default_image

5 years ago

June 5, 2019

नाडाल र फेडेरर सेमिफाइनलमै भिड्ने

51 views

0 Bookmark

एजेन्सी – दोस्रो वरीयताका स्पेनिस राफयल नाडाल र तेस्रो वरीयताका स्वीस रोजर फेडेरर फ्रेन्च ओपनको सेमिफाइनलमै भिड्ने भएका छन् ।

पेरिसमा जारी फ्रेन्च ओपनको क्वाटरफाइनलमा स्वीस फेडेररले आफ्नै देशका स्टेन वारिन्कालाई ३–१ को प्रतिस्पर्धात्मक सेटमा पराजित गर्दै सेमिफाइनलमा नाडालसँगको भेट पक्का गरेको हो ।

प्रतिस्पर्धात्मक खेलमा ३७ वर्षीय फेडेररले पहिलो सेट ७–६(७–४) ले जितेको थियो । दोस्रो सेट ६–४ ले गुमाएको फेडेररले तेस्रो सेट ७–६(७–५) आफ्नो पक्षमा पारेको थियो । चौथो सेट सहजै ६–४ ले जितेपछि फेडेरर सेमिफाइनलमा पुग्न सफल भयो । फेडेररले वान्किालाई पराजित गर्न ३ घण्टा १७ मिनेट समय खर्चिए ।

वारिन्कामाथिको जितसँगै फेडेररले फ्रेन्च ओपन जित्ने आफ्नो सपना साकार हुदै गएको बताएका छन् । ‘म यसअघि चौथो चरण अथवा क्वाटरफाइनलबाटै बाहिरिदै आएको थियो । तर, यसपटक सेमिफाइनलमा पुग्न सफल भएको छु । अत्यन्तै खुशी छु ।’ एकपटकको फ्रेन्च ओपन च्याम्पियन फेडेररले भने, ‘चारवर्षपछि पहिलोपटक रोलान्ड गारोसमा खेल्दैछु । राम्रो खेलिरहेको वारिन्काको रिदा ब्रेक गर्न सफल हुदा म अघिल्लो चरणमा पुग्न सफल भए । नाडालसँगको खेल विशेष हुनेछ । ’

दोस्रो वरीयताका नाडालले मंगलबार राति नै जापानी केइ निसिकोरीलाई ६–१, ६–१ र ६–३ को सोझो सेटमा पराजित गर्दै सेमिफाइनलमा पुग्न सफल भएको थियो । फेडेररसँगको सेमिफाइनल खेल्ने पक्का भएसँगै ३३ वर्षीय नाडालले फेडेररसँगको खेल विशेष मोमेन्ट हुने बताएका छन् ।

महिलातर्फ बेलयाती जोहाना कोन्टाले अमेरिकी स्लोएनी स्टेफेन्सलाई ६–१ र ६–४ ले पराजित गर्दै सेमिफाइनलमा पुगेका छन् । उनी सन् १९८३ पछि फ्रेन्च ओपनको सेमिफाइनलमा पुग्ने पहिलो बेलायती खेलाडी बनेका छन् । २८ वर्षीय कोन्टाले अब सेमिफाइनलमा चेककी मार्केटो भोनड्रोउसोभासँग खेल्नेछिन् । मार्केटाले क्रोएसियाक पेट्रा मार्टिकलाई ७–६ र ७–५ ले पराजित गर्दै सेमिफाइनल पुग्न सफल भएकी थिइन् ।

May 15, 2024

स्यान्टु ओलम्पिकमा छनोट हुने तेस्रो‌ नेपाली

काठमाडौं (हाम्रो खेलकुद)- स्यान्टु श्रेष्ठ ओलम्पिकमा छनोट हुने तेस्रो नेपाली खेलाडी बनेका छन्। पेरिस २०२४ ओलम्पिकको दक्षिण एसियाली टेबलटेनिस छनोट अन्तर्गत पुरूषतर्फ बुधबार भएको फाइनलमा स्यान्टुले अर्का नेपाली संयोग कपालीलाई ४-३ सेटले हराउँदै स्यान्टुले ओलम्पिक यात्रा गरेका हुन्। लैनचौरस्थित टेबलटेनिस प्रशिक्षण केन्द्रमा स्यान्टु ११-७,८-११,११-७,११-६,८-११,८-११, ११-९ ले विजयी‌ भएका हुन्। स्यान्टु टेबलटेनिसबाट ओलम्पिकमा‌ छनोट हुने पहिलो […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

March 22, 2024

प्रदिप र अभिलाषालाई सहवीर स्मृति खुल्ला लन टेनिस उपाधि

काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]

Success

Thank you for your time.