5 years ago
January 17, 2021
धनगढी (हाम्रो खेलकुद)– ‘एनएसजेएफ सुदूरपश्चिम स्पोर्टस अवार्ड २०७७’ को दोस्रो संस्करण चैतमा आयोजना हुने भएको छ ।
नेपाल खेलकुद पत्रकार मञ्च कैलाली समन्वय शाखाले आइतबार पत्रकार सम्मेलन गर्दै अवार्ड चैत ६ आयेजना गर्ने जानकारी दिएको छ । मञ्च कैलालीका अध्यक्ष सिताराम ओझाले अवार्डका लागि मुल आयोजक समिति र अन्य उप समितिहरु गठन गर्दै तयारी थालिएको छ ।
पहिलो संस्करणको कैलाली हस्पिटल प्रथम सुदूरपश्चिम स्पोर्टस अवार्ड गत वर्ष पुस १५ गते गरिएकोमा यसपटक भने कोरोना महामारीका कारण ढिला आयोजना गर्न लागिएको बताइएको छ ।
सुदूरपश्चिम स्पोर्टस अवार्डमा २०७६ सालभर उच्च प्रदर्शन गरेका राष्ट्रिय तथा अन्तर्राष्ट्रिय क्षेत्रमा सफल खेलाडी र प्रशिक्षकलाई विभिन्न विधाहरु गरी ९ वटा विधामा अवार्ड प्रदान गरिने बताइएको छ । अवार्डमा सुदूरपश्चिम प्रदेशका खेलाडी तथा प्रशिक्षकहरुलाई मात्रै समावेश गरिने छ ।
पहिलो संस्करणमा ६ वटा विधामा अवार्ड प्रादन गरिएकोमा दोस्रो संस्करणमा तीन वटा विधाहरु थपिएको अध्यक्ष ओझाले जानकारी दिए । अघिल्लो वर्षमा जस्तै यस वर्ष उत्कृष्ट खेलाडी पुरुष र महिला, उत्कृष्ट प्रशिक्षक, बर्ष युवा खेलाडी, स्पेशल अवार्ड र लाईफटाइम एचिभमेन्ट अवार्ड गत वर्षबाट सुरु गरिएको थियो । यसपटक पिपल्स च्वाईस अवार्ड तथा सुदूरपश्चिम आईकन महिला र पुरुष विधा थप गरिएको छ ।
उत्कृष्ट खेलाडी पुरुष र महिला, उत्कृष्ट प्रशिक्षक र पिपल्स च्वाईस अवार्ड गरी चार विधाका विजेतालाई ३० हजार रुपैयाँ प्रदान गरिनेछ । बर्ष युवा खेलाडी, स्पेशल अवार्ड र लाईफटाइम एचिभमेन्ट अवार्डका विजेताले २५ हजार रुपैयाँ प्राप्त गर्नेछन् ।
सुदूरपश्चिम आईकन विधाका महिला र पुरुष विधाका विजेतालाई समान २० हजार सहित प्रदान गरिने बताइएको छ । अन्य विधाहरुमा विभागिय टोलीबाट राष्ट्रिय तथा अन्तराष्ट्रिय खेलकुद क्षेत्रमा सफल भएका खेलाडी तथा प्रशिक्षकहरु समावेश गरिनेछ भने सुदूरपश्चिम आईकन महिला तथा पुरुष विधामा भने सुदूरपश्चिम प्रदेशको प्रतिनिधित्व गर्दै राष्ट्रिय तथा अन्तराष्ट्रिय खेलकुद क्षेत्रमा सफल भएका खेलाडीहरु मात्रै समावेश गरिनेछन् । यो दुई विधा प्रदेशका खेलाडीहरुको हौसला र प्रोत्सहान गर्नका लागि समावेश गरिएको बताइएको छ ।
अवार्ड कार्यक्रम डिसहोम एक्सन स्पोर्टसबाट प्रत्यक्ष प्रसारण गरिनेछ तथा धनगढीका स्थानीय टेलिभिजनहरुका साथै विभिन्न संञ्चार माध्यमहरु र सामाजिक सञ्जालबाट पनि प्रत्यक्ष प्रसारण गरिने मञ्च कैलालीका महासचिव प्रदीप पाठकले बताए । अवार्डको काठमाण्डौंको त्रिपुरेश्वरमा रहेको वल्र्ड टे«र्ड सेन्टरको स्क्रीनमा पनि प्रत्यक्ष प्रसारण गरिने भएको छ ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
