काठमाडौं (हाम्रो खेलकुद) –राष्ट्रिय ब्याडमिन्टन सघ, नेपालले विश्व जुनियर नम्बर एक रहिसकेका नेपालका नम्बर एक खेलाडी प्रिन्स दाहाललाई रोयल इनफिल्ड हन्टर ३५० मोटरसाइकलसहितसम्मान गरको छ ।

संघको पूर्व घोषित कार्यक्रम अनुरुप प्रिन्सलाई बाइकले सम्मान गरको हो । संघले पुष्पलाल स्मृती राष्ट्रिय ¥याङ्किङ्ग प्रतियोगिताको लगातार तीन संस्करणमा विजय हासिल गर्ने खेलाडीलाई मोटरसाइकल प्रदान गर्ने घोषणा गरेको थियो । रत्नजित तामाङ्ग र नङ्गशल तामाङ्गले यसअघि सम्मानित भईसकेका छन् ।

नेपाल एपिएफ क्लबका प्रिन्सले शनिबार चौथो पटक पुष्पलाल स्मृती राष्ट्रिय ¥याङ्किङ्ग ब्याडमिन्टनको उपाधि जितेका हुन् । १३ औं पुष्पलाल स्मृती राष्ट्रिय ¥याङ्किङ्ग ब्याडमिन्टनको शनिबार भएको शीर्ष ८ तर्फको पुरुष एकलको फाइनलमा ललितपुरका प्रफुल महर्जन माथि २१–१८, २२–२० ले हराउँदै प्रिन्सले उपाधि जितेका हुन् ।

प्रिन्सले युगलतर्फको पनि उपाधि जितेका थिए । चन्द्रागिरीस्थित महांकाल ब्याडमिन्टन क्लबको कभर्डहलमा भएको प्रतियोगिताको पुरुष युगल तर्फ प्रिन्सले विजित थापा मगरको जोडी उपाधि जितेका हुन् । ललितपुरका प्रफुल महर्जन र आर्मीका सुरोज महर्जनको जोडीलाई २१–७, २२–२४ र २१–१२ ले हराउँदै प्रिन्स र विजितको जोडीले उपाधि जित्यो ।