4 years ago
November 8, 2019
काठमाडौं (हाम्रो खेलकुद)– अफगानिस्तानले अन्ततः अर्को महिना आयोजना हुने १३ औं दक्षिण एसियाली खेलकुद (साग) मा भाग नलिने भएको छ । सन् २०१६ को १२ औं सागसम्म भाग लिएको अफगानिस्तान मध्यपूर्वी एसियामा सामेल हुने भन्दै दक्षिण एसियाली ओलम्पिक काउन्सिल (एसएओसी) त्यागेको थियो । ‘औपचारिक रुपमै पत्र पठाएर अफगानिस्तानले १३ औं सागमा भाग नलिने जानकारी दिएको […]
काठमाडौं (हाम्रो खेलकुद)– अफगानिस्तानले अन्ततः अर्को महिना आयोजना हुने १३ औं दक्षिण एसियाली खेलकुद (साग) मा भाग नलिने भएको छ । सन् २०१६ को १२ औं सागसम्म भाग लिएको अफगानिस्तान मध्यपूर्वी एसियामा सामेल हुने भन्दै दक्षिण एसियाली ओलम्पिक काउन्सिल (एसएओसी) त्यागेको थियो ।
‘औपचारिक रुपमै पत्र पठाएर अफगानिस्तानले १३ औं सागमा भाग नलिने जानकारी दिएको छ,’ नेपाल ओलम्पिक कमिटी (एनओसी) का अध्यक्ष जीवनराम श्रेष्ठ भने,‘ भोली हुने एसएओसी बैठकमा अफगानिस्तानको विषयले प्रवेश पाउने छैन ।’
यो सँगै मंसिर १५ देखि २५ गते सम्म काठमाडौं र पोखरामा आयोजना हुने सागमा ७ राष्ट्रका खेलाडीको मात्र सहभागिता रहनेछ । साग आयोजना र त्यो संग जोडिएका विषयमा छलफल गर्न एसएओसीको बैठक शनिबार राजधानीमा बस्दैछ । जसमा ७ राष्ट्रका प्रतिनिधि काठमाडौं आइसकेका छन् ।
बैठकको अध्यक्षता एसएओसीका अध्यक्ष समेत रहेको एनओसी अध्यक्ष श्रेष्ठले गर्नेछन् । बैठकमा नेपालको प्रतिनिधित्व श्रेष्ठ र एनओसी महासचिव निलेन्द्रराज श्रेष्ठले गर्नेछन् । सागको आयोजक एनओसीका अध्यक्ष र महासचिव स्वतः एसएओसीको अध्यक्ष र महासचिव हुने प्रावधान छ ।
तर, १३ औं साग नजिकिदै गर्दा भाग लिनका लागि अफगानिस्तानले ओलम्पिक काउन्सिल अफ एसिया (ओसिए) मार्फत प्रयास थालेको थियो । जसमा एसएओसी सकारात्मक पनि थियो । अफगानिस्तानले मार्सल आर्टस्मै लक्षित गर्दै सागमा भाग लिने प्रयास थालेको थियो । तर, एनओसीले मार्सल आर्टस्बाहेकका खेलमा मात्र सहभागी गराउने वचन दिएपछि अफगानिस्तान पछाडि हटेको अनुमान गरिएको छ ।
१९८४ बाट सुरु भएको तत्कालिन दक्षिण एसियाली महासंघिय खेलकुद (साफ) मा अफगानिस्तान २००४ को नवौं संस्करणबाट आबद्ध भएको थियो । सोही संस्करणमाबाट साफको नाम दक्षिण एसियाली खेलकुद (साग) राखिएको थियो । त्यसपछि लगातार ४ वटा सागमा भाग लिएर अफगानिस्तान १२ औं संस्करणपछि अलग भएको थियो ।
१२ औां सागमा अफगानिस्तान पदक तालिकाको चौथो स्थानमा रहेको थियो । नेपालले छैटौं स्थानमा रहँदै सागको अन्त्य गरेको थियो । अफगानिस्तानले पछिल्ले संस्करणमा ७ स्वर्ण, ९ रजत र १९ कास्य पदक जितेको थियो ।
March 28, 2024
काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]
March 28, 2024
काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]
March 28, 2024
काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिताको उद्घाटन समारोहको प्रमुख अतिथिका लागि राष्ट्रपति रामचन्द्र पौडेललाई बिहीबार निमन्त्रणा गरेको छ । राखेपको आयोजनामा १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिता वैशाख ४ देखि ६ गते काठमाडौंमा हुँदैछ । सदस्य सचिव टंकलाल घिसिङले शितल निवासमा राष्ट्रपति […]