पोखरा (हाम्रो खेलकुद) – स्वदेशमा आयोजना हुने १३औं दक्षिण एसियाली खेलकुद (साग) को ह्याण्डबलका लागि ३२ खेलाडी छनोट भएका छन् । सागर मंसिर १५ देखि २४ गते सम्म काठमाडौं र पोखरामा हुने बताइएको छ । पोखरामा ह्याण्डबलको बिहीबार भएको अन्तिम छनोटबाट पुरुष र महिलामा समान १६ खेलाडी छनोट भएका हुन् ।

नेपाल ह्याण्डबल संघका अध्यक्ष तेज गुरुङका अनुसार महिला टिमतर्फ बविता श्रेष्ठ, अर्चना न्यौपाने, संगिता चौधरी, कविता राई, बन्दना राई, दुर्गा बोहोरा, रञ्जना राई, शान्तिकला राई, झिनमाया थापा, आईता लामू शेर्पा, रामकुमारी चौधरी, शारदा विक, कल्पना वली, उमा राई, निशा राई र देव कुमारी बास्कोटा छन ।

त्यस्तै पुरुषतर्फ छनोटमा विशाल बस्नेत, दिनेश श्रेष्ठ, विशाल नेपाली, दिपक सिं बोहोरा, संदिप कार्की, रणसिं रावत, इन्द्र नारायण चौधरी, मदन चुनारा, श्रीबहादुर सिंजाली, यमबहादुर पुन, आषिश अधिकारी, केशव विष्ट, सरोज सिंह, सन्तोष श्रेष्ठ, हेमन्तथापा र शरण थापा छन् ।

छनोट समितीले पुरुष र महिलातर्फ समान ५ बैकल्पिक खेलाडी समेत छनोट गरेको छ ।महिलातर्फ बैकल्पिक खेलाडीमा जिना राई, साधना वम, विष्णा बोगटी, देबी श्रेष्ठ र मञ्जु राउत छन् । सरुणमान श्रेष्ठ, तारा केसी, प्रविण गुरुङ, जोनेश पुर्जा र पवन छन्त्याल पुरुषतर्फ वैकल्पिकमा छन् ।

छनोट समितिमा संघका उपाध्यक्ष जिवन बस्नेत, संघका सचिव केशव पाठक, विदेशी प्रशिक्षक पोर्चुगलका जोआ प्mलोरेन्सियो, ह्याण्डबलका मुख्य प्रशिक्षक एवम् तालिम तथा प्रशिक्षण विभाग राखेपका उप–निर्देशक हिमालराज दाहाल र बरिष्ठ प्रशिक्षक अरुणलाल कर्ण छन् ।

खेलाड छनोटपछि संघका अध्यक्ष एवम नेपाल ओलोम्पिक कमिटीका उपाध्यक्ष तेज गुरुङले खेलाडीहरुले अनुशासनलाई प्राथमिकताका साथ पालना गर्न आग्रह गरे । छनोटको पहिलो चरणमा महिला र पुरुषमा समान २८ तथा दोश्रो चरणमा समान २२ खेलाडी सहभागित थिए ।