काठमाडौं (हाम्रो खेलकुद)– स्वदेशमा आयोजना भएको १३ औं दक्षिण एसियाली खेलकुद (साग) का पदक विजेता खेलाडी पहिलो खुला अनलाइन डेडो युरोपियन तेक्वान्दो पुस्सेअन्तर्गत ३० वर्ष मुनीतर्फको सेमिफाइनलमा पुगेका छन् ।

जर्मनीमा जारी च्याम्पियनसिपमा सागका पदक विजेता कमल श्रेष्ठ, जित बहादुर बोटे र प्रेम बहादुर लिम्वु पहिलो चरण पार गर्दै अर्को चरणमा पुगेको लक्ष्मणबहादुर ऐरले जानकारी दिएका छन् । लक्ष्मण आफै भने ५० वर्ष मुनकिो उमेर समूहको पुम्सेमा प्रतिस्पर्धा गरिरहेको छन् ।

त्यस्तै महिला तर्फको ३० वर्ष मुनीतर्फ पार्वती गुरुङले भाग लिएकी छिन् । प्रतिस्पर्धीले भिडियो पठाएर प्रतियोगितामा भाग लिएका हुन् । मंसिरमा भएको १३ औं सागमा कमल र पार्वतीले पुम्सेमा स्वर्ण पदक तथा जित र प्रेमले कास्य पदक जितेका थिए ।

सबै खेलाडीहरुको पुम्से भिडियोको यु ट्यूव लिंक मार्फत २८ अप्रिलमा पठाइएको लक्ष्मणले बताए प्रतियोगिताको नियम अनुसार हरेक खेलाडी ले समान ३÷३ वटा यु ट्यूव लिंक हरेक यू ट्यूव लिंकमा २/२ वटा पुम्से गरी एक जनाको जम्मा ६ पुम्सेको भिडियो पठाइइएको बताइएको छ । सबै भिडियो युटुवमा अपलोड गरेर त्यसको लिंक आयोजकलाई पठाइएको छ । लक्ष्मणले सहभागीका लागि समन्वय गरेका थिए भने नामावली नेपाल तेक्वान्दो संघमार्फत पठाइएको थियो ।

प्रतियोगितामा अनलाइन विभिन्न ७२ देशका १ हजार २ सय ५४ खेलाडीले प्रतिस्पर्धा गरेहेको बताइएको छ । जसमा ५० वर्ष उमेर समूह मुनि पुरुष तर्फ विश्वभरका ६२ जना, ३० वर्ष मुनिको पुरुष उमेर समुहमा १ सय ७ जना र ३० वर्ष मुनिको महिला समूहमा १ सय १२ जना सहभागि छन् । कोराना भाइर कोभिड १९ का कारण अन लाइन प्रतियोगिता आयोजना गरिएको बताएको छ ।

लक्ष्मणले विश्वभर कोरोनाको महामारीले खेलकुद गतिविधि रोकिँदा खेलाडी फुर्सदामा रहेको अवस्थामा जर्मनीमा प्रतियोगितामा हुन लागेको थाहा पाएर सहभागी भएको बताए । उनले कोरियन प्रशिक्षक क्वान योङ दल, ओलम्पियन दिपक विष्टसँग राय सुझाव लिइ तेक्वान्दो संघ अनुमती लिएर दर्ता प्रक्रिया अघि बढाएको जानकारी दिए ।

हरेक उमेर समूहका शीर्ष ३ म आउने खेलाडीले पदक प्राप्त गर्नेछन् । त्यस्तै सबैभन्दा धेरै लाईक र धेरै सेयर बटुल्ने भिडियोले समान २ सय ५० युरो पुरस्कार स्वरुप प्राप्त गर्नेछन् । प्रतियोगिताको तयारीका लागि लकआउटको समयमा सरकारको निर्देशन अनुसार शारीरिक दुरी राखेर दैनिक ४ घन्टा अभ्यास गर्ने गरेको लक्ष्मणले बताए ।