5 months ago
March 2, 2024
सुमन अधिकारी,बुटवल
अभिलाषा विष्ट र प्रदिप खड्काले दोस्रो मेयर कप तथा छैटौ बुटवल कप राष्ट्रिय खुला लनटेनिस प्रतियोगिताको उपाधि जितेका छन् । अभिलाषा र प्रदिप दुवैले उपाधि रक्षा गरेका हुन्।
महिलातर्फ शनिबार भएको फाइनलमा अभिलाषाले सुभङ्गी शाहलाई ६–०, ६–२ को सोझो सेटमा पराजित गरेकी हुन्।
पुरुषतर्फको फाइनलमा प्रदिपले रितिक रानालाई ६–३, ६–३, ६–२ को सेटमा हराए । गत वर्षको फाइनलमा पनि प्रदिपले रितिकलाई हराएका थिए ।
देविनगरस्थित लनटेनिस कोर्टमा भएको फाइनलमा पहिलो सेट सहजै जितेका प्रदिपले दोस्रो सेट गुमाएका थिए । तेस्रो सेटमा २–१ ले पछि परेका प्रदिपले पुनरागमन गर्दै खेल आफ्नो पक्षमा पारेका थिए ।
त्यसक्रममा प्रदिप घाइते समेत भएका थिए । खेल ३–३ को बराबर रहेकाे सममा खुट्टामा समस्या आएपछि मैदानमा चिकित्सक बोलाएर उपचार गर्नु परेको थियो ।
दुवैतर्फको एकलको विजेताले समान ६०, दोस्रोले ३० र संयुक्त रुपमा तेस्रो हुने २० हजार रुपैयाँ प्राप्त गरे।
प्रतियोगितामा मेन्स डबल्सको उपाधि आयुषमान हजुर घले र आशिष खड्काको जोडीले, ३५ वर्ष प्लस सिगलको उपाधि अनिल शाहीले, ३५ वर्ष प्लस डबल्सको उपाधि सिमान्त गुरुङ र अनिल शाहीको जोडीले जितेका थिए।
४५ वर्ष प्लस सिगलको उपाधि कमल भण्डारीले, ४५ वर्ष प्लस डबल्समा गोपी भट्टराई र धर्मसिह लामिछानेको जोडीले, ५५ वर्ष प्लस सिगलको उपाधि चन्द्र शाहीले तथा ६५ वर्ष प्लस सिगलको उपाधि मनोज राणाले जितेका थिए। प्रतियोगितामा ११ विधामा झन्डै एक सय खेलाडीको सहभागिता थियो।
विजेता खेलाडीलाई बुटवल उपमहानगरपालिकाका प्रमुख खेलराज पाण्डे, लुम्बिनी प्रदेश खेलकुद परिषदका सदस्य सचिव जयप्रकाश भट्टराई, रुपन्देही लन टेनिस संघका अध्यक्ष गोपाल ज्ञवालीले पुरस्कृत गरे ।
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 12, 2024
काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]
June 22, 2024
काठमाडौं (हाम्रो खेलकुद) – दोस्रो वरीयताकी विपना ब्लोन र शीर्ष वरीयता प्राप्त अरहान्त केशर सिम्हाले प्रथम एनएसआरए प्रेसिडेन्ट कप खुल्ला राष्ट्रिय स्क्वास च्याम्पियनसिपको उपाधि जितेका छन् । नेपाल स्क्वास एन्ड र्याकेट्स संघको आयोजनामा सातदोबाटोस्थित नेपाल स्क्वास र्याकेट्स संघको आफ्नै भवनमा रहेको स्क्वास कोर्टमा शनिबार भएको पुरुष एकलको फाइनलमा अरहान्तले दोस्रो वरीयताका अमिर ब्लोनलाई ३–० को […]