लबसँगै नेपाल पुलिस क्लब, गल्कोट युवा क्लब र गण्डकी प्रदेश रहेका छन् । राउन्ड रोविन लिगपछि समूहका शीर्ष दुई टोली सेमिफाइनलमा पुग्नेछन् ।

प्रतियोगिताको विजेताले उपाधिका साथ ५ लाख रुपैयाँ प्राप्त गर्नेछ । त्यस्तै दोस्रो हुने टोलीले ३ लाख, तेस्रो हुनेले १ लाख तथा चौथो हुने टोलीले ५० हजार रुपैयाँ प्राप्त गर्नेछन्। प्रतियोगिताको सर्वोत्कृष्ट खेलाडीले एक थान मोटरसाइकल प्राप्त गर्नेछन् । विधागत उत्कृष्ट स्पाइकर,ब्लकर, डिफेन्डर, सर्भर हुने र प्रशिक्षकले समान १० हजार रुपैयाँ प्राप्त गर्नेछन् ।