काठमाडौं (हाम्रो खेलकुद)- बागमती प्रदेशले १३ औं एनएसआरए राष्ट्रिय स्क्वास च्याम्पियन्सिपको पुरुष टिम इभेन्टमा दोहोरो जित हासिल गरेको छ ।

सातदोबाटोस्थिति नेपाल स्क्वास संघको एकेडमी हलमा भएको पहिलो दिन मंगलवार बागमतीले कर्णाली प्रदेश र कोशी प्रदेशलाई सहजै हराएको हो ।

बागमतीका अरहन्त के सिम्ह र पासाङ ब्लोनको जोडीले सहज निकाले । नेपालका नम्बर एक स्क्वास खेलाडी अरहन्तले जलन जिसीलाई ११-२, ११-७ र ११-७ ले हराए । पासङले हिमाल जिसीलाई ११-०, ११-३ र ११-० ले पराजित गरे।

कोशी प्रदेशविरुद्ध पनि बागमतीका ३ खेलाडीले सोझो सेटमा जित निकाले । राकेश परियारले खेम राज राईलाई ११-२, ११-९ र ११-४, अरहन्तले नयन बहादुर मगरलाई ११-६, ११-३ र ११-३ र पासाङले सूर्य कुमार राईलाई ११-६, ११-५ र ११-४ ले पराजित गरे।

यसैगरी लुम्बिनी प्रदेशले गण्डकी प्रदेशलाई ३- २ ले हरायो । पहिलो खेलमा सुदीप बहादुर सिंहले गण्डकीका आभन श्रेष्ठलाई ११-८, ७-११, १४-१२ र ११-९ ले हराए। दोस्रो खेलमा गौरव कटवालले राजु श्रेष्ठलाई ११-९, १३-११ र ११-३ ले पराजित गरे।

तेस्रो खेलमा नवराज श्रेष्ठले लुम्बिनीका ज्ञानु चौधरीलाई प्रतिस्पर्धात्मक खेलमा ११-६, ११-३, ४-११, ५-११ र ११-५ ले हराएपछि गण्डकीले सान्त्वना जित प्राप्त गर्यो।

राष्ट्रिय खेलकुद परिषद् (राखेप)का सदस्यसचिव टङकलाल घिसिङले प्रतियोगिताको उद्घाटन गरे । नेपाल स्क्वास र्याकेट्स संघको आयोजनामा सुरु भएको
प्रतियोगितामा पुरुषतर्फ ६ प्रदेशको सहभागिता रहनेछ ।

सहभागी छ प्रदेशलाई दुई समूहमा विभाजन गरिएको छ । समूह एमा गण्डकी , लुम्बिनी र मधेश प्रदेश छन् । पुल बागमती , कोशी र कर्णाली समूह ‘बी’ मा छन् ।

लिग कम नकआउटपछि समूहका शीर्ष दुई टोली सेमिफाइनलमा पुग्नेछन् । टिम इभेन्टमा हरेक टोलीमा ४ खेलाडी रहन्छन् ।

महिला टिम इभेन्ट्समा बागमती, गण्डकी, कर्णाली र कोशी गरी ४ प्रदेशको सहभागिता छ ‌ भाग लिएको छ । राउन्ड रोबिन लिगपछि शीर्ष टोली च्याम्पियन बन्नेछ ।