5 years ago
September 14, 2019
काठमाडौं (हाम्रो खेलकुद)– नेपाल ओलम्पिक कमिटी (एनओसी) मा ४ वर्षका लागि आज नयाँ नेतृत्व चयन हुँदैछ । वर्तमान अध्यक्ष जीवनराम श्रेष्ठ र एनओसी पूर्व उपाध्यक्ष उमेशलाल श्रेष्ठबीच अध्यक्षमा प्रतिस्पर्धा छ । ४ वर्षअघि यीनै श्रेष्ठद्वयबीच नै अध्यक्षमा प्रतिस्पर्धा हुँदा संघिय सांसद समेत रहेका जीवनराम श्रेष्ठ विजयी भएका थिए । श्रेष्ठका पक्षमा युवा तथा खेलकुद मन्त्री […]
काठमाडौं (हाम्रो खेलकुद)– नेपाल ओलम्पिक कमिटी (एनओसी) मा ४ वर्षका लागि आज नयाँ नेतृत्व चयन हुँदैछ । वर्तमान अध्यक्ष जीवनराम श्रेष्ठ र एनओसी पूर्व उपाध्यक्ष उमेशलाल श्रेष्ठबीच अध्यक्षमा प्रतिस्पर्धा छ । ४ वर्षअघि यीनै श्रेष्ठद्वयबीच नै अध्यक्षमा प्रतिस्पर्धा हुँदा संघिय सांसद समेत रहेका जीवनराम श्रेष्ठ विजयी भएका थिए ।
श्रेष्ठका पक्षमा युवा तथा खेलकुद मन्त्री जगमान विश्वकर्मा र राष्ट्रिय खेलकुद परिषद् (राखेप) का सदस्य सचिव रमेशकुमार सिलवाल पनि उभिएको बताइएको छ । यद्दपी सदस्य सचिव सिलवाल एनओसी निर्वाचनका बारेमा औपचारिक जानकारी नभएको बताउँदै आएका छन् । एनओसी महासचिवमा वर्तमान उपाध्यक्ष पुरेन्द्र विक्रम लाखे र सदस्य निलेन्द्रराज श्रेष्ठबीच प्रतिस्पर्धा छ । लाखे उमेशलाल र निलेन्द्रराज जीवनराम पक्षबाट उम्मेदवार बनेका छन् ।
२७ प्रतिनिधि रहेको एनओसीमा यसपटक २६ जना उम्मेदवार छन् । एनओसीका पूर्व अध्यक्ष एवंम् नेपाल जिम्याष्टिक संघका अध्यक्ष ध्रुबबहादुर प्रधान मात्र यसपटक उम्मेदवार छैनन् । ५ जना उपाध्यक्षका लागि ८ जना उम्मेदवार छन् । लन टेनिसकी ज्योति राणा, ह्यान्डबलका तेजबहादुर गुरुङ, शुटिङका पुष्पदास श्रेष्ठ, पौडीका अशोकरत्न बज्राचार्य, फेन्सिङका सुनिलकुमार श्रेष्ठ, टेबुल टेनिसका चतुरानन्द राजवैद्य, र्याफटिङ एन्ड क्यानोइङका राजीव श्रेष्ठ र कुस्तीका समिम मियाँ अन्सारी उपाध्यक्षका उम्मेदवार छन् ।
कोषाध्यक्षमा यसअघिकै रतन तण्डनले निरन्तरता पाइसकेका छन् । तण्डन र उपमहासचिवमा राखेप उपाध्यक्ष पिताम्बर तिम्सिना निर्विरोध भइसकेका छन् । यसपटक थप गरिएको ३ सचिवमा ४ जनाको उम्मेदवारी परेको छ । संघिय सांसद तुल्सी थापा, राखेपका पूर्व सदस्य सचिव केशवकुमार विष्ट, ब्याडमिन्टन संघका अध्यक्ष रामजीबहादुर श्रेष्ठ र जुडो संघका अध्यक्ष दीपकहर्ष बज्राचार्यबीच प्रतिस्पर्धा छ ।
त्यस्तै ७ सदस्यका लागि ८ जनाको उम्मेदवारी परेको छ । आर्चरीका रमेशप्रसाद शिवाकोटी, बक्सिङका राम अवाले, तेक्वान्दोका प्रकाश सम्शेर राणा, साइक्लिङका गोपालसुन्दर कक्षपति, गल्फका तासी घले, बास्केबलका होम दोङ, फुटबलका दीर्घबहादुर केसी र भलिबलका मनोरन्जन रमण शर्मा छन् ।
सर्वोच्च अदालतको अन्तरिम आदेशका लागि भदौ २० का लागि तय निर्वाचन स्थगित भएको थियो । सर्वोच्चकै फैसलाबाट २०६७ मा पुर्नजिवित रुक्म शम्सेर राणा अध्यक्ष रहेको एनओसीका सदस्य कमल चित्रकारले दायर गरेको रिटका आधारमा सर्वोच्चले अन्तरिम आदेश जारी गरेको थियो । भदौ २२ मा दुवैपक्ष बीच छलफल भएपछि सर्वोच्च्ले अन्तरिम आदेश खारेज गर्दै निर्वार्चनका लागि बाटो खोलिदिएको थियो ।
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]