default_image

10 months ago

May 2, 2023

सागकी स्वर्ण पदक विजेता सन्तोषी स्वदेश फर्कदै

काठमाडौं (हाम्रो खेलकुद)– दक्षिण एसियाली खेलकुद (साग) की स्वर्ण पदक विजेता धाविका सन्तोषी श्रेष्ठ झन्डै अढाई महिनापछि मंगलबार स्वदेश आइपुग्दैछिन् । नेदरल्यान्ड्सबाट सोमबार हवाई यात्राको तयारीमा रहेकी सन्तोषले मंगलबार दिउँसो ३ बजेको आसपासमा स्वदेश आइपुग्ने जानकारी दिएकी छिन् । एक महिना भन्दा लामो समय इथोपियामा प्रशिक्षण गरेकी सन्तोष पछिल्लो एक महिनाभन्दा लामो समय नेदरल्यान्ड्समा रहेकी […]

144 views

0 Bookmark

काठमाडौं (हाम्रो खेलकुद)– दक्षिण एसियाली खेलकुद (साग) की स्वर्ण पदक विजेता धाविका सन्तोषी श्रेष्ठ झन्डै अढाई महिनापछि मंगलबार स्वदेश आइपुग्दैछिन् । नेदरल्यान्ड्सबाट सोमबार हवाई यात्राको तयारीमा रहेकी सन्तोषले मंगलबार दिउँसो ३ बजेको आसपासमा स्वदेश आइपुग्ने जानकारी दिएकी छिन् ।

एक महिना भन्दा लामो समय इथोपियामा प्रशिक्षण गरेकी सन्तोष पछिल्लो एक महिनाभन्दा लामो समय नेदरल्यान्ड्समा रहेकी थिइन् । उनी फागुन ८ गते इथोपिया गएकी थिइन् । नेदरल्यान्ड्समा ग्लोबल स्पोर्टस् कम्युनिकेसनमा रहेर खुट्टाको नियमित फिजिथेरापी र सामान्य प्रशिक्षण गरेको उनले बताइन्।

त्यसबीचमा उनले नेदरल्याण्ड्समा चैत १२ गते हाफ म्याराथन र त्यसको २ सातापछि जर्मनीमा प्यादरबर्न इन्टर रनको १० किलोमिटर दौडमा भाग लिएकी थिइन् । हाफ म्याराथनमा उनले आठौं स्थान प्राप्त गरेकी थिइन्।

विश्व एथलेटिक्स महासंघ र एम्सको मान्यता प्राप्त त्यो १० किलोमिटर सन्तोषीले ३४ मिनेट ३१ सेकेन्डमा दौड पूरा गर्दै राष्ट्रिय कीर्तिमान बनाइन्। त्यसअघि १० किलोमिटर दौडमा कान्छीमाया कोजुको ३५ मिनेट ०३ को राष्ट्रिय कीर्तिमान रहेको थियो । ग्लोबल स्पोर्टस्मै प्रशिक्षण गरिरहेकी केन्याली धाविका चेलनगट बेट्टीले सो १० किलोमिटर दौडमा रजन पदक जितेकी थिइन् ।

ग्लोबल स्पोर्ट्स् कम्युनिकेसनबाट छात्रबृति पाउनेमा सन्तोषी पहिलो दक्षिण एसियाली र दोस्रो एसिया खेलाडी रहेको बताइएको छ । २०७६ मंसिरमा काठमाडौंमा सम्पन्न १३ औं सागमा १० हजार मिटरमा स्वर्ण पदक जितेकी सन्तोषीले त्यसयता भाग लिएका अधिकांश घरेलु प्रतियोगिताको उपाधि जित्दै आएकी छिन् ।

झन्डै चार दशक लामो साग इतिहासमा एथलेटिक्सतर्फ सागमा स्वर्ण पदक दिलाउने उनी पहिलो महिला नेपाली खेलाडी हुन् । कात्तिकमा गण्डकी प्रदेशमा भएको नवौं राष्ट्रिय खेलकुदमा उनले ५ हजार र १० हजार मिटर दौडमा स्वर्ण पदक जितेकी थिइन् । एसियाली खेलकुदको तयारीका लागि उनी एक महिना पछि पुनः इथियोपिया जानेछिन् ।

February 28, 2024

रितिक राष्ट्रिय खुला लन टेनिसको क्वार्टरफाइनलमा

सुमन अधिकारी, बुटवल रुपन्देही लन टेनिस संघको आयोजनामा बुटवलमा जारी छैटौं राष्ट्रिय खुला लन टेनिस प्रतियोगिता–२०८० अन्तरगत दोस्रो दिन बुधवार मेन्स सिगलतर्फ अन्तिम आठको टुंगो लागेको छ । दोस्रो दिन खेलाइएका ३४ खेल सम्पन्न भएको छ । रितिक राना, प्रदिप खड्का, आर्यन गिरी, प्रनव मानन्धर, प्रनव खनाल, निशान श्रेष्ठ, आशिष खड्का, सक्षम भुषण शाह मेन्स […]

February 14, 2024

अन्तर्राष्ट्रिय महिला दिवसमा कीर्तिपुरमा आमा दौड हुने

काठमाडौं (हाम्रो खेलकुद) – एन. आर. एस स्पोर्टस फाउण्डेसनले कीर्तिपुर नगरपालिकाको सहकार्यमा अन्तराष्ट्रिय महिला दिवस (मार्च ८ ) को दिन कीर्तिपुरमा आमा दौड आयोजना गर्ने भएको छ । कीर्तिपुर नगरपालिका कार्यालयमा बुधबार आयोजित पत्रकार सम्मेलनमा फाउन्डेसनका अध्यक्ष निलेन्द्रराज श्रेष्ठले आमाहरुलाई खेलकुदप्रति जागरुक गराउनका लागि आमा दौड आयोजना गर्न लागेको बताए । फागुन २५ गते हुने […]

February 12, 2024

बक्सिङको ओलम्पिक छनोट तयारी भारतमा हुने

काठमाडौं (हाम्रो खेलकुद) – इटालीको मिलानमा हुने बक्सिङको ओलम्पिक छनोटको तयारीका लागि २ खेलाडीसहित ३ सदस्यीय बक्सिङ टोली मंगलबार भारतको हरियाणा जाने भएको छ । ओलम्पिक छनोट फेब्रुअरी २९ देखि मार्च ११ तारिखसम्म हुने बक्सिङ संघले जनाएको छ । हरियाणाको रोहतकस्थित राजीव गान्धी स्पोर्ट्स कम्प्लेक्समा हुने प्रशिक्षणमा पुरुषमा चन्द्रबहादुर थापा र महिलामा अन्जली तेली सहभागी […]

Success

Thank you for your time.