4 years ago
January 24, 2020
काठमाडौं (हाम्रो खेलकुद)– खेलकुद पत्रकारहरुको संस्था नेपाल खेलकुद पत्रकार मञ्चले एआईपीएस स्पोर्टस् मिडिया अवार्डको ‘वेस्ट कोलम राइटिङ’ विधाको उत्कृष्ट तीनमा पर्न सफल काठमाडौं पोष्टका खेल पत्रकार प्रज्वल ओलीलाई बधाई तथा शुभकामना दिएको छ ।
मञ्चले शुक्रबार कार्यक्रमको आयोजना गर्दै मञ्चका महासचिव समेत गरेका ओलीलाई मञ्चका अध्यक्ष दुर्गानाथ सुवेदी (देवेन्द्र), एआईपीएस एसियाका कोषाध्यक्ष निरञ्जन राजवंशी, मञ्चका वरिष्ठ उपाध्यक्ष सञ्जिव शिल्पकार, नेपाल पत्रकार महासंघका केन्द्रीय सदस्य पवन आचार्यले अवार्डमा बधाई तथा शुभकामना दिए ।
राष्ट्रिय खेलकुद परिषद् (राखेप) मा २ सय भन्दा बढी खेलकुद संघहरु दर्ता भएपनि मुस्किलले ५० वटा संघ क्रियासिल रहेको भन्ने काठमाडौं पोष्टमा प्रकाशित ओलीको समाचार उत्कृष्ट ३ मा पर्न सफल भएको थियो । सोही विधामा गत वर्ष मञ्चका अर्का सदस्य आदर्श ढकालको समाचार शीर्ष १० मा पर्न सफल भएको थियो ।
मञ्चका अध्यक्ष सुवेदीले एआईपीएस अवार्डमा नेपालको उपस्थितिले नेपाली खेलकुद पत्रकारितालाई दीर्घकालीन फाइदा पुग्ने बताए ।
एआईपीएस एसियाका कोषाध्यक्ष तथा मञ्चका पूर्व अध्यक्ष राजवंशीले ओलीको मनोनयन खेलकुद पत्रकारिताका लागि सुखद उपलब्धि रहेको बताए । अवार्ड मनोनयनमा परेका ओलीले एआईपीएस अवार्डको उत्कृष्ट तीनमा पर्नु आफ्ना लागि सुखद आश्चर्य रहेको बताए ।
महासंघका केन्द्रीय सदस्य आचार्यले ओलीको मनोनयनले नेपाली खेलकुद पत्रकारिताले विश्व मञ्चमा बलियो उपस्थिति जनाएको बताउदै अवार्ड प्राप्त भएमा थप बोनस हुने धारणा राखे । वरिष्ठ उपाध्यक्ष शिल्पकारले अवार्डको उत्कृष्ट तीनमा पर्न सफल ओलीलाई विजयीको अग्रिम शुभकामना दिए ।
विश्वभरका १ सय ८ प्रतिस्पर्धीबाट ओलीको खेलकुद समाचार उत्कृष्ट तीनमा पर्न सफल भएको थियो । ओलीसँगै उत्कृष्ट तीनमा स्पेन र अर्जेन्टिना पत्रकार परेका छन् । हंगेरीको बुडापेस्टमा माघ २० गते विश्व खेलकुद पत्रकार महासंघ (एआइपिएस) को साधारण सभाका दौरान अवार्ड विजेताको घोषणा हुनेछ ।
May 15, 2024
काठमाडौं (हाम्रो खेलकुद)- स्यान्टु श्रेष्ठ ओलम्पिकमा छनोट हुने तेस्रो नेपाली खेलाडी बनेका छन्। पेरिस २०२४ ओलम्पिकको दक्षिण एसियाली टेबलटेनिस छनोट अन्तर्गत पुरूषतर्फ बुधबार भएको फाइनलमा स्यान्टुले अर्का नेपाली संयोग कपालीलाई ४-३ सेटले हराउँदै स्यान्टुले ओलम्पिक यात्रा गरेका हुन्। लैनचौरस्थित टेबलटेनिस प्रशिक्षण केन्द्रमा स्यान्टु ११-७,८-११,११-७,११-६,८-११,८-११, ११-९ ले विजयी भएका हुन्। स्यान्टु टेबलटेनिसबाट ओलम्पिकमा छनोट हुने पहिलो […]
May 15, 2024
काठमाडौं (हाम्रो खेलकुद)- कान्तिपुर हाफ म्याराथनको १२ औं संस्करण यहि साता आयोजना हुने भएको छ। कान्तिपुर पब्लिकेशन्स लिमिटेडले आयोजनामा शनिबार हुने म्याराथनको सबै तयारी पूरा भएको बुधबार पत्रकार सम्मेलनमा जानकारी दिइयो। ग्लोबल आईएमईको प्रस्तुती रहेको कान्तिपुर हाफ म्याराथनमा यस वर्षको नारा ‘रन टु इन्स्पायर द यड’ रहेको छ । कान्तिपुर हाफ म्याराथनमा ४ विधा रहने […]
May 15, 2024
सुमन अधिकारी,बुटवल मदन भण्डारीको ३१ औं स्मृति दिवसको अवसरमा हुने (जेठ ३ गते ) दोस्रो राष्ट्रिय खुल्ला हाफ म्याराथन तथा रोड रेस प्रतियोगिताको तयारी पूरा भएको छ । आयोजक मदन भण्डारी स्पोर्टस एकेडेमीले मंगलबार बुटवलमा पत्रकार सम्मेलन गर्दै प्रतियोगिताको तयारी पूरा भएको जनाएको हो । प्रतियोगितामा खुल्ला हाफ म्याराथनसहित ५ वटा इभेन्ट समावेश गरिएको छ […]