8 months ago
September 2, 2024
काठमाडौं (हाम्रो खेलकुद)- नेपाली राष्ट्रिय टेबल टेनिसका सिनियर र जुनियर खेलाडीलाई अन्तर्राष्ट्रिय खेल पोशाक निर्माण कम्पनी थ्री सिक्स्टी वानले प्रायोजन गरेको छ।
अखिल नेपाल टेबल टेनिस संघका अध्यक्ष विजेन्द्र हमाल र थ्री सिक्स्टी वान (३६१) को नेपालका लागि आधिकारिक विक्रेता सर्व सिद्धी एपेक्स प्रालिका निर्देशक सरोज कार्कीले सोमवार सम्झौता पत्रमा हस्ताक्षर गरेका थिए। सम्झौता ४ वर्षको रहने बताइएको छ।
नेपालबाट जुनियर र सिनियरमा अन्तर्राष्ट्रिय प्रतियोगितामा भाग लिने सबै खेलाडीलाई थ्री सिक्स्टी वानको खेल पोशाक उपलब्ध गराइने सर्व सिद्धी एपेक्सका धिरज कार्कीले जानकारी दिए।
सर्व सिद्धी एपेक्स प्रालिका निर्देशक सरोज कार्कीले आफू जुनियर स्तरको टेबल टेनिस खेलाडी रहिसकेको जनाउँदै विगतमा पनि खेलाडीहरुलाई सहयोग गर्दै आएको र भविष्यमा पनि निरन्तरता दिने बताए ।
संघका अध्यक्ष हमालले नेपालको टेबल टेनिसको इतिहास यस्तो प्रायोजन पहिलो पटक भएकाले थ्री सिक्स्टी वानलाई धन्यवाद दिए।
केहि समयअघि राष्ट्रिय फुटबल टोलीका सदस्य अन्जन विष्टलाई थ्री सिक्स्टी वानले आफ्नो ब्राण्ड एम्बेसडर नियुक्त गरेको थियो। थ्री सिक्स्टी वानका खेल पोशाकको आउट लेट भाटभटेनी सुपरमार्केटमा उपलब्ध रहने बताइएको छ।
April 9, 2025
काठमाडौं (हाम्रो खेलकुद) – राष्ट्रिय च्याम्पियन विपना ब्लोन र अरहान्त केशर सिंह आगामी वर्ष २०८२ काे अन्त्यसम्मको लागि स्क्वासको शीर्ष वरीयतामा उक्लन सफल भएका छन् । विपना दोस्रो वरीयताबाट शीर्षस्थानमा उक्लदा अरहान्त भने शीर्षस्थानमा यथावत रहन सफल भएका हुन् । अब यो वरीयता २०८२ को चैतसम्म हुने छ । याे राउन्ड राेविन लिग एनएसआरए राष्ट्रिय […]
March 31, 2025
काठमाडौं (हाम्रो खेलकुद)- विश्व स्क्वास वरीयतामा पाँचौं स्थानमा रहिसकेका बोर्खा गोलानले नेपाली खेलाडीलाई प्रशिक्षण दिने भएका छन् । नेपाल स्क्वास एन्ड र्याकेट्स संघले सोमवार एक कार्यक्रमको आयोजना गर्दै स्पेनका लेभल थ्री प्रशिक्षक गोलानलाई स्वागत गरेको छ । गोलानले एक हप्ता नेपाली स्क्वास खेलाडीलाई प्रशिक्षण दिने बताइएको छ । सन् २०१४ मा गोलान विश्व स्क्वास वरीयतामा […]
March 20, 2025
सुमन अधिकारी, बुटवल बुटवल ब्याडमिन्टन क्लबको आयोजनामा तेस्रो राष्ट्रिय ब्याडमिन्टन प्रतियोगिता बिहीवार सुरु भएको छ । ३ दिनसम्म चल्ने प्रतियोगितामा विभागीय टोलीसँगै एक सय टिमका करिब २ सय खेलाडीको सहभागिता रहेको क्लबका सचिव भानु केसीले जानकारी दिए । प्रतियोगिताको पहिलो दिन मेन्स डबल्स र भेट्रानका केहि खेल भएका छन् । शुक्रवार मेन्स तथा वुमन्स सिंगलका […]
