सुभाष श्रेष्ठ र भुमि गुरुङको जोडीले प्रथम ढोरपाटन याज गल्स ब्याडमिन्टन प्रतियोगितामा बिजयी शुरुवात गरेका छन् । उनीहरुले बुधवार भएको ए लेवलको खेलमा कमल थापा र चन्द्रवहादुर चन्दको जोडीलाई २१–६ र २१–१४ को सोझो सेटमा हराउदै दोश्रो चरणमा स्थान बनाएका हुन । ए लेवलकै खेलबाट सफलता हातपादै गणेश छन्त्याल र तिलक छन्त्याल,रबि चन्द र अशोक जोशी,रमन बानिया र राजकुमार,नबिनबावु श्रेष्ठ र भरत श्रेष्ठ,आकाश छन्त्यल र राम बानिया तथा अमरकुमार लावती र रुपक सिंहको जोडी दोश्रो चरणमा प्रवेश गरेका छन् ।
एनप्याब्सनका अध्यक्ष कर्ण शाही र उनको जोडी प्रतिस्पर्धा गदै ।
नया बसपार्क स्थित ब्रदर्श स्पोर्टस् हलमा संचालन भएको प्रतियोगिताको लेबल बी बाट अर्जुन छन्त्याल र रवन बानिया,भेसु श्रेष्ठ र प्रदिप अधिकारी,रत्न गुरुङ र सुभाष राई,प्रदिप श्रेष्ठ र डम्वर गुरुङ तथा अरुण मगर र लिला थापामगरको जोडीहरुले आ–आफ्नो खेलमा सफलता हात पादै दोश्रो चरणमा पुगे । प्रतियोगिताको उद्घाटन कान्तिपुर मेनपावरका कार्यकारी प्रमुख धनलाल जैसीले गरेका थिए । सो अवसरमा आयोजकका अध्यक्ष मनबीर छन्त्याल,प्रतियोगिता संयोजक कपिल जिसीलगायतको उपस्थिति रहेको थियो । चार दिने प्रतियोगितामा ए,बी र सी गरि ३ इभेन्ट समाबेश गरिएको छ । तीनै स्पर्धामा पहिलो,दोश्रो र तश्रो हुने जोडिले क्रमश १५ हजार,८ हजार र ५ हजार नगद प्राप्त गर्ने आयोजकले जनाएको छ ।
