4 years ago
May 24, 2020
काठमाडौं (हाम्रो खेलकुद) – नेपाल एथलेटिक्स संघका अध्यक्ष राजिव विक्रम शाहले आफू अध्यक्ष रहेको कुमारी ट्रष्टमार्फत कर्णाली प्रदेशका विभिन्न जिल्लामा १ करोड रुपैयाँभन्दा बढीको स्वास्थ्य उपकरणको सहयोग गरेका छन् । अध्यक्ष शाहले जाजरकोट जिल्ला अस्पताल विकास समितिका अध्यक्ष धर्मशिला बस्नेतलाई शनिबार झन्डै ७ लाख रुपैयाँ बराबरको स्वास्थ्य उपकरण हस्तान्तरण गरेका हुन् । यसरी हस्तान्तरण गरिएको […]
काठमाडौं (हाम्रो खेलकुद) – नेपाल एथलेटिक्स संघका अध्यक्ष राजिव विक्रम शाहले आफू अध्यक्ष रहेको कुमारी ट्रष्टमार्फत कर्णाली प्रदेशका विभिन्न जिल्लामा १ करोड रुपैयाँभन्दा बढीको स्वास्थ्य उपकरणको सहयोग गरेका छन् ।
अध्यक्ष शाहले जाजरकोट जिल्ला अस्पताल विकास समितिका अध्यक्ष धर्मशिला बस्नेतलाई शनिबार झन्डै ७ लाख रुपैयाँ बराबरको स्वास्थ्य उपकरण हस्तान्तरण गरेका हुन् । यसरी हस्तान्तरण गरिएको ५ थान प्यासेन्ट बेड, प्यासेन्ट मनिटर, इसीजी मेसिन, अक्सिजन कन्सन्टेटर, प्यासेन्ट ट्रली, नेपुलाइजर, डेलिभरी बेड, पल्स अक्सिमिटर लगाएतका स्वास्थ्य सामाग्री सहयोग गरिएको अध्यक्ष शाहले बताए ।
कोरोना भाइरस कोभिड १९ का कारण उत्पन्न्न परिस्थितिलाई मध्य नजर गर्दैै जिल्लालाई अस्पताललाई सहयो गरेको शाहले बताए । यो समयमा जसले जसरी सम्भवत छ त्यसरी सहयोग गर्नुपर्नेमा जोड दिए । कुमारी ट्रष्ट मार्फत पुर्वसांसद शाहले सुर्खेत स्थित प्रदेश अस्पताललाई एउटा भेन्टिलेरसहित ५ वटा आइसीयू बेड, इसीजी मेसिन, प्यासेन्ट मनिटरसहित ७० लाख रुपैयाँ बराबरको स्वास्थ्य सामग्री शुक्रबार हस्तारण गरेका थिए ।
त्यस्तै जाजरकोट, दैलेख, कालिकोट, हुम्ला, पश्चिम रुकुम, सल्यान, मुगु र डोल्पाका जिल्ला अस्पतालहरुलाई ३० लाख रुपैयाँ बराबरको विभिन्न स्वास्थ्य सामाग्री सहयोग गरेका छन । लामो समयदेखि अमेरिकामा बस्दै आएकी माया राणाले मार्फत प्राप्त सहयोगबाट कर्णाली प्रदेशमा ट्रष्टले स्वास्थ्य सामाग्री हस्तान्तरण गरेको शाहले बताए ।
शाहले जाजरकोटमा कार्यरत नेपाल प्रहरी, स्वास्थ्यकर्मी, सशस्त्र प्रहरीलाई माक्स, सेनिटाइजर लगायतका सामाग्री प्रदान गरेका छन् भने पत्रकारलाई पनि मास्क हस्तान्तरण गरेका थिए । डागाड नगरपालिका–५ वडावनमा कुमारी ट्रष्टले ५ करोड रुपैयाँ भन्दा बढी लगानीमा २५ शैयाको सामुदायिक अस्पताल तयार गरेको थियो ।
त्यसअघि शाहले जाजरकोटमा यो भन्दा अगाठि नै जिल्लाका ७ वटै पालिकालाई सर्जिकल वेड लगाएतका स्वास्थ्य सामाग्री सहयोग गरेका थिए । एथलेटिक्स संघका अध्यक्ष शाहले यो कठिन परिस्थितिमा कुनै पनि खेलाडीलाई स्वास्थ्य वा अन्य समस्या परेमा संघ सहयोग गर्न तयार रहेको बताएका छन् । कोभिड १९ को संक्रमण रोक्नका लागि सरकारले दुई महिना भन्दा लामो समयदेखि लकडाउन गरिरहेको छ ।
यस्तोमा आर्थिक रुपमा विभिन्न र दैनिक गुजारा गर्न समस्या परेकालाई विभिन्न खेलका खेलाडीले खाद्यान्न सहयोग गरेका थिए । जसमा १३ औं दक्षिण एसियाली खेलकुद (साग) का दोहोरो स्वर्ण पदक विजेता आयशा शाक्य, मण्डेकाजी श्रेष्ठ, स्वर्ण पदक करोतकी अनु अधिकारी, टेबुल टेनिसकी कास्य पदक विजेता एलिना महर्जन, राखेप सदस्य एकेन्द्र कुँवरलगायतले सहयोग गर्दै आएका छन् ।
March 28, 2024
काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]
March 28, 2024
काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]
March 28, 2024
काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिताको उद्घाटन समारोहको प्रमुख अतिथिका लागि राष्ट्रपति रामचन्द्र पौडेललाई बिहीबार निमन्त्रणा गरेको छ । राखेपको आयोजनामा १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिता वैशाख ४ देखि ६ गते काठमाडौंमा हुँदैछ । सदस्य सचिव टंकलाल घिसिङले शितल निवासमा राष्ट्रपति […]