2 months ago
February 23, 2024
दिपक बोहोरा, पाँचथर कोशी प्रदेश स्तरीय ब्याडमिन्टन प्रतियोगिताको महिला एकलमा मोरङकी सिमा राजवंशी उपाधि जितेकी छन् । सिमाले शुक्रबार भएको फाइनलमा झापाकी अञ्जना राईलाई १७–२१ २१–१५ र २१–१९ को सेटमा हराउदै उपाधि जितेकी हुन् । पुरुष एकलको उपाधि भोजपुरका विशाल तामाङले जितेका छन् । विशालले फाइनलमा ताप्लेजुङका मिलन गुरुङलाई २१–१२ र २१–१३ को सोझो सेटमा […]
दिपक बोहोरा, पाँचथर
कोशी प्रदेश स्तरीय ब्याडमिन्टन प्रतियोगिताको महिला एकलमा मोरङकी सिमा राजवंशी उपाधि जितेकी छन् । सिमाले शुक्रबार भएको फाइनलमा झापाकी अञ्जना राईलाई १७–२१ २१–१५ र २१–१९ को सेटमा हराउदै उपाधि जितेकी हुन् ।
पुरुष एकलको उपाधि भोजपुरका विशाल तामाङले जितेका छन् । विशालले फाइनलमा ताप्लेजुङका मिलन गुरुङलाई २१–१२ र २१–१३ को सोझो सेटमा हराउदै उपाधि जिते ।
पुरुष युगलको उपाधि तेह्रथुमका विकेक कन्दवा र नविन सिल्वालको जोडीले जितेको छ । विवेक र नविनको जोडीले भोजपुरका विवेक श्रेष्ठ र विशाल तामाङको जोडीलाई २१–१६ ,१६–२१ र २१–१७ ले हराएको थियो ।
महिला युगलको उपाधि खोटाङका रेनुका राई र समिता राईको जोडीले जित्यो । रेनुका र समिताको जोडीले सुनसरीका योगीता लिम्ब र सृष्टि राईको जोडीलाई २१–१७ र २१–१२ को सेटमा हराएको थियो ।
मिश्रित युगलको उपाधि मोरङका सुप्रिम पन्त र सिमा राजवंशीको जोडीले जित्यो । सुप्रिमत र सिमाको जोडीले दिशस शंकर र छाया केरुङको जाडीलाई १७–२१ २१–१५ र २१–१९ ले हराएको थियो ।
भेट्रान्स तर्फ ४५ वर्ष माथिको उपाधि पाँचथरका सन्तोष मोक्तान र अनिल थाम्सुहाङको जोडीले जितेको छन् । सन्तोष र अनिलको जोडीले पाँचथरका दिपक आङदेम्बे र घनकुटाका शिखर श्रेष्ठको जोडीलाई २१–१६ १९–२१ र २१–१४ ले हरायो ।
भेट्रान्स तर्फकै दुई खेलाडीको उमेर जोड्द एक सय वर्ष भन्दा माथि हुने उमेर समुहको उपाधि झापाका प्रकाश राई र मोरङका उत्तम सिंखडाको जोडीले जित्यो ।
जिल्ला खेलकुद विकास समिति पाँचथरको आयोजनामा भएको प्रतियोगितामा कोशी प्रदेश खेलकुद विकास बोर्ड र फिदिम नगरपालिकाले आर्थिक सहयोग गरेका थिए ।
जिल्ला समन्वय समिति पाँचथरको कभर्डहलमा भएको प्रतियोगितामा कोशी प्रदेशका १३ जिल्लाको ६८ खेलाडीको सहभागिता थियो ।
प्रदेश स्तरीय ब्याडमिन्टन प्रतियोगिताको हरेक विधाका विजेताले ट्रफिसहित २० हजार, दोस्रोले १० हजार र तेस्रोले ५ हजार रुपैयाँ प्राप्त गरे । भेट्रान्सतर्फ विजेताको जोडीले ३० र दोस्रो जोडीले १५ हजार रुपैयाँ प्राप्त गरेका छन् ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]