अपराजित आर्मी समूह विजेता

काठमाडौं (हाम्रो खेलकुद)– यसअघि नै सेमिफाइनल पुगिसकेको त्रिभुवन आर्मी क्लब प्रथम प्रकाश दाहाल प्रगतिशिल युवा नेपाल कप भलिबल प्रतियोगिताअन्तर्गत समूह ‘ए’को विजेता बनेको छ । समूह चरणको अन्तिम खेलमा शुक्रबार आर्मीले ढोरपाटन स्पोर्टस् क्लबलाई ३–० को सेटमा हराएको थियो ।

अपराजित आर्मीले ढोरपाटनमाथि २५–१४,२५–१९ र २५–२२ ले हराएको थियो । उक्त समूहबाट अर्को विभागिय टोली नेपाल एपिएफ क्लब समूहको उपविजेता बनेको छ । ढोरपाटन र जावलाखेल भलिबल ट्रेनिङ सेन्टर प्रतियोगिताबाट बाहिरिएका छन् । लिग चरणको तेस्रो दिन नै सेमिफाइनल पुग्ने टोलीको टुंगो लागेको थियो । आजका खेलहरु समूह विजेता र उपविजेता टुंगो लगाउनका लागि मात्र हुनेछन् ।

समूह ‘बी’मा नेपाल पुलिस क्लब र गण्डकी प्रदेश समूह विजेताका लागि केहि समयपछि प्रतिस्पर्धा गर्नेछन् । सोही समूहबाट बाहिरिसकेका आयोजक प्रगतिशिल युवा नेपाल र गल्कोट युवा क्लबबीच प्रतिस्पर्धा भइरहेको छ । निर्धारित समयमा भन्दा १ दिन पछि सरेको प्रतियोगितामा शनिबार सेमिफाइनल र आइतबार फाइनल र तेस्रो स्थानको खेल हुने बताइएकोछ । सर्वाधिक पुरस्कार राशीको प्रतियोगिताको विजेताले ५ लाख र दोस्रो हुने टोलीले ३ लाख रुपैयाँ प्राप्त गर्नेछ ।

अपराजित आर्मी समूह विजेता

Latest News

Popular News

अन्य

ओलम्पियन संगिना नगदसहित सम्मानित

नेपाली हक्की टोली मलेसिया जाने

सिन्दारा र पूजाले एसियन एमेच्योर चेस खेल्ने

चर्चित खेलहरु:

उपयोगी लिङ्कहरू

सम्पर्क

सामाजिक संजाल