5 years ago
November 14, 2018
काठमाडौं (हाम्रो खेलकुद) –राष्ट्रिय च्याम्पियन तथा डिफेन्डिङ च्याम्पयन त्रिभुवन आर्मी क्लबका रत्नजित तामाङ र नेपाल एपिएफ क्लबका दिपेश धामी आठौं पुष्पलाल स्मृती राष्ट्रिय खुला ब्याडमिन्टन प्रतियोगिताको क्वाटरफाइनलमा प्रवेश गरेका छन् ।
पुष्पलाल स्मृती ब्याडमिन्टन प्रतियोगिताका लगातार छैटौ पटकका विजेता रत्नले राखेप कभर्डहलमा बुधबार भएको प्रिक्वटारफाईनलमा एपिएफका सुनिल जोशीलाई २१–६ र २१–१७ को सोझो सेटमा पराजित गर्दै अन्तिम आठमा पुग्न सफल भएका हुन् । यस्तै दिपेशले सेनाका प्रफुल महर्जनमाथि २१–१५ र २१–१५ को समान अन्तरमा पराजित गर्दै अन्तिम आठमा स्थान बनाए ।
पुलिसका बिष्णु कटुवाल र निर विक्रम देवकोटा, सेनाका रुकेश महर्जन, नविन श्रेष्ठ, भोजपुरका विकास श्रेष्ठ र सिल्क ग्रुपका प्रिन्स दाहालले पनि क्वाटरफाइनलमा स्थान बनाए । नेपाल खेलकुद महासंघ अन्तरगतको राष्ट्रिय ब्याडमिन्टन संघको आयोजनामा भएको प्रतियोगितामा सातौं संस्करणकी विजेता एपिएफकी जेशिका गुरङले भोजपुरकी सिता राईलाई २१–१७ र २१–१९ ले पराजित गर्दै क्वाटरफाइनलमा स्थान बनाइन् ।
सेनाकी नङ्शलदेवी तामाङ, अनुमाया राई, रशिला महर्जन, रञ्जना भट्ट र अमिता गिरी, बाँकेकी सम्झना शर्मा र एपिएफकी शोभा गौचनले पनि क्वाटरफाईनलमा स्थान पक्का गरे ।
पुरुष जोडी तर्फको खेलमा एपिएफका दिपेश धामी र विजित थापामगरको जोडी, पुलिसका दीपक बोहरा र जीवन आचार्यको जोडी, बाँकेका ईरफान अन्सारी र रियाज अन्सारीको जोडी, एपिएफका गौतम कठायत र सुनिल जोशीको जोडी, सेनाका रुकेश महर्जन र प्रफुल महर्जनको जोडी, एपिएफका साजन कृष्ण ताम्राकार र सुदीप सेंढाईको जोडी, पुलिसका बिष्णु कटुवाल र अनिष श्रेष्ठको जोडी र सेनाका रत्नजित तामाङ्ग र नविन श्रेष्ठको जोडीले आ–आफ्ना प्रतिद्धन्द्धीलाई पराजित गर्दै क्वाटरफाईनलमा स्थान बनाउन सफल भए ।
खुलातर्फ जित निकालेका शिल्क ग्रुपका प्रिन्स दाहलाले यु—१७ तर्फको पुरुष एकलमा दाङका सुरज गुप्तालाई २१–५ र २१–६ को सोझो सेटमा पाखा लगाए । कैलालीका जय बि साउद, जेष्ट ब्याडमिन्टन एकेडेमीका प्रियान्सु सिंह क्षेत्री, दाङका हिमांशु कुँवर, कैलालीका अमृत चौधरी, सेनाका दिवेश शंकर, कञ्चनपुरका हिमाल चन्द र जेष्ट ब्याडमिन्टनका पेम्बा शेर्पाले क्वाटरफाइनलमा स्थान बनाए ।
सोही समूहको महिला एकलतर्फ जेष्टकी दिमोना केसी र स्मृती राई, कञ्चनपुरकी विष्णा बिष्ट तथा झापाकी अन्जना राईले पनि अन्तिम आठमा प्रवेश गरे ।। भेट्रान्सतर्फ सेनाका सुभाष श्रेष्ठ र भुमी गुरुङको जोडी, जेष्टका अनुज पौडेल र प्रेम घलेको जोडी, ललितपुरका सुनिल मान शाक्य र पूर्णभक्त चित्रकार तथा नविन बाबु श्रेष्ठ र श्याम पराजुलीको जोडीले अन्तिम आठमा स्थान बनाए ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]