2 years ago
December 4, 2021
विजय नेपाली,पोखरा खेलाडीले १ खेल खेलेपछि आरामको समय भनेको थोरैमा पनि २४ घण्टा हो । लगातार खेल खेल्दा खेलाडीमा उर्जा रहदैन । खेल स्तर घट्छ । कुनै पनि फाइनल खेल र सेमिफाइनल खेलमा खेलाडी मानसिक र शारीरिक रुपमा बलियो रहन पर्दछ । सेमिफाइनल र फाइनल खेल भनेको सामान्य हुने कुरै भएन । त्यहाँ खेलाडीले आफ्नो […]
विजय नेपाली,पोखरा
खेलाडीले १ खेल खेलेपछि आरामको समय भनेको थोरैमा पनि २४ घण्टा हो । लगातार खेल खेल्दा खेलाडीमा उर्जा रहदैन । खेल स्तर घट्छ । कुनै पनि फाइनल खेल र सेमिफाइनल खेलमा खेलाडी मानसिक र शारीरिक रुपमा बलियो रहन पर्दछ । सेमिफाइनल र फाइनल खेल भनेको सामान्य हुने कुरै भएन । त्यहाँ खेलाडीले आफ्नो भएको सम्पूर्ण शक्ति लगाएर खेलेकै हुन्छन् । जसका लागि आराम निकै महत्वपूर्ण कुरा हो ।
तर, नेपालकी सलोनी तामाङले भने २४ घण्टामा ४ खेल खेलिन् । त्यो पनि २ सेमीफाइनल र ४ फाइनल खेल । महिला खेलाडी लगातार खेल खेल्दै च्याम्पियन बन्न सफल रहिन् । शुक्रबार व्यक्तिगत प्रतिस्पर्धामा भारतीय खेलाडीसंग भिड्दै फाइनल प्रवेश गरेकी सलोनीले शनिबार व्यक्तिगत प्रतिस्पर्धामा फाइनल खेलिन् । सामुहिक तर्फको सेमिफाइनल र फाइनल खेलिन् । उनले सबै खेलमा जित निकाल्दै उपाधि हात पारिन् ।
उनी जुनिएर आइटिएफ वल्र्ड टेनिस टुरको व्यक्तिगत तथा सामुहिक तर्फ च्याम्पियन बन्न सफल भइन् । व्यक्तिगत महिला प्रतिस्पर्धामा सलोनीले भारतकी हान्नह नागपाललाई हराउँदै स्वर्णपदक हात पारिन् । सनोली सामू नागपाल निहिर बनिन् । सलोनीले पहिलो सेट ७–५ ले आफ्नो पक्षमा पारिन् ।
एक समय ५–२ ले पछि परेकी सलोनीले खेलमा एकाएक हाबी हुदैँ उल्टै ७–५ ले जित आफ्नो नाम गराइन् । दोस्रो सेटमा भने नागपालले कुनै अंक जोड्न सकिनन् । दोस्रो सेटमा सलोनीले ६–० को सेटमा हराउँदै स्वर्णपदक आफ्नो पक्षमा पारिन् । नागपालले रजत पदकमा चित्त बुझाउनुपर्यो। विजेतासंगै सलोनीले ३० अंक बटुलेकी छिन् । नागपालले भने १८ अंक प्राप्त गरिन् ।
यस अघि शुक्रबार सलोनीले सेमिफाइनल खेलमा भारतकी सुकमणी भण्डारीलाई हराउँदै फाइनलको यात्रा तय गरेकी थिइन् । नागपालले भने सेमिफाइनलमा मेहेर मिश्रलाई हराउँदै फाइनलमा सलोनीसंग भेट गरेकी थिइन् । सलोनीले ४ खेल खेल्दा निकै थाकेको बताइन् । भारतीय खेलाडीसंग व्यक्तिगत प्रतिस्पर्धामा च्याम्पियन बन्नका लागि खेल्दा नै उनले कम्ब्याक गरेकी थिइन् ।
‘हिजो पानी परेर हाम्रो खेल हुन पाएन । हिजो खेल नहुदा आज खेल्न प¥यो’ सलोनीले भनिन्,‘ आयोजकलाई पनि खेल आजै सक्नुपर्ने बाध्यता थियो । धेरै थकान हुदाँ हुदैँपनि जित्नु मेरो लागि महत्वपूर्ण थियो र सफलता पनि पाए । ’ उनले फाइनल र सेमिफाइनलमा भारतको सामना गर्नुपरेको थियो । ‘सबैटिम भारतसंगै हारिरहेको थियो । निकै डर लाग्यो तर, आत्मबल हारिन् थकाइको वेवास्ता गरे’ उनले थपिन्,‘नेपालमा टेनिसको सम्भावना छ । यस्को प्रचार प्रसार हुन सकिरहेको छैन् प्रचार प्रसार भए लोकप्रियता हुन्छ अनि खेलको महत्व अझ बढ्छ ।’
उता महिला समुहगत तर्फ नेपालकै खेलाडीबिच फाइनलमा भिडन्त भएको थियो । उक्त खेलमा अभिलाषा विष्ट र सलोनी तामाङकै जोडीले इशाश्री शाह र श्रवणी श्रेष्ठको जोडिलाई हराउँदै स्वर्ण जितेका हुन् । अभिलाषा र सलोनीको जोडिले शनिबार नै भारतकी दिव्या भाटिया र मेहेर मिश्रको जोडिलाई सेमिफाइनलमा हराउँदै फाइनल प्रवेश गरेका हुन् ।
पुरुष व्यक्तिगत तर्फ स्विडेनका इमिलियो गिएलोस्कीले स्वर्णपदक हात पारे । उनले भारतका दकस प्रसादलाई ६–२, ५–७ र ७–६ को सेटमा हराउँदै उपाधी चुमेका हुन् । पुरुषतर्फको सामूहिक प्रतिस्पर्धामा अमेरिकाका एमेथ्रि बारोट र सिद्धार्थ लामाको जोडिले स्वार्ण जिते ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]