पोखरा (हाम्रो खेलकुद) – अर्को महिना आयोजना हुने १३ औं दक्षिण एसियाली खेलकुद (साग) को आयोजनास्थलको भौतिक पूर्वाधार निरिक्षणका लागि दक्षिण एसियाली ओलम्पिक काउन्सिल (एसएओसी) र सागका सहभागी राष्ट्रका सभे द मिसन टोली शनिबार दिउँसो पोखरा पुगेको छ ।

१३ औं साग काठमाडौं, पोखरा र जनकपुरमा मंसिर १५ देखि २४ गते सम्म आयोजना हुँदैछ । सागको अन्तिम तयारीका लागि काठमाडौको बैठक र खेल स्थलको अनुगमन सकेर टोली पोखरा आइपुगेको हो । सहभागी सात राष्ट्र नेपाल, भारत, पाकिस्तान, श्रीलंका, बंगालदेश, माल्दिभ्स र भुटानका ओलम्पिकका प्रतिनिधी तथा सेफ दि मिसनको टोली पोखरामा साग तयारी बारे जानकारी लिन तथा अनुगमनका लागि पोखरा आएको हो ।

पोखरा रंगशालामा आएको २३ सदस्यिय टोलीलाई राष्ट्रिय खेलकुद परिषदका सदस्य राजेश गुरुङले र साग तयारी पोखराका सदस्यहरुले पोखरा विमानस्थलमा स्वागत गरेका थिए । टोलीसँगै नेपाल ओलम्पिक कमिटी (एनओसी) का अध्यक्ष जीवनराम श्रेष्ठ र राष्ट्रिय खेलकुद परिषदका सदस्य सचिब रमेश कुमार सिलवाल पनि रहेका छन् ।

टोलीले पोखरा रंगशाला स्थित खेल स्थलहरुको अनुगमन गरेको छ । टोलीले भोली १३ औं साग पोखरा संग संयुक्त बैठक गर्दै साग तयारीका बारेमा जानकारी लिने र भोली दिउँसो काठमाडौ फर्किने एनओसी उपाध्इक्ष उपाध्यक्ष तेज गुरुङले जानकारी दिए ।सागका २७ मध्ये ९ खेल पोखरामा तय छ ।

पोखरामा हुने भनिएको प्याराग्लाइडिङ हुनेमा भने शंका छ । सागमा सहभागी हुने कुनै पनि राष्ट्रमा प्याराग्लाइडिङ खेलको आधिकारिक खेल संस्था नहुँदा सबै राष्ट्रहरुले अन्तिम समयमा आएर प्याराग्लाइडिङमा सहभागि नहुने बताएका छन् । सागअन्तर्गत कुस्ती जनकपुरमा र बाँकी खेल काठमाडौंमा हुनेछन् ।