काठमाडौं (हाम्रो खेलकुद)– अर्को साता सुरु हुने १३ औं दक्षिण एसियाली खेलकुद (साग) मा भाग लिने विदेशी खेलाडी तथा खेलकर्मीको आइएमइ जनरल इन्स्योरेन्स लिमिटेडले सामूहिक दुर्घटना विमा गरिएको छ ।

मंसिर १५ गते देखि २४ गते सम्म काठमाडौं, ललितपुर, कास्की र जनकपुरमा सुरु हुने सागमा नेपालसहित ७ राष्ट्रका खेलाडीको सहभागिता रहनेछ ।

सागमा भाग लिने खेलाडी, अफिसियिल र पदाधिकारीको प्रति व्यक्ति ५ लाख रुपैयाँको दरले सामूहिक विमाको सम्झौता राष्ट्रिय खेलकुद परिषद् सचिवलाय तथा १३ औं साग मुल आयोजक समितिका तर्फबाट रमेशकुमार सिलवाल र आइएमइ इन्स्योरेस्नकातर्फबाट प्रमुख कार्यकारी अधिकृति युगेशभक्त बादे श्रेष्ठले सम्झौत पत्रमा हस्ताक्षर गरे ।

नेपाली खेलाडी तथा अफिसियलहरुको लागि भने १० लाखको विमा गरिएको छ ।

आयोजना अवधि भर आइएमइ इन्स्योरेन्स आधिकारिक विमा प्रायोजकका रुपमा रहने बताइएको छ । राखेप सदस्य सचिव समेश रहेका सिलवालले सागका लागि इस्योरेन्स प्रायोजक भएको मा आइएमइलाई धन्यावाद दिन आउने दिनमा सो कम्पनीसँग सेवा विस्तार गर्दै अघि बढ्ने बताए । आइएमी इन्स्योरेन्सका सिइओ श्रेष्ठले प्रायोजकमा रुपमा मौका दिएमा राखेपलाई धन्यवाद दिए ।

सागमा झन्डै ४ हजारको हाराहारीमा विदेशी खेलाडी, पदाधिकारीको सहभागिता रहनेछ । सागमा २६ खेलका लागि ३ हजार बढी खेलाडीले प्रतिस्पर्धा गर्नेछ । आयोजक नेपालले सबै २६ खेलमा भाग लिएको छ ।