2 years ago
July 13, 2022
काठमाडौं (हाम्रो खेलकुद)– ब्याडमिन्टन खेलाडी उत्पादनको मुख्य उद्देश्य राखेर स्थापना भएको काठमाडौं ब्याडमिन्टन एकेडेमी (केबिए) ले मुख्य प्रायोजकका रुपमा प्रेसिडेन्सियल बिजनेस स्कुल पाएको छ । केबिएलाई प्रेसिडेन्सियलले वार्षिक १५ लाख रुपैयाँ बराबरको प्रायोजनको बुधबार सम्झौता गरेको छ । प्रेसिडेन्सियलका कार्यकारी अध्यक्ष लक्ष्मण केसी र केबिएकी अध्यक्ष रिता विष्टले सम्झौता पत्रमा हस्ताक्षर गरेका थिए । गरु […]
काठमाडौं (हाम्रो खेलकुद)– ब्याडमिन्टन खेलाडी उत्पादनको मुख्य उद्देश्य राखेर स्थापना भएको काठमाडौं ब्याडमिन्टन एकेडेमी (केबिए) ले मुख्य प्रायोजकका रुपमा प्रेसिडेन्सियल बिजनेस स्कुल पाएको छ ।
केबिएलाई प्रेसिडेन्सियलले वार्षिक १५ लाख रुपैयाँ बराबरको प्रायोजनको बुधबार सम्झौता गरेको छ । प्रेसिडेन्सियलका कार्यकारी अध्यक्ष लक्ष्मण केसी र केबिएकी अध्यक्ष रिता विष्टले सम्झौता पत्रमा हस्ताक्षर गरेका थिए । गरु पूर्णिमाका अवसरमा केबिएले ब्याडमिन्टनका प्रशिक्षक, ब्याडमिन्टनकर्मी र खेलकुद पत्रकारलाई सम्मान गर्ने कार्यक्रमकै दौरान सम्झौता पत्रमा हस्ताक्षर गरिएको थियो ।
सम्झौतापछि अब एकेडेमीको नाम केबिए प्रेसिडेन्सियल काठमाडौँ ब्याडमिन्टन एकेडेमी रहने बताइएको छ । प्रेसिडेन्सियल विजनेस स्कुलले केबीएलाई बार्षिक ५ लाख नगद र केबीएका खेलाडीलाई प्रेसिडेन्सियल कलेजमा १० लाख बराबरको व्याचलर र मास्टर्स लेबलका कोर्स अध्ययन गर्ने सुविधा दिने सम्झौतामा उल्लेख रहेको बताइएको छ । प्रायोजना दुई वर्षका लागि गरिएको छ ।
केबिए २०७७ साल पुसमा स्थापना भएको थियो । गैर नाफामूलक संस्थाको रुपमा स्थापित एकेडेमीले छोटो अवधिमै अन्तर स्कूल प्रतियोगितामा च्याम्पियन खेलाडी निकालेको थियो । राखेपमा ब्याडमिन्टनका पूर्व मुख्य प्रशिक्षक उदय कुमार श्रेष्ठलाई प्रमुख प्लेयर्स डेभलप्मेन्ट डिपार्टमेन्टको जिम्मेवारी दिएको एकेडेमीमा विश्व ब्याडमिन्टन महासंघका प्रमाणपत्र प्राप्त प्रशिक्षक बालकृष्ण थापा र पुरुषोत्तम ढकालले खेलाडीलाई प्रशिक्षण दिदै आएका छन् ।
केबीएको प्रशिक्षण अचेल देवीनगर क्लब, बानेश्वरमा नियमित भइरहेको एकेडेमीले जनाएको छ । ब्याडमिन्टन प्रवर्धन गर्ने उद्देश्य अनुरुप एकेडेमीले गत वर्ष कुमारी बैंक काठमाडौ टिम च्याम्पियनसिप २०२१ कर्पोरेट आमान्त्रण ब्याडमिन्टन प्रतियोगिता आयोजना गरेको थियो ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]