2 years ago
September 6, 2022
बिर्तामोड (हाम्रो खेलकुद) – झापाको भद्रपुरमा भएको पुरुष डबल ब्याडमिन्टन प्रतियोगिताको उपाधि राष्ट्रिय वाणिज्य बैंक बिर्तामोड शाखाको जोडीले उचालेको छ । मंगलबार भएको फाइनलमा नेपाल विद्युत प्राधिकरण दमक वितरण केन्द्रको जोडीलाई २१–७, २१–१२ को सोझो सेटमा हराउँदै वाणिज्य बैंक बिर्तामोड शाखाले उपाधि रक्षा गरेको हो । वाणिज्य बैंकको तर्फबाट प्रज्ज्वल ओझा र खगेन्द्र कन्दङवाको जोडी […]
बिर्तामोड (हाम्रो खेलकुद) – झापाको भद्रपुरमा भएको पुरुष डबल ब्याडमिन्टन प्रतियोगिताको उपाधि राष्ट्रिय वाणिज्य बैंक बिर्तामोड शाखाको जोडीले उचालेको छ ।
मंगलबार भएको फाइनलमा नेपाल विद्युत प्राधिकरण दमक वितरण केन्द्रको जोडीलाई २१–७, २१–१२ को सोझो सेटमा हराउँदै वाणिज्य बैंक बिर्तामोड शाखाले उपाधि रक्षा गरेको हो । वाणिज्य बैंकको तर्फबाट प्रज्ज्वल ओझा र खगेन्द्र कन्दङवाको जोडी तथा विद्युत प्राधिकरण दमक वितरण केन्द्रको तर्फबाट धीरेन्द्र बजगाईं र टंकप्रसाद उप्रेतीको जोडीबीच अन्तिम प्रतिस्पर्धा भएको थियो ।
वाणिज्य बैंकको जोडीले सेमिफाइनलमा जिल्ला अदालत झापाका न्यायाधीशद्वय चन्द्रमणि ज्ञवाली र रमेशप्रसाद रिजालको जोडीलाई हराउँदै फाइनलको यात्रा तय गरेको थियो । त्यस्तै, अर्जुनधारा नगरपालिकाका हिमराज सेढाइँ र विपिन लम्सालको जोडीलाई हराउँदै नेपाल विद्युत प्राधिकरण दमक वितरण केन्द्रको जोडी फाइनल पुगेको थियो ।
विजेता जोडीले १० हजार र दोस्रो हुने टोलीले ७ हजार रुपैयाँ प्राप्त गर्नेछन् । भदौ २२ गते निजामती सेवा दिवस समारोहमा नगद र ट्रफी वितरण गरिनेछ । निजामती सेवा दिवस २०७९ को अवसरमा कर्मचारी मिलन केन्द्र भद्रपुरले सदस्यहरूबीच प्रतियागिता गराएको खेल संयोजक डिभिजन सिँचाइ कार्यालय भद्रपुरका प्रमुख कृष्ण राजवंशीले बताए ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]