4 years ago
November 10, 2019
काठमाडौं (हाम्रो खेलकुद)– नेपालले १३ औं दक्षिण एसियाली खेलकुद (साग) तोकिएकै समयमा गर्ने प्रतिबद्धता शनिबार सहभागी राष्ट्रका प्रतिनिधिसँग गरेको थियो । सरकारका युवा तथा खेलकुद मन्त्री जगत विश्वकर्माले दक्षिण एसियाली ओलम्पिक काउन्सिल (एनएओसी) को बैठक उद्घाटनमा भौतिक पूर्वाधार निर्माणको काम अन्तिम चरणमा पुगेको र समयमा १३ औं साग हुने बताएका थिए । शुक्रबार रातभर दशरथ […]
काठमाडौं (हाम्रो खेलकुद)– नेपालले १३ औं दक्षिण एसियाली खेलकुद (साग) तोकिएकै समयमा गर्ने प्रतिबद्धता शनिबार सहभागी राष्ट्रका प्रतिनिधिसँग गरेको थियो । सरकारका युवा तथा खेलकुद मन्त्री जगत विश्वकर्माले दक्षिण एसियाली ओलम्पिक काउन्सिल (एनएओसी) को बैठक उद्घाटनमा भौतिक पूर्वाधार निर्माणको काम अन्तिम चरणमा पुगेको र समयमा १३ औं साग हुने बताएका थिए ।
शुक्रबार रातभर दशरथ रंगशालाको भिआइपी प्यारापिटको छानाको लागि पोल हाल्ने निरिक्षण गरेका मन्त्री विश्वकर्मा शनिबार बिहान एनएओसीको उद्घाटन सत्रमा भाग लिन पुगेका थिए । मन्त्री विश्वकर्माका सामू रातभर काम गर्ने मध्येका एक जनाले भने शनिबार दिउँसो ज्यान गुमाएका छन् । पोल राख्ने क्रेन चालक इन्द्र श्रेष्ठको शनिबार दिउँसो मृत्यु भएको हो । मृत्युको कारण हृदयघात बताइएको छ ।
सरकार, सरकार मातहातको राष्ट्रिय खेलकुद परिषद् (राखेप) र नेपाल ओलम्पिक कमिटी (एनओसी) ले १३ औं सागका लागि अन्तिम समयमा तत्परता देखाइरहँदा क्रेन चालकको मृत्युले काममा संलग्नको स्वास्थ्यप्रतिको बेवास्ता उजागर भएको छ । श्रेष्ठ राखेपका कर्मचारी होइनन् । उनी भिआइपी प्यारापिटको छाना हाल्न ठेक्का पाएको कम्पनीमार्फत काममा संलग्न कामदार हुन् ।
शुक्रबार दिउँसोदेखि शनिबार विहान ८ः०० बजे सम्म श्रेष्ठलगायतले रंगशालामा काम गरेको ठेकदार उपेन्द्र बमले बताए । ‘मन्त्रीज्यू लगायत हामी सबै थियौं । इन्द्र दाईले रातभर काम गर्नुभएको हो । बिहान उहाँ सायद ३-४ घन्टा आराम गर्नुभयो होला । अरु साथीहरुलाई अलि अप्ठेरो भयो भन्दै घर जानुभएको थाहा पाएँ’, बमले भने, ‘प्रेसरको औषधी खानुहुन्थ्यो भन्ने थाहा भयो । घरमा बाथरुममा लडेपछि केएमसी लगिएको रहेछ । त्यहि क्रममा उहाँको मृत्यु भयो भन्ने थाहा भयो ।’
श्रेष्ठका छोरा/छोरी विदेशमा रहेका कारण अन्तिम संस्कार भइनसकेको र श्रेष्ठको शव केएमसीमै रहेको जानकारी बमले दिएका छन् । लामो समयदेखि भौतिक पूर्वाधार निर्माणमा तत्परता नदेखाएका मन्त्री विश्वकर्माको पछिल्लो सक्रियता चर्चाका लागि त ठिकै होला । तर, साग आयोजनाको जिम्मेवारी ४ वर्ष भन्दा अगाडि नै पाएको नेपालका खेल अधिकारी के गरेर बसे भन्ने प्रश्न उठिरहेको छ । समय हुँदा भौतिक पूर्वाधार निर्माण लगायत काममा ध्यान नपुग्दा अन्तिम समयमा काम सक्नकै चटारो भएको छ । जसकारण रंगशालाको काम दिनरात गर्नुपरेको छ ।
भौतिक पूर्वाधार निर्माण समयमा नभएकै कारण यसअघि दुई पटक सागको मिति सार्नुपरेको थियो । भौतिक पूर्वाधार पूर्न रुपमा तयार नभएपनि नेपालले मंसिर १५ देखि २४ गते सम्मका लागि तोकिएको साग समयमै गर्नेमा सहभागी राष्ट्रलाई आश्वस्त पार्ने प्रयास गरेको छ । अघिल्लो साता मात्र फुटबलको विश्वकप छनोट अन्तर्गत कुवेतविरुद्ध हुने एक घरेलु खेल मङ्सिर ३ गतेका लागि गर्न नसक्ने भन्दै नेपालबाट आयोजना गर्ने जिम्मेवारी खोसिएको थियो ।
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]
April 24, 2024
काठमाडौं (हाम्रो खेलकुद) – बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलमा सहभागी हुन ४ खेलाडीसहित ५ सदस्यीय टोली बिहीबार चीनको युन नान प्रस्थान गर्ने भएको छ । विजय बुर्जा कप्तान रहेको टोलीको अन्य खेलाडीमा निकेश मगर, मनीष केसी र निश्चल महर्जन रहेका छन् । प्रशिक्षकमा सुशिल गुरुङ छन् । बुधबारदेखि सुरु भइसकेको […]