काठमाडौं (हाम्रो खेलकुद)– राष्ट्रिय खेलकुद परिषद् (राखेप) का पूर्व सदस्य सचिव किशोरबहादुर सिंहको ७५ वर्षको उमेरमा निधन भएको छ ।
गए राती अचानक स्वास्थ्यमा खराबी भएपछि थापाथलीस्थित नर्भिक अस्पताल लगिएका सिंहको बिहीबार दिउँसो १२ः३० बजे निधन भएको उनका भतिज समेत रहेका नेपाल ब्याडमिन्टन संघका सचिव समिरबहादुर सिंहले जानकारी दिए ।
‘हिजो राती फुड पोइजनले भोमिटिङ भएपछि अस्पताल पुर्याएका थियौं । मुटुको विरामी पहिला देखि नै हुनुहुन्थ्यो,’ भजित सिंहले भने ।
सिंह २०५९ देखि २०६३ सम्म राखेको सदस्य सचिव रहेका थिए । उनी छ पटकका राष्ट्रिय ब्याडमिन्टन च्याम्पियन हुन् । बेलायतबाट शुक्रबार छोरी काठमाडौं आएपछि अन्तिम संस्कार गर्ने उनले जानकारी दिए । सिंहको श्रीमती र एक छोरी छन् ।
