default_image

1 month ago

January 10, 2024

सफल पोखरा म्याराथनलाई गण्डकी प्रदेश खेलकुदको साथ

विजय नेपाली ,पोखरा पोखरामा आयोजना हुने सफल पोखरा अन्तर्राष्ट्रिय म्याराथनमा प्रदेश खेलकुद परिषद गण्डकीले आवश्यक सहयोग गर्ने भएको छ । नेपाल भूतपूर्व खेलाडी मञ्च पोखराको आयोजनामा हुँदै आएको म्याराथनको १८ औं संस्करण फागुन ५ गते हुँदैछ। प्रदेश खेलकुद परिषदका  गण्डकीका सदस्य सचिव श्रीधर शर्माले अध्यक्ष हरिप्रसाद पराजुलीको नेतृत्वमा गएको मन्च टोलीबीच बुधबार भेटघाटका‌ क्रममा परिषदले […]

182 views

0 Bookmark

विजय नेपाली ,पोखरा

पोखरामा आयोजना हुने सफल पोखरा अन्तर्राष्ट्रिय म्याराथनमा प्रदेश खेलकुद परिषद गण्डकीले आवश्यक सहयोग गर्ने भएको छ ।

नेपाल भूतपूर्व खेलाडी मञ्च पोखराको आयोजनामा हुँदै आएको म्याराथनको १८ औं संस्करण फागुन ५ गते हुँदैछ।

प्रदेश खेलकुद परिषदका  गण्डकीका सदस्य सचिव श्रीधर शर्माले अध्यक्ष हरिप्रसाद पराजुलीको नेतृत्वमा गएको मन्च टोलीबीच बुधबार भेटघाटका‌ क्रममा परिषदले सहयोग गर्ने प्रतिवद्धता व्यक्त गरेका‌ हुन्  ।

सदस्य सचिव शर्माले भूतपूर्व खेलाडी मञ्च समग्र खेलाडीका लाग मार्गदर्शकको रुपमा रहेको उल्लेख गर्दै अन्तर्राष्ट्रिय स्तरको म्याराथन गर्दै मञ्चले ठूलो काम गरिरहेको बताए ।

मञ्चलाई अझै विस्तार गर्न समेत सुझाव दिदै उनले  सफल पोखरा अन्तर्राष्ट्रिय म्याराथन मञ्चको मात्रै नभई समग्र प्रदेशको रहेको र परिषदले यसका लागि गर्नु पर्ने सबै सहयोग गर्ने वचन दिए ।

मञ्चका अध्यक्ष पराजुलीले जिल्ला खेल संघहरुसँग समन्वयकारी भुमिका खेलिदिन परिषदलाई आग्रह गरे । पुर्व खेलाडीहरुको छाता संगठन भएकाले यसमा हरेक खेल संघ जोडिए थप हौसला बढ्ने उनले सुनाए ।

पराजुलीले यो संस्करणको प्रतियोगितालाई सुरक्षित र पर्यटन प्रबद्र्धन गर्नका लागि नयाँ वैकल्पिक रुटमा लैजाने योजना बनिरहेको जानकारी दिए।

‘हिजोका दिनसम्म हामीलाई सडक सुरक्षा निकै चुनौतिको रुपमा रह्यो । आज हामीले त्यहि सडक सुरक्षालाई मध्येनजर गर्दै वैकल्पिक रुटको व्यस्था गर्ने योजनामा छौं’ उनले भने, ‘सिटी म्याराथनको अवधारणा अनरुप हामीले पोखराको मध्यभाग हुँदै पर्यटकीय क्षेत्र फेवातालतर्फ लैजाने छौं ।’

उनका अनुसार प्रतियोगिताका लागि हालसम्म १० राष्ट्रका धावकहरुले नाम दर्ता गराइसकेका छन् । प्रतियोगिता सफल बनाउन विभिन्न उपसमिति गठन गरि तिब्र रुपमा काम अघि बढिरहेको पराजुलीले बताए ।

१८ औं संस्करणको सफल पोखरा अन्तर्राष्ट्रिय म्याराथनको प्रोमो पनि सार्वजनिक  गरिएको छ ।  मञ्चका संस्थापक अध्यक्ष खड्ग रानाभाटले प्रोमो सार्वजनिक गरेका हुन । साथै मञ्चले म्याराथनको लाइभ ब्रोडकास्टका लागि पब्लिक फोरके टेलिभिजनसंग सम्झौता गरेको छ।

February 21, 2024

पोषिलो डे आयोजना हुने

काठमाडौं (हाम्रो खेलकुद) – पुल्चोक मैदानमा यही शनिबार ‘पोषिलो स्पोर्ट्स डे’ आयोजना हुने भएको छ । खेलकुदमार्फत स्वास्थ्य, फिटनेस र खेलकुदमा सक्रिय रहन प्रोत्साहित गर्ने लक्ष्यसहित पोषिलो फूड्स, जिम वुल्फ फिटनेस, एनवाईएफसी नेपाल, पुल्चोक गर्ल्स क्लब र रिभोल्ट स्पोर्ट्स क्लबले संयुक्त रूपमा कार्यक्रम गर्न लागेका हुन् । मुख्य कार्यक्रममा ६ किलोमिटर दौड रहने छ, जसमा […]

February 19, 2024

गोपीचन्द्रले लण्डन म्याराथन दौडने

काठमाडौं (हाम्रो खेलकुद) –नवौं धारा नेपालगन्ज म्याराथनका विजेता गोपीचन्द्र पार्कीले यसपटकको टिसिएस लण्डन म्याराथनमा दौडने पक्का भएको छ । नेपालगन्ज म्याराथनले सोमबार पत्रकार सम्मेलन गर्दै गोपीको सहभागिता निश्चित भएको जानकारी गराएको छ । गोपीले आफ्नो लागि नेपालगन्ज म्याराथन सधै लक्की रहँदै आएको बताएका छन् । पहिलो पटक विजेता बन्दा ओलम्पिकको लागि छनोट हुने भनिएको थियो […]

February 17, 2024

सन्तोषीलाई पोखरा हाफ म्याराथनको उपाधि

पोखरा (हाम्रो खेलकुद )- सन्तोषी श्रेष्ठले सफल पोखरा म्याराथनमा महिला हाफ म्याराथनको उपाधि जितेकी छिन्। पोखरामा शनिबार बिहान भएको १८ औं संस्करणमा निर्धारित दूरी (२१ किलोमिटर) १ घण्टा १८ मिनेट ३९ सकेण्डमा पार गर्दै सन्तोषीले हाफ म्याराथनको उपाधि जितेकी हुन्। सन्तोषीले गत महिना बंगलादेशमा भएको बंगबन्धुमा दक्षिण एसियालीतर्फ म्याराथनको उपाधि जितेकी थिइन्। उनको त्यो म्याराथनमा […]

Success

Thank you for your time.