बजाज पल्सर स्पोर्ट्स अवार्ड– २०७२ अन्तर्गत पिपुल्स च्वाइस अफ द इयर अवार्ड जितेकी टेबलटेनिसकी राष्ट्रिय च्याम्पियन नविता श्रेष्ठले सहयोगी सबैलाई धन्यवाद व्यक्त गरेकी छन् ।
नविताले आफू सम्बद्ध नेपाल प्रहरी क्लब, अखिल नेपाल टेबलटेनिस संघ, टेबलटेनिस प्रशिक्षकहरु, परिवारका सदस्यलगायतलाई विज्ञप्ति जारी गर्दै धन्यवाद दिएकी हुन् ।
पिपुल्स च्वाइस अवार्डमा कुल २ लाख ८६ हजार ५ सय २१ एसएमएस मत र ११ हजार ६ सय फेसबुक लाइक हुँदा राष्ट्रिय टेबलटेनिस खेलाडी नविता विजयी भएकी हुन्। नविताले १ लाख ५० हजार ५ सय ११ मतपाएकी थिइन्।
