7 years ago
August 17, 2017
काठमाडौं(हाम्रो खेलकुद) – कीर्तिमानी पौडी खेलाडी गौरिका सिंहले बिहिबारबाट शुरु भएको २० औं राष्ट्रिय पौडी प्रतियोगितामा दुई नयाँ राष्ट्रिय कीर्तिमान कायम गरेकी छिन् । गौरिकाले महिला २०० मिटर फ्रिस्टाइल र महिला ५० मिटर बटरफ्लाईमा नयाँ कीर्तिमान बनाएकी हुन् । दुवै विधामा नयाँ कीर्तिमान बनाउने क्रममा गौरिकाले सोफिया शाहले राखेको कीर्तिमानलाई भंग गरेकी हुन् । त्रिभुवन […]
काठमाडौं(हाम्रो खेलकुद) – कीर्तिमानी पौडी खेलाडी गौरिका सिंहले बिहिबारबाट शुरु भएको २० औं राष्ट्रिय पौडी प्रतियोगितामा दुई नयाँ राष्ट्रिय कीर्तिमान कायम गरेकी छिन् । गौरिकाले महिला २०० मिटर फ्रिस्टाइल र महिला ५० मिटर बटरफ्लाईमा नयाँ कीर्तिमान बनाएकी हुन् ।
दुवै विधामा नयाँ कीर्तिमान बनाउने क्रममा गौरिकाले सोफिया शाहले राखेको कीर्तिमानलाई भंग गरेकी हुन् । त्रिभुवन आर्मी क्लबबाट पहिलो पटक प्रतिनिधित्व गरेकी गौरिका सिंहले २०० मिटर फ्रिस्टाइलमा २ मिनेट ११ दशमलव ९४ सेकेण्डका साथ नयाँ कीर्तिमान बनाएकी हुन् । यसअघि यो विधामा सोफिया शाहले भारतमा भएको १२ औं दक्षिण एसियाली खेलकुद (साग)मा २ मिनेट १३ दशमलव ३२ सेकेण्डका साथ कीर्तिमान बनाएकी थिइन् ।
यस्तै ५० मिटर बटरफ्लाईमा गौरिकाले हिट चरणमा २९.४० सकेण्डका साथ नयाँ कीर्तिमान आफ्नो नाममा लेखाइन् । फाइनल चरणमा भने गौरिकाले २९.७८ सेकेण्डको समय निकालिन् । यसअघि यो कीर्तिमान सोफिया शाहले काठमाडौंमा सन् २०१५ मा भएको सातौ राष्ट्रिय खेलकुदमा ३२.०६ सेकेण्डका साथ आफ्नो नाममा लेखाएकी थिईन् ।
यस्तै नेपाल एपिएफ क्लबकी दुआना लामाले महिला २०० मिटर ब्रेस्टस्ट्रोकमा नयाँ कीर्तिमान बनाइन् । दुआनाले सन् २००६ को कोलोम्बो सागमा विविधिा रिमालले राखेको कीर्तिमानलाई भंग गरेकी हुन् । उनले हिट चरणमा ३ मिनेट ७ दशमलव २२ सेकेण्डका साथ नयाँ कीर्तिमान बनाएकी हुन् । यो इभेन्टमा विविधाले ३ मिनेट १२ दशमलव ८५ सेकेण्डको कीर्तिमान बनाएकी थिइन् ।
पुरुषतर्फको २०० मिटर ब्रेस्टस्ट्रोकमा नेपाल एपिएफ क्लबका शुभम श्रेष्ठ र मध्यमाञ्चलका किरण कार्कीले नयाँ कीर्तिमान बनाए । शुभमले सन् २०१६ मा कोलोम्बोमा भएको दक्षिण एसियाली क्वाटिक च्याम्पियनसिपमा आफैले राखेको कीर्तिमान भंग गरेका हुन् । किरणले पनि शुभमकै कीर्तिमानलाई भंग गरेका हुन् । आफ्नै नामको कीर्तिमान भंग गर्ने क्रममा शुभमले २ मिनेट ३६ दशमलव ७५ सेकेण्डको समय निकाले । शुभमले कोलोम्बोमा राखेको २ मिनेट ४२ दशमलव ६२ सेकेण्डको समयमा किरणले ५९ मिलि सेकेण्डको सुधार गरेका हुन् ।
April 20, 2024
काठमाडौं (हाम्रो खेलकुद)– नेपाल पौडी संघको अध्यक्षमा जगतमान श्रेष्ठसहित २५ सदस्यीय कार्यसमिति शनिबार निर्विरोध निर्वाचित भएको छ । यसअघि झण्डै १२ वर्ष संघको महासचिव रहेका श्रेष्ठ अध्यक्ष चुनिएका हुन् । प्रदेश खेलकुद परिषद् लुम्बिनीका सदस्य सचिव जयप्रकाश भट्टराई वरिष्ठ उपाध्यक्ष तथा चित्रराज भट्ट, जुनाकुमारी कठायत, गंगालाल सिंगार उपाध्यक्ष चयन भएका छन् । पौडीका पूर्व मुख्य […]
February 12, 2024
काठमाडौं (हाम्रो खेलकुद) – जलपरी गौरिका सिंह र पौडीवाज नासिर याहा हुसेनले विश्व एक्वाटिक्स च्याम्पियनसिपमा नयाँ राष्ट्रिय कीर्तिमान कायम गरेका छन् । कतारको दोहामा जारी विश्व एक्वाटिक्स च्याम्पियनसिप दौरान साेमबार गौरिकाले १०० मिटर ब्याकस्ट्रोकमा आफ्नै नाममा रहेको पुरानो किर्तिमान भंग गरेकी हुन् । नयाँ कीर्तिमान बनाउने क्रममा गौरिकाले निर्धारित दुरी १ मिनेट ५ दशमलव ४७ […]
December 28, 2023
काठमाडौं (हाम्रो खेलकुद)- निसर्ग बाटिका स्कुल २६ औं राष्ट्रिय खुल्ला तथा उमेर समूह पौडी प्रतियोगितामा टिम च्याम्पियन बनेको छ । नेपाल पौडी संघ र बागमती प्रदेश खेलकुद विकास परिषद्को संयुक्त आयोजनामा भएको प्रतियोगितामा कुल १ सय ४८ अंकका साथ निसर्ग टिम च्याम्पियन बनेको हो । दोश्रो स्थानमा रहेको स्वस्तीश्री गुरुकुलले ५१ अंक र तेश्रो स्थानमा […]