5 years ago
September 30, 2019
काठमाडौं (हाम्रो खेलकुद)– नेपाली ब्याडमिन्टनका मुख्य प्रशिक्षक सुदीप योन्जन स्वदेशमा आयोजना हुने १३ औं दक्षिण एसियाली खेलकुद (साग) मा पदक जित्ने आशा बढेको बताएका छन् । आइतबार मात्र सम्पन्न अन्नपूर्ण नेपाल इन्टरनेसनल ब्याडमिन्टन सिरिजमा अहिले सम्मकै ठूलो सफलता प्राप्त गरेका कारण योन्जन उत्साहित भएका हुन् । सिरिजमा नेपालले १ स्वर्ण, १ रजत र ६ कास्य […]
काठमाडौं (हाम्रो खेलकुद)– नेपाली ब्याडमिन्टनका मुख्य प्रशिक्षक सुदीप योन्जन स्वदेशमा आयोजना हुने १३ औं दक्षिण एसियाली खेलकुद (साग) मा पदक जित्ने आशा बढेको बताएका छन् । आइतबार मात्र सम्पन्न अन्नपूर्ण नेपाल इन्टरनेसनल ब्याडमिन्टन सिरिजमा अहिले सम्मकै ठूलो सफलता प्राप्त गरेका कारण योन्जन उत्साहित भएका हुन् ।
सिरिजमा नेपालले १ स्वर्ण, १ रजत र ६ कास्य पदक जितेको छ । दुई वर्षअघि नेपालले यहि सिरिजमा दीपेश धामी र शोभा गौचनको जोडीले रजत पदक जितेको थियो । त्यो नै नेपालको यसअघिको सबैभन्दा ठूलो सफलता थियो । यसपटक भने कथा फरक भएको छ । नेपाललै इतिहासिक सफलता प्राप्त गरेको छ ।
‘हामीले इन्टरनेसनल सिरिजमा यसअघि खासै पदक जित्न सकेका थिएनौं । यो पटक स्वर्ण र रजतसहित ८ पदक जित्न सफल भएका छौं । यो नेपाली ब्याडमिन्टनको लागि सुखद पक्ष हो ’ मुख्य प्रशिक्षक योन्जनले भने, ‘यो सबै सागको बन्द प्रशिक्षणको प्रतिफल हो । सबै खेलाडीले उच्च प्रदर्शन गरे । यो नतिजाले आगमी सागमा पनि पदकको अपेक्षा गर्न सक्छौं । ’
योन्जनको नेतृत्वमा रहेको प्रशिक्षण टोलीमा मुख्य सहायक प्रशिक्षकका रुपमा किरण थापा, प्रशिक्षकहरु उत्तम सिम्खडा, जयन्त श्रेष्ठ र शान्ति मानन्धर रहेका छन् । सिरिजमा महिला डबल्समा पुजा श्रेष्ठ र नङ्सलदेवी तामाङको जोडीले स्वर्ण पदक जित्यो । त्यस्तै अनुमाया राई र जेसिका गुरुङको जोडीले कास्य जितेका थिए ।
पुरुष एकलमा नेपाली ब्याडमिन्टनका युवा प्रतिभा प्रिन्स दाहालले कास्य जिते । पुरुष डबल्समा रत्नजित तामाङ र दिपेश धामीको जोडीले तथा बिकास श्रेष्ठ र बिजित थापामगरको जोडीले कास्य जित्यो । मिक्स डबल्स्मा दिदीभाई रत्नजित र नङ्सलको जोडीले कास्य जितेको थियो । महिला डबल्स्मा सम्झना शर्मा र सीता राईको जोडीले तथा सीमा राजवंशी र नीता लम्सालको जोडीले कास्य पदक जित्यो ।
१३औं सागमा पुरुष एकल, पुरुष डबल्स, महिला एकल, महिला डबल्स, मिक्स डबल्स, पुरुष टिम र महिला टिम गरी ७ विधा समावेश छन् । सागका लागि सोमबारबाट खेलाडी छनोट सुरु भएको छ । बुधबार ब्याडमिन्टनबाट सागका लागि अन्तिम टोलीको टुङ्गो लाग्नेछ । टोलीले २३ असोजबाट पोखरामा बन्द प्रशिक्षण थाल्ने मुख्य प्रशिक्षक योन्जनले जानकारी गराए ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]