5 years ago
January 28, 2021
धनगढी (हाम्रो खेलकुद)- धनगढीमा चैतमा आयोजना हुने दोस्रो सुदूरपश्चिम स्पोर्टस अवार्डलाई धनगढीको सारथी अस्पतालले साथ दिएको छ । आयोजक नेपाल खेलकद पत्रकार मञ्च कैलाली समन्वय शाखा र सारथी अस्पतालबीच बिहीबार अवार्डको एउटा विधाका लागि प्रायोजन सम्झौता भएको छ ।
९ वटा विधा मध्येको लाईफटाईम अचिभमेन्ट अवार्डलाई सारथीले प्रायोजन गरेको हो । त्यसको नाम सारथी अस्पताल लाईफटाईम अचिभमेन्ट अवार्ड भएको छ । खेलकुद क्षेत्रमा जीवन समर्पण गरेका र सुदूरपश्चिमको खेलकुद विकासमा अतुलनीय योगदान पुराएका खेलकुद क्षेत्रका व्यक्तित्वलाई यो अवार्ड प्रदान गरिने मञ्चले जनाएको छ । उक्त अवार्डबाट सम्मानित हुनेले २५ हजार रुपैयाँसहित ट्रफी, मेडल प्राप्त गर्नेछन् । पहिलो संस्करणमा पनि सारथी अस्पतालले प्रायोजन गरेको थियो ।
प्रायोजन सम्झौता पत्रमा सारथी अस्पतालका अध्यक्ष वेदप्रकाश जोशी र मञ्च कैलालीका उपाध्यक्ष श्रवण देउवाले हस्ताक्षर गरे । अवार्डमा अघिल्लो बर्षदेखि जोडिएकोमा यसपाली विधा प्रायोजन गरेर सहकार्य गर्दै खेलकुद क्षेत्रलाई पनि साथ दिएको सारथी अस्पतालका अध्यक्ष जोशीले बताए ।
लाईफ टाईम अचिभमेन्ट अवार्डका विजेतालाई अस्पतालमा उपलब्ध रहेको स्वास्थ्य उपचारको निशुल्क गर्ने उनले घोषणा गरे ।
चैत ६ गते धनगढीमा हुने सुदूरपश्चिम स्पोर्टस अवार्ड विभिन्न ९ विधामा दिइने बताइएको छ । बर्ष पुरुष खेलाडी, बर्ष महिला खेलाडी, बर्ष युवा खेलाडी, बर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने छ ।
त्यसैगरी पिपुल च्वाईस, सुदूरपश्चिम आईकन महिला र पुरुष विधामा पनि अवार्ड वितरण गरिनेछ । ७ वटा विधामा समान ३ जनाको मनोनयन सार्वजनिक गरिनेछ भने स्पेशल अवार्ड र लाईफ टाईम एचिभमेन्ट अवार्डको घोषणा कार्यक्रमकै दिन गरिने बताइएको छ ।
अवार्ड अन्तर्गतको बर्ष युवा खेलाडीलाई निसर्ग हस्पिटल एण्ड रिसर्च सेन्टर, सुदूरपश्चिम आईकन पुरुष विधालाई माया मेट्रो हस्पिटल, सुदूरपश्चिम आईकन महिला विधालाई तिवारी मेडिसिन डिष्ट्रिव्युटर्सले प्रायोजन गरेका छन् । सुदूरपश्चिम स्पोर्ट्स अवार्डको दोस्रो संस्करणमा धनगढी उप महानगरपालिका प्रबद्र्धकको रुपमा रहेको छ ।
उत्कृष्ट खेलाडी पुरुष र महिला, उत्कृष्ट प्रशिक्षक र पिपल्स च्वाइस अवार्ड गरी ४ विधाका विजेताले ३० हजार रुपैयाँ, युवा खेलाडी, स्पेसल अवार्ड, लाईफ टाइम एचिभमेन्ट अवार्डले विजेताले समान २५ हजार रुपैयाँ प्राप्त गर्नेछन् । सुदूरपश्चिम आईकन महिला र पुरुष विधाका विजेताले समान २० हजार रुपैयाँ पाउनेछन् ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
