बुटबल (हाम्रो खेलकुद) – पाँचौं लाफा / प्रथम मेयर कप ब्याडमिन्टन प्रतियोगिताको उपाधि आयोजक लाफा समूहका विवेक न्यौपाने र मनोज फौदारको जोडीले जितेको छ ।

मेन्स डबल बी लेभलको आइतबार भएको फाइनलमा न्यौपाने र फौदारको जोडीले गणेश रायमाझी र विधान गुरुङको जोडीलाई २–० को सोझो सेटमा हराएको थियो । विजेता जोडीले ट्रफीसहित ४० हजार दोस्रो जोडीले २५ हजार रुपैयाँ प्राप्त गरे । सेमिफाइनलमा पुगेको विशाल खड्का र सुरज गुरुङ तथा विनोद पौडेल र सरल थापाको जोडीले समान १५ हजार रुपैयाँ प्राप्त गरे ।

भेट्रान्स मेन्स डबलको उपाधि बुटवल ब्याडिन्टन क्लब महेश्वर नेपाल र अशोक कुमार भुषालको जोडीले जित्यो । नेपाल र भुषालको जोडीले फाइनलमा तनहुँका कमल राना र खुम गुरुङको जोडीलाई २–० सोझो सेटमा पराजित गरेको थियो । विजेता जोडीले २५ र दोस्रो हुने जोडीले १५ हजार रुपैयाँ प्राप्त गरे ।

सेमिफाइनल पुगेको वसन्त र महेश बज्राचार्यको जोडी तथा मन बाहादुर थापा र खगेन्द्र नेपालीको जोडीले समान १० हजार ५ सय प्राप्त गरे । प्रतियोगितामा घोराहीका हिमांशु कुंवर उत्कृष्ट खेलाडी घोषित भए । दानिस कुरेसी उदय चुनिए ।
बुटवल उपमहानगरपलिकाको मुख्य प्रायोजन र लुम्बिनी प्रदेस खेलकुद विकास परिषद् को सह प्रयोजनमा सम्पन्न प्रतियोगितामा भेट्रान्स तर्फ ३२ टोली तथा खुल्ला मेन्स डबल तर्फ ६४ टोलीको सहभागिता थियो ।

प्रदेश खेलकुद बिकास परिषद् लुम्बिनीका सदस्य सचिव जय प्रकाश भट्टराई, वार्ड अध्यक्ष यज्ञ प्रसाद पंगेनी, प्रदीप श्रेष्ठ, क्लब का अध्यक्ष बबिन थापा , संस्थापक अध्यक्ष तारासिंह रेश्मी मगर, संरक्षक वासुदेव लामिछाने लगायतले विजेता खेलाडीलाई पुरस्कृत गरे ।