default_image

9 months ago

August 22, 2023

दक्षिण एसिया जुनियर ब्याडमिन्टनमा श्रीलंकालाई ९ स्वर्ण

643 views

0 Bookmark

काठमाडौं (हाम्रो खेलकुद)– नेपाली खेलाडी कविर केसी र अभय महराको जोडीले दक्षिण एसिया क्षेत्रिय जुनियर च्याम्पियनसिपको यु १७ मा पुरुष डबल्समा रजत पदक जितेका छन् ।

सशस्त्र प्रहरी बलको हलचोकस्थित कभर्ड हलमा मंगलबार भएको फाइनलमा बंलादेशका रजोन मिया र एसएसएम सिफत उल्लाहको जोडीले कविर र अभयको जोडीलाई २१–११, २१–११ को सोझो सेटमा पराजित गर्दै स्वर्ण पदक जित्यो ।

यु १५ महिला डलब्समा नेपालका दिलाशा राना र रिहाना शेरचनले रजत पदक जिते । श्रीलंकाका सिथुली रनसिंघ र नेथिम रत्नायकेको जोडीले फाइनलमा दिलाशा र रिहानाको जोडीलाई २१–१२ ,२१–४ ले पराजित गर्दै स्वर्ण पदक जितेको हो ।

ब्याडमिन्टन एसियाको आयोजना तथा नेपाल ब्याडमिन्टन संघको व्यवस्थापनमा भएको च्याम्पियनसिपमा श्रीलंकाले मिक्स टिम इभेन्ट्समा २ सहित सर्वाकि ९ स्वर्ण पदक जितेको छ । बंगलादेशले ३ स्वर्ण पदक प्राप्त गर्यो ।

यु १७ पुरुष सिंगलमा बंगलादेशका एस.एस.एम. सिफत उल्लाहले स्वर्ण पदक जिते । उनले फाइनलमा श्रीलंकाका थिदासा वेरागोडालाई २१–१६, १२–२१, २१–१७ ले पराजित गर्दै च्याम्पियनसिपमा दोश्रो स्वर्ण प्राप्त गरे ।

यु १७ महिला सिंगलमा श्रीलंकाकी रनिथमा लियाङ्गेले आफ्नै देशकी रनुमी मनागेलाई २१–६, २१–८ ले हराउँदै स्वर्ण पदक जितिन् । महिला डबल्समा रनिथमाले रनुमी मनागेको जोडीमा स्वर्ण पदक जितिन् । श्रीलंकाली जोडीले माल्दिभ्सका ऐसत जोया हुसैन र मोहम्मद सरिफ सैबाको जोडीलाई २१–६, २१–६ ले हराएको थियो ।

यु १७ मिक्स डबल्समा श्रीलंकाका थिदासा वेरागोडा र रनिथमा लियाङ्गेको जोडीले आफ्नै देशका हिरुका अलुथ पतबेदाङ्गे र रनुमी मनागेको जोडीलाई २१–१४, २१–१६ ले पराजित गर्दै स्वर्ण पदक जित्यो ।

च्याम्पियनसिपको यु १५ तर्फ महिला सिंगल श्रीलंकाकी नेथमी रत्नायकले स्वर्ण पदक जितिन्। उनले आफ्नै देशकी सिथुली रनसिंघलाई २१–१३, २१–१० ले पराजित गर्दै उपाधि जितेकी हुन् । नेथमीले मिक्स डबल्समा सेनुथ सेथमिता पेरेरासंग मिलेर आफ्नै देशका केनिथ अरुगोडा र सिथुली सनसिंघको जोडीलाई २२–२०, २१–१२ ले पराजित गरेको छ ।

यु १५ पुरुष सिंगलमा बंगलादेशका वाली उल्लाहले बंगलादेशकै मोस्तकीम होसेनलाई २१–१५, २१–१५ ले हराउँदै स्वर्ण पदक जिते । यु १५ मिक्स डबल्समा स्वर्ण जितेका सेनुथ सेथमिता पेरेराले पुरुष डलब्समा केनिथ अरुगोडासंग मिलेर बंगलादेशका मोस्तकीम होसेन र वाली उल्लाहलाई २१–१५, १९–२१, २३–२१ ले पराजित गर्दै आफ्नो लागि दोश्रो स्वर्ण पदक जिते ।

ब्याडमिन्टन एसियाको डिभलोपमेन्ट चेयर वाजिद अली चौधरी, नेपाल ब्याडमिन्टन संघ तदर्थ समितिका अध्यक्ष रामजी बहादुर श्रेष्ठ, सशस्त्र प्रहरी बलमा अतिरिक्त सशस्त्र प्रहरी महानिरीक्षक चन्द्र प्रकाश गौतम लगायत विजेता खेलाडीलाई पुरस्कृत गरे । ५ दिन सम्म सन्चालन भएको प्रतियोगितामा नेपालसहित दक्षिण एसियाका ६ राष्ट्रका खेलाडीको सहभागिता थियो ।

May 15, 2024

स्यान्टु ओलम्पिकमा छनोट हुने तेस्रो‌ नेपाली

काठमाडौं (हाम्रो खेलकुद)- स्यान्टु श्रेष्ठ ओलम्पिकमा छनोट हुने तेस्रो नेपाली खेलाडी बनेका छन्। पेरिस २०२४ ओलम्पिकको दक्षिण एसियाली टेबलटेनिस छनोट अन्तर्गत पुरूषतर्फ बुधबार भएको फाइनलमा स्यान्टुले अर्का नेपाली संयोग कपालीलाई ४-३ सेटले हराउँदै स्यान्टुले ओलम्पिक यात्रा गरेका हुन्। लैनचौरस्थित टेबलटेनिस प्रशिक्षण केन्द्रमा स्यान्टु ११-७,८-११,११-७,११-६,८-११,८-११, ११-९ ले विजयी‌ भएका हुन्। स्यान्टु टेबलटेनिसबाट ओलम्पिकमा‌ छनोट हुने पहिलो […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

March 22, 2024

प्रदिप र अभिलाषालाई सहवीर स्मृति खुल्ला लन टेनिस उपाधि

काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]

Success

Thank you for your time.