7 years ago
September 14, 2017
काठमाडौं (हाम्रो खेलकुद)– तुर्केमिनिस्तानमा अर्को साता सुरु हुने पाँचौं एसियन इन्डोर तथा मार्सल आट्र्स गेम्समा नेपालले ८ खेलमा प्रतिस्पर्धा गर्ने भएको छ । तुर्केमिनिस्तानको आस्गावादमा सेप्टेम्बर १७ देखि २७ सम्म आयोजना पाँचौं संस्करणको प्रतियोगितामा नेपालका ८ खेलका १८ खेलाडीले प्रतिस्पर्धा गर्ने भएका छन् । नेपालले तेक्वान्दो, चेस, पौडी, भारोत्तोलन, पुरुष बास्केटबल, मुवाथाई, किक बक्सिङ र […]
काठमाडौं (हाम्रो खेलकुद)– तुर्केमिनिस्तानमा अर्को साता सुरु हुने पाँचौं एसियन इन्डोर तथा मार्सल आट्र्स गेम्समा नेपालले ८ खेलमा प्रतिस्पर्धा गर्ने भएको छ । तुर्केमिनिस्तानको आस्गावादमा सेप्टेम्बर १७ देखि २७ सम्म आयोजना पाँचौं संस्करणको प्रतियोगितामा नेपालका ८ खेलका १८ खेलाडीले प्रतिस्पर्धा गर्ने भएका छन् ।
नेपालले तेक्वान्दो, चेस, पौडी, भारोत्तोलन, पुरुष बास्केटबल, मुवाथाई, किक बक्सिङ र कुराँसमा आफ्ना खेलाडी उतार्नेछ । प्रतियोगितामा नेपालबाट १८ खेलाडीसहित प्रशिक्षक तथा पदाधिकारी गरी २७ सदस्यीय टोली तुर्केमिनिस्तान जाने बताइएको छ । तेक्वान्दोबाट निमा गुरुङ र बिरबहादुर महराले प्रतिस्पर्धा गर्दा चेसमा मोनालिसा खम्बु र मदन कृष्ण कायस्थले प्रतिस्पर्धा गर्नेछन् ।
पौडीमा ओलम्पियन शिरिष गुरुङ र निहारिका तन्डुकार, मुवा थाईमा नवराज गुरुङ, भारोत्तोलनमा कमला श्रेष्ठ र प्रकाश केसी र कुराँसबाट अस्मिला छन्त्याल, दिपक छन्त्याल र जयन्ती श्रेष्ठ रहेका छन् । त्यस्तै बास्केटबलमा अशिम श्रेष्ठ, विक्रम जोशी, विजय बुर्जा र सौरभ श्रेष्ठ छन् ।
नेपाली टोलीको प्रशिक्षकहरुमा तेक्वान्दोबाट हरिहर प्रसाद पाण्डे, बास्केटबलबाट दिनेश चन्द्र नकर्मी, भारोत्तोलनबाट जगदीश प्रसाद प्रधान, किक बक्सिङबाट रञ्जन कुमार भुजेल छन् । यस्तै चेसको टिम म्यानेजर धराम बहादुर लामा, कुराँसबाट प्रतिक्षा खरेल र पौडीबाट मुकुन्दराज शर्मा रहेका छन् ।
नेपाली टोलीको सेभ दि मिसनमा राष्ट्रिय खेलकुद परिषद (राखेप) सदस्यसचिव केशव कुमार बिष्ट रहेका छन् । यस्तै प्रतियोगिताको उद्घाटनको मार्च पासमा नेपालको नेतृत्व तेक्वान्दोकी निमा गुरुङले गर्नेछिन् । यस्तै प्रतियोगिताको दौरान एसियन ओलम्पिक काउन्सिलको बैठकमा उपस्थिति जनाउन नेपाल ओलम्पिक कमिटि (एनओसी) का अध्यक्ष श्रेष्ठसहितको एक टोलि पनि त्यसतर्फ जाने भएको छ ।
उक्त ओलम्पिक काउन्सिलको बैठकमा नेपालमा तय भएको १३ औं दक्षिण एसियाली खेलकुदबारे छलफल र खेलकुदमा समावेश गराइने खेलहरुको तय हुने एनओसीका अध्यक्ष श्रेष्ठले जानकारी दिए ।प्रतियोगितामा सहभागी हुने नेपाली टोलीलाई बिहिबार एनओसीले विदाइ गरेको छ । नेपाली टोलीलाई एनओसी अध्यक्ष श्रेष्ठ, राखेप सदस्य सचिव विष्टलगायतले शुभकामना दिएका थिए ।
February 12, 2024
काठमाडौं (हाम्रो खेलकुद) – जलपरी गौरिका सिंह र पौडीवाज नासिर याहा हुसेनले विश्व एक्वाटिक्स च्याम्पियनसिपमा नयाँ राष्ट्रिय कीर्तिमान कायम गरेका छन् । कतारको दोहामा जारी विश्व एक्वाटिक्स च्याम्पियनसिप दौरान साेमबार गौरिकाले १०० मिटर ब्याकस्ट्रोकमा आफ्नै नाममा रहेको पुरानो किर्तिमान भंग गरेकी हुन् । नयाँ कीर्तिमान बनाउने क्रममा गौरिकाले निर्धारित दुरी १ मिनेट ५ दशमलव ४७ […]
December 28, 2023
काठमाडौं (हाम्रो खेलकुद)- निसर्ग बाटिका स्कुल २६ औं राष्ट्रिय खुल्ला तथा उमेर समूह पौडी प्रतियोगितामा टिम च्याम्पियन बनेको छ । नेपाल पौडी संघ र बागमती प्रदेश खेलकुद विकास परिषद्को संयुक्त आयोजनामा भएको प्रतियोगितामा कुल १ सय ४८ अंकका साथ निसर्ग टिम च्याम्पियन बनेको हो । दोश्रो स्थानमा रहेको स्वस्तीश्री गुरुकुलले ५१ अंक र तेश्रो स्थानमा […]
September 23, 2023
हाङ्गचौं (हाम्रो खेलकुद)– नेपाली राष्ट्रिय महिला फुटबल टोलीकी मिडफिल्डर सरु लिम्बुले चीनमा जारी १९ औं एसियाली खेलकुद (एसियाड) का बाँकी खेल गुमाउने भएकी छिन् । एसियाडमा शुक्रबार भिएतनामविरुद्धको खेलमा घुडाँमा चोट लागेपछि सरुले बाँकी खेल गुमाउने भएकी हुन् । समूह चरणमा नेपालले अब जापान र बंगलादेशसँग खेल्न बाँकी छ । भिएतनामविरुद्धको खेलको ३५ औं मिनेटमा […]