4 years ago
May 30, 2020
काठमाडौं (हाम्रो खेलकुद)– टेबल टेनिसकी महिला राष्ट्रिय च्याम्पियन नविता श्रेष्ठले टेबल टेनिसको ऐकेडेमी सञ्चालनको तयारीमा जुटेकी छिन् । काठमाडौंको नयाँ बजारस्थित आफ्नो जग्गामा रहेको घरमा उनले एकेडेमी सञ्चालनको लक्ष्यका साथ काम अघि बढाइरहेकी छिन् । भविष्यमा होस्टलसहितको प्रशिक्षण केन्द्र खोल्ने तयारीमा रहेकी नविताले हाललाई एउटा हल तयार गरिसकेकी छिन् । यसपटक एसईई दिने विधार्थीहरुलाई लक्षित गरेर […]
काठमाडौं (हाम्रो खेलकुद)– टेबल टेनिसकी महिला राष्ट्रिय च्याम्पियन नविता श्रेष्ठले टेबल टेनिसको ऐकेडेमी सञ्चालनको तयारीमा जुटेकी छिन् । काठमाडौंको नयाँ बजारस्थित आफ्नो जग्गामा रहेको घरमा उनले एकेडेमी सञ्चालनको लक्ष्यका साथ काम अघि बढाइरहेकी छिन् ।
भविष्यमा होस्टलसहितको प्रशिक्षण केन्द्र खोल्ने तयारीमा रहेकी नविताले हाललाई एउटा हल तयार गरिसकेकी छिन् । यसपटक एसईई दिने विधार्थीहरुलाई लक्षित गरेर नविताले ३ वटा बोर्ड राखेर प्रशिक्षण सुरु गर्ने गरि तयारी थालेकी थिइन् । तर, कोरोना भाइरस (कोभिड १९) को महामारीलाई रोक्नका लागि सरकारले दुई महिना भन्दा लामो समयदेखि लकडाउन गरेपछि उनको योजना पनि प्रभावित भएको छ । एसईई पनि रोकिएको छ । अब कहिले बाट प्रशिक्षण सुरु गर्ने भन्ने एकिन भने छैन ।
‘एसईई सकिएपछि प्रशिक्षण केन्द्रको उद्घाटन गर्ने लक्ष्यका साथ काम अघि बढाइरहेका थियौं,’ आठ पटक राष्ट्रिय च्याम्पियन नविताले भनिन्, ‘तर कोरोनाका कारण एसईई पनि रोकियो । हाम्रो योजना पनि अहिलेका लागि स्थगित भयो । अहिलेको हल बनाउनका लागि १० लाख रुपैयाँ खर्च भइसकेको छ ।’
अन्तर्राष्ट्रिय स्तरका टेबल टेनिस सामाग्रीका लागि भारतीय कम्पनी स्ट्यागलाई अर्डर गरिसकेकोको नविताले जानकारी दिइन् । ८ लाख रुपैयाँ बराबरको सामान उनले अर्डर गरिसकेकी छिन् । स्टागले उनलाई सामानको रकममा छुट दिने भएको छ । त्यसैले एकडेमीको नाम नै स्टाग च्याम्पियन्स एकेडेमी राखिएको छ । यसको अर्को कारण स्टागले विश्वका ८८ देशका प्रशिक्षक केन्द्रसँग सहकार्य गर्दै आएको छ । त्यस्ता प्रशिक्षण केन्द्रसँग खेलाडी एक्सचेन्ज प्रोगाम चलाउने उद्देश्यका साथ स्टागसँग सहकार्य गरेको नविताले बताइन् ।
‘हामीले टेबल टेनिसमा नयाँ खेलाडी उत्पादन गर्ने र प्रतिस्पर्धात्मक बनाउने हो भने बढी भन्दा बढी नयाँ खेलाडीलाई यसमा प्रवेश गराउनु पर्दछ,’ नविताले भनिन्,’ हामीले त्यहि लक्ष्यका साथ आफ्नो तर्फबाट एकेडेमीको सुरुवात गर्न लागेका हौं । अहिले सानो रुपमा सुरु गरेपनि यसलाई पछि ठूलो रुपमा बिस्तार गर्ने योजना छ ।’
लकडाउन खुलेपछि ६ आना २ पैसाको अर्को जग्गामा हल बनाउने नविताको तयारी छ । त्यसपछि ३ वर्षपछि भने १३ आनाको आफ्नै अर्को जग्गामा होस्टलसहितको एकेडेमी बनाउने उनले योजना राखेकी छिन् । ‘अहिलेको प्रशिक्षण हलले काठमाडौंका भाई बहिनीका लागि मात्र हुन सक्छ । काठमाडौं बाहिर यहाँ बसेर सिक्न चाहनेका लागि हामी होस्टल बनाउँछौं,’ उनले सुनाइन्, ‘तर त्यसको लागि केहि वर्ष भने लाग्नेछ । प्रशिक्षणमा नयाँ खेलाडीको आकर्षण कस्तो हुन्छ । त्यसका आधारमा ३ वर्षपछि होस्टलसहितको एकेडेमी बनाउनेछौं ।’
अहिलेका लागि भने एकेडेमीमा उनका मुख्य प्रशिक्षक नाताले उनकै श्रीमान राकेश महर्जनले प्रशिक्षण दिनेछन् । नविता र नन्द एलिना महर्जन भने प्रशिक्षकको भूमिकामा हुनेछन् । पछि प्रशिक्षार्थी बढ्दै गएको खण्डमा भने अन्य प्रशिक्षकहरुलाई पनि राख्ने उनको योजना छ । अहिलेको हलमा ३ वटा बोर्ड रहेका छन् । एक पटकमा १५ जना सम्मले प्रशिक्षण गर्न सक्नेछन् । प्रशिक्षार्थीहरुको चाप बढ्दै गएको खण्डमा बिहानदेखि साँझ सम्मनै प्रशिक्षण सेसन चालाउने नविताले सुनाइन् । विशेष प्रशिक्षण लिन चाहनेका लागि पनि अलग्गै व्यवस्था गरिनेछ ।
खेलाडी उत्पादन गर्न र खेललाई व्यवसायिक बनाउन सरकार, राष्ट्रिय खेलकुद परिषद् वा राष्ट्रिय संघको मात्र भर गर्न नहुने नेपाल प्रहरीकी खेलाडी समेत रहेकी नविताको विचार छ । ‘अब हरेक खेललाई व्यसायिक बनाउँदै लैजानु पर्दछ अनि मात्र नयाँ खेलाडीको आकर्षण बढ्न सक्छ,’ उनले भनिन्,’फुटबल, क्रिकेटका खेलाडी जस्तै टेबल टेनिस पनि व्यवासयिक बनाउनुपर्दछ भन्ने मलाई लाग्छ । हामी विदेशी लिगमा गएर खेल्न सक्ने खेलाडी उत्पादन गर्ने उद्देश्यका साथ काम गर्न खोजिरहेका छौं ।’
सक्रिय खेल जीवन पछि प्रशिक्षणमै केन्द्रित हुन चाहेकी उनले भनिन्, ‘म राखेपमा पनि प्रशिक्षकका रुपमा काम गर्न चाहन्छु । त्यस बाहेक आफ्नै एकेडेमीमा पनि खेलाडी उत्पादन गर्नेछु । यो त्यसैको सुरुवात हो ।’
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]