काठमाडौँ (हाम्रो खेलकुद) – नेपाल राष्ट्रिय तथा अन्तराष्ट्रिय खेलाडी संघको चौथो साधारण सभा आज काठमाडौँमा सम्पन्न भएको छ। संघको साधारण सभाले निर्वाचनबाट अध्यक्षमा करातेका साग स्वर्णपदकधारी दीपक श्रेष्ठ निर्विरोध निर्वाचित गरेको हो। श्रेष्ठ यसअघिको कार्यसमितिमा महासचिवमा कार्यरत रहेका थिए ।

शुक्रबार भएको निर्वाचनले २० सदस्यीय कार्यसमितिमा गठन गर्यो। पाँच उपाध्यक्षमा केदारेश्वरमान स्थापित, दीपक महर्जन, हरि खड्का, कान्छिमाया कोजु र दीपक थापा रहेका छन्। संघको महासचिवमा शिवसुन्दर गोथे, उपमहासचिवमा मन्डेकाजी श्रेष्ठ र सचिवमा कमलबहादुर अधिकारी निर्वाचित भए। कोषाध्यक्षमा भने पछिल्लो कार्यसमितिमा जिम्मेवारी सम्हालेका उसुका आङबाबु लामानै कायम रहे।

संघका सदस्यहरुमा टिकाराम श्रेष्ठ, रमेश कुमार श्रेष्ठ, सरोज श्रेष्ठ, दिनेश श्रेष्ठ, भोला सिलवाल, निशा रावल, नविता श्रेष्ठ, फुपु ल्हामु खत्री, शिरिष गुरुङ्ग र फुलमाया क्याप्छाकी रहेका छन् । अध्यक्ष लगायत सवै निर्विरोध निर्वाचित भएका हुन् ।
निर्वाचित सदस्यहरुलाई प्रमुख निर्वाचन अधिकृत राष्ट्रिय खेलकुद परिषद संघ संस्था समन्वय शाखा प्रमुख डेम बहादुर बस्नेतले पद तथा गोपनियताको सपथ खुवाएका थिए ।

संघले विगतका दुई कार्यकाल सफलतापूर्वक सम्हालेका निवर्तमान अध्यक्ष दीपक बिष्टलाई उनको कार्यकालमा गरिएको कामको उच्च मुल्याङकन गर्दै संघको मानार्थ अध्यक्षमा चयन गरेको छ।

नव निर्वाचित अध्यक्ष दीपक श्रेष्ठले २७ सदस्यीय कार्यसमितिमा अब दुई उपाध्यक्ष र पाँच सदस्य भने नयाँ कार्यसमितिको बैठकले मनोनित गर्ने  जानकारी गराए ।