काठमाडौं (हाम्रो खेलकुद)– डेढ बर्षमा निर्माण सम्पन्न गर्ने लक्ष्यसहित हिटिङ स्विमिङ पुलको शुक्रबार सिलान्यास गरिएको छ । सातदोबाटोस्थित अन्तर्राष्ट्रिय खेलकुद परिसर हाता भित्र रहेको पौडी पोखरीको दक्षिणतर्फ रहेको खाली जग्गामा निर्माण गर्न लागिएको हिटिङ पुलको सिलान्यास युवा तथा खेलकुद मन्त्री राजेन्द्रकुमार केसीले गरे ।

दस लेनको पुल २५ मिटर लम्बाइ र २५ मिटर चौढाईं रहने राष्ट्रिय खेलकुद परिषद (राखेप)ले जनाएको छ । को हुनेछ । साढे ३३ करोड रुपैयाँ भन्दा बढी खर्च हुने अनुमान गरिएको पुलको हातामा तीन वटा मुख्य ब्लक, कार्यालय, खेलाडी र पुल ब्लक रहनेछ बताइएको छ । कार्यालय ब्लकमा १ सय दर्शक क्षमताको प्यारापिट र कार्यालय कोठा तथा खेलाडी ब्लकमा जिम हल, क्याफ्टेरिया र खेलाडीको च्यान्जिङ कक्ष बनाइनेछ । त्यस्तै पुल ब्लकमा पुल, ब्लान्सिङ ट्याङ्गलगायत निर्माण गरिने जनाइएको छ ।

सिलान्यासपछि बोल्दै मन्त्री केसीले बजेटको आकार सानो भएको मुलुकले करिब ३४ करोड लगानीमा पुल निर्माण गर्नु ठूलो विषय भउको उल्लेख गर्दै पुलको गुणस्तर र समयसीमामा निर्माण सम्पन्न गर्नुपर्नेमा जोड दिए । उनले पुन निर्माणको कार्य प्रगति बारे समय–समयमा मन्त्रालयलाई जानकारी गराउन राखेप र संघलाई निर्देशन पनि दिए ।

राखेपका सदस्य–सचिव केशवकुमार विष्टले पुल निर्माणका लागि राखेपले सरकार मार्फत ८० र पौडी संघले २० प्रतिशत रकम खर्च गर्ने संघसंग सम्झौता भएको जनाए । विष्टले संघको २५÷३० वर्षदेखिको अभियानले गति लिन थालेको बताए । सदस्य सचिव विष्टले २०१९ को फेब्रुअरीमा निर्माण सम्पन्न गर्ने लक्ष्य रहेको जानकारी दिदै भने, ‘ पूर्वाधारका कारण १३ औं दक्षिण एसियाली खेलकुद (साग) रोकिदैन, अन्य पूर्वाधारहरु पूरा हुने क्रममा र केहि बन्ने क्रममा छन् । ’

विष्टले सागलाई नै लक्षित गरेर अउडिटोरेयिम, मिडिया सेन्टरलगायतका पूर्वाधार बन्ने क्रममा रहेको र रंगशालाको मर्मत सम्भार पनि चाँडै पूरा गरिने दोहोराए । ‘अरु कारणले रोकियो भने थाहा भएन । तर पूर्वाधारकै कारणले साग रोकिन्न । रंगाशालालाई मात्र देखाएर केहि भाको छैन भन्न मिल्दै ।’ सदस्य–सचिव विष्टले भने– ‘कराते र तेक्वान्दो हल निर्माण पूरा हुने क्रममा छन् ।

पौडी संघका अध्यक्ष अशोक वज्राचार्यले हिटिङ पुलको निर्माणले खेलाडीले बाह्रै महिना प्रशिक्षण गर्न पाउने भएकाले खेलाडीको स्तरवृद्धिमा अझ सहयोग पुग्न धारणा व्यक्त गरे । उनले अन्तर्राष्ट्रिय निकायबाट पनि २५ बाई २५ मिटरको पुलमा अन्तर्राष्ट्रिय प्रतियोगिता गराउन सकिने आश्वासन प्राप्त भएको जानकारी गराउदै पौडी संघको वर्षौंदेखिको सपना साकार हुन लागेको बताए ।