9 months ago
October 21, 2023
एजेन्सी – इङ्लिस प्रिमियर लिग अन्तर्गत शनिबार म्यानचेस्टर सिटी र न्युक्यासल युनाइटेडले जित दर्ता गरेका छन्।
घरेलु मैदान एटिहाड स्टेडियममा भएको खेलमा सिटीले ब्राईटनलाई २-१ गोलअन्तरले पराजित गरेको हो। सिटीका लागि पहिलो गोल सातौं मिनेटमा जुलियन अल्भारेजले गरेका थिए। उनले जेरेमी डोकुको पासमा गोल गर्दै अग्रता दिलाएका थिए।
१९औं मिनेटमा एरलिङ हालान्डले गोल गर्दै अग्रता दोब्बर बनाए। खेलको ८३औं मिनेटमा बार्सिलोनाबाट लोनमा गएका अन्सु फाटीले गोल गर्दै खेलमा फर्किने प्रयास गरेपनि ब्राईटनले खेलबाट कुनै अंक हासिल गरका सकेन।
जित पछि म्यानचेस्टर सिटी तालिकाको शीर्ष स्थानमा उक्लिएको छ। सिटीको नौं खेलमा २१ अंक रहेको छ। दोस्रो स्थानमा रहेको लिभरपुलको नौं खेल २० अंक छ। एक खेल कम खेलेको टोटेनहमको २० अंक छ।
यस्तै अर्को खेलमा न्युक्यासल युनाइटेडले क्रिस्टल प्यालेसलाई ४-० ले हराएको हो। न्युक्यासलको जितमा जेकब मर्फि, एन्थोनी गोर्डन, सन लङ्गस्टाफ र क्यालम विल्सनले एक एक गोल गरे।
जित पछि न्युक्यासल नौं खेलमा १६ अंक सहित पाँचौं स्थानमा उक्लिएको छ। समान नौं खेलमा १२ अंक रहेको प्यालेस १०औं स्थानमा छ।
यस्तै सोही समयमा भएका खेलमा वल्भसले बर्नमाउथलाई २-१ ले पराजित गर्दा ब्रेन्टफोर्डले बर्नलीलाई ३-० ले पराजित गर्यो। यस्तै नटिङघम फरेस्ट र लुटन टाउनले २-२ बराबरी खेले।
प्रिमियर लिगमा आज राति १०:१५ मा चेल्सी र आर्सनल भिड्दै छन्। आज राती १२:४५ बजे म्यानचेस्टर युनाइटेड र सेफिल्ड युनाइटेड भिड्ने छन्।
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 12, 2024
काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]
June 22, 2024
काठमाडौं (हाम्रो खेलकुद) – दोस्रो वरीयताकी विपना ब्लोन र शीर्ष वरीयता प्राप्त अरहान्त केशर सिम्हाले प्रथम एनएसआरए प्रेसिडेन्ट कप खुल्ला राष्ट्रिय स्क्वास च्याम्पियनसिपको उपाधि जितेका छन् । नेपाल स्क्वास एन्ड र्याकेट्स संघको आयोजनामा सातदोबाटोस्थित नेपाल स्क्वास र्याकेट्स संघको आफ्नै भवनमा रहेको स्क्वास कोर्टमा शनिबार भएको पुरुष एकलको फाइनलमा अरहान्तले दोस्रो वरीयताका अमिर ब्लोनलाई ३–० को […]