5 years ago
September 14, 2019
काठमाडौं (हाम्रो खेलकुद)– प्रथम प्रकाश दाहाल प्रगतिशिल युवा नेपाल कप राष्ट्रिय भलिबल प्रतियोगिताको उपाधिका लागि त्रिभुवन आर्मी क्लबको प्रतिद्वन्द्विको टुंगो आइतबार मात्र लाग्ने भएको छ । आर्मी आजै भएको पहिलो सेमिफाइनलमा गण्डकी प्रदेशलाई पराजित गर्दै उपाधि नजिक पुगेको हो ।
गंगाबुस्थित नयाँ बसपार्कमा नेपाल पुलिस क्लब र नेपाल एपिएफ क्लबबीचको दोस्रो सेमिफाइनल खराब प्रकाशका कारण स्थागित भएपछि फाइनल पुग्ने दोस्रो टोलीको टुंगो भोली मात्र लाग्ने भएको छ । भोली पुनः सुरुबाट खेल हुने बताइएको छ । चौथो सेटको खेल चलिरहँदा खराब प्रकाशका कारण रेफ्रीले खेल रोकेका थिए । पुलिस क्लबले २५–२१,२५–१५, २४–२६ को अग्रता बनाएको थियो । चौथो सेटमा पनि पुलिसले १६–१२ को अग्रता लिएको थियो ।
प्रगतिशिल युवा नेपाल गोरखा काठमाडौले आयोजना गरेको सर्वाधिक पुरस्कार राशीको प्रतियोगिताको दोस्रो सेमिफाइनल खेल, फाइनल र तेस्रो स्थानको खेल आइतबार हुनेछ । फाइनल अघि तेस्रो स्थानको खेल हुनेछ । प्रतियोगिताको विजेता ५ लाख रुपैयाँ र दोस्रो हुने टोलीले ३ लाख रुपैयाँ प्राप्त गर्नेछ ।
प्रतियोगितामा आठ टोलीको सहभागिता थियो । राउन्ड रोविन लिग पछि समूहका शीर्ष दुई टोली सेमिफाइनलमा पुगेका थिए । भदौ २४ गते देखि २८ गते सम्मका लागि तय गरिएपनि प्रतिकुल मौसमका कारण प्रतियोगिता एक दिन लम्बिएर भदौ २९ गते सम्पन्न हुने क्रममा रहेको छ ।
पूर्व प्रधानमन्त्री पुष्पकमल दाहालका स्वर्गिय सुपत्र प्रकाश दाहालको स्मृतिमा प्रतियोगिता आयोजना भएको हो ।
May 8, 2024
काठमाडौं (हाम्रो खेलकुद)- सहाना प्रधान प्रतिष्ठानको आयोजनामा असारमा प्रथम सहाना प्रधान यु-१९ महिला तथा पुरुष भलिबल च्याम्पियनसिप हुने भएको छ। नेपाल भलिबल संघको प्राविधिक र व्यवस्थापनमा असार ९ गतेदेखि १५ गतेसम्म च्याम्पिनसिप हुने बुधबार पत्रकार सम्मेलनमा जानकारी गराइयो। प्रतियोगितामा ७ प्रदेशका महिला र पुरुषबीच सहभागिता रहने बताइएको छ। भलिबल संघका अध्यक्ष जीतेन्द्रबहादुर चन्दले प्रदेशलाई खेलाडी […]
May 8, 2024
हिमाल खरेल,बिर्तामोड स्पष्टीकरणको जवाफ चित्तबुझ्दो नदिएको जनाउँदै कोशी प्रदेशका मुख्यमन्त्री केदार कार्कीले खेलकुद विकास बोर्ड कोशी प्रदेशका सदस्य सचिव कृष्ण बस्नेत (पर्शुराम) लाई सफाइ पेश गर्न अर्को पत्र पठाएका छन् । स्पष्टीकरण सोधेको दोस्रो दिन मुख्यमन्त्री कार्कीले बस्नेतलाई सफाइ पेश गर्न आज दिउँसो ३ बजेसम्मको समय दिएर पत्र लेखेका हुन् । बैशाख २५ गते मंगलबार […]
May 7, 2024
काठमाडौं (हाम्रो खेलकुद)–पेरिस ओलम्पिकको छनोटका रुपमा रहेको बरिसी ग्रान्ड स्लाममा नेपाली खेलाडी मनीता श्रेष्ठ प्रधानले भाग लिने भएकी छन् । काजाखस्तानमा हुने ग्रान्ड स्लामका लागि मनीताको प्रशिक्षकमा देवु थापा रहेकी छन् । टोली बुधबार त्यसतर्फ जाने बताइएको छ । प्रतियोगिता मे १० देखि १२ तारिखसम्म हुनेछ । ओलम्पिकका लागि छनोट आधारका रुपमा रहेको प्रतियोगितामा मनीताले […]