4 years ago
July 15, 2020
काठमाडौं (हाम्रो खेलकुद) –निवर्तमान सदस्यसचिव रमेशकुमार सिलवालसँगै पूर्व राष्ट्रिय महिला भलिबल खेलाडीद्वय अन्जु श्रेष्ठ र निलम बज्राचार्यले राष्ट्रिय खेलकुद परिषद (राखेप) को सदस्य सचिव पदमा आवेदन दिएका छन्। राखेप सदस्य–सचिवको लागि खुला आह्वान गरिएको एक दिन बाँकी रहँदा सिलवालले आफ्नो प्रतिनिधिमार्फत बुधबार आवेदन दिएका हुन् । बुधबारै श्रेष्ठ र बज्राचार्यले पनि स्वयं आवेदन दिएका हुन् […]
काठमाडौं (हाम्रो खेलकुद) –निवर्तमान सदस्यसचिव रमेशकुमार सिलवालसँगै पूर्व राष्ट्रिय महिला भलिबल खेलाडीद्वय अन्जु श्रेष्ठ र निलम बज्राचार्यले राष्ट्रिय खेलकुद परिषद (राखेप) को सदस्य सचिव पदमा आवेदन दिएका छन्।
राखेप सदस्य–सचिवको लागि खुला आह्वान गरिएको एक दिन बाँकी रहँदा सिलवालले आफ्नो प्रतिनिधिमार्फत बुधबार आवेदन दिएका हुन् । बुधबारै श्रेष्ठ र बज्राचार्यले पनि स्वयं आवेदन दिएका हुन् । श्रेष्ठ नेपाली महिला भलिबल टिमकी पूर्व कप्तान हुन् । निलम नेपालको महिला टिमले २०४४ सालमा पहिलो अन्तर्राष्ट्रिय प्रतियोगिता खेल्दाको सदस्य रहेकी थिइन् ।
अन्जु आठौं सागमा नेपालले कास्यपदक जित्दा टोलीका सदस्य तथा १०औं सागमा कास्य जित्दा टोलीका कप्तान थिइन् । हाल लक्ष्मीनारायण ट्रष्टको अध्यक्ष रहेकी अन्जु जावलाखेल भलिबल प्रशिक्षण केन्द्रमा प्रशिक्षक पनि छिन् । अन्जुले एफआईभीबी लेभल टु प्रशिक्षक तालिम पूरा गरेकी छन् । अन्जुले व्यवस्थापन र शिक्षाशास्त्रमा स्नातक गरेकी छिन् ।
यस्तै अर्थशास्त्रमा स्नातकोत्तर गरेकी निलमले सदस्यसचिवमा नपरेपनि पछिल्लो पुस्ताको लागि केही होस् भनेर उम्मेदवारी दिएको बताइन् । विद्यालय स्तरको वीरेन्द्र शिल्ड, जिल्ला हुदै अञ्चल स्तरीय भलिबल खेलिसकेकी बज्राचार्य नेपालले २०४४ मा थाइल्यान्डको बैंककमा पहिलो महिला भलिबल प्रतियोगिता खेल्दा टोलीको सदस्य रहेकी थिइन् । उनले त्यसपछि अध्ययनलाई निरन्तरता दिदा खेललाई निरन्तरता दिन नसकेपनि पछिल्लो समय आफु खेलमै निरन्तर रहेको बताइन् ।
बिहीबार दरखास्त आह्वान सकिएसँगै तीन सदस्यीय सिफारिस समितिले एक महिलासहित तीन जनाको नाम मन्त्रालयमा पठाउनेछ । मन्त्रालयले मन्त्री परिषदको बैठकमा नाम पेश गर्नेछ । त्यसमध्येबाट एक जना राखेपको सदस्यसचिव नियुक्त हुनेछ ।
राखेपको इतिहासमा पहिलोपटक सदस्यसचिवका लागि खुला आह्वान भएको हो । बुधबारसम्म ११ जनाले आवेदन दिएका छन् । आवेदन दिनेको नाम युवा तथा खेलकुद मन्त्रालयले सार्वजनिक नगरेपनि नेपाल क्रिकेट संघको बागमतीका कोषाध्यक्ष अनिल अधिकारी र रोशन महर्जनले पनि आवदेन दिएको बताइएको छ ।
यो पनि पढ्नुहोस :
सदस्य सचिव नियुक्ति : सिफारिस समितिमा निरौला र रानाभाट
अन्जु श्रेष्ठ : देशका लागि पदक ल्याउने बुबाको सपना पूरा गरें
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]