6 months ago
January 24, 2024
नेपालगन्ज (हाम्रो खेलकुद)- नेपाली म्याराथन धावकको हौसला बढाउन नेपालगन्ज म्याराथनले प्रोत्साहन कार्यक्रम अघि सारेको छ ।
गत मंसिर ९ गते सम्पन्न नवौं धारा नेपालगन्ज म्याराथनमा पदक विजेता खेलाडीलाई कुनै पनि अन्तर्राष्ट्रिय म्याराथनमा पदक जित्दा प्रोत्साहन पुरस्कार प्रदान गर्ने बोर्ड बैठकले निर्णय गरेको नेपालगञ्ज म्याराथनले जनाएको छ ।
बंगलादेशको राजधानी ढाकामा शुक्रबार हुन बंगबन्धु शेख मुजिब ढाका इन्टरनेसनल म्याराथनमा पदक जित्ने खेलाडीलाई नेपालगन्ज म्याराथनले नगद पुरस्कारको घोषणा गरेको छ ।
ढाका म्याराथनमा स्वर्ण पदक जित्नेलाई २५ हजार , रजतलाई १५ हजार र कास्य पदक जित्नेलाई १० हजार रुपैयाँ प्रोत्साहन रकम दिइने नेपालगन्ज म्याराथन बोर्डले निर्णय गरेको अध्यक्ष टीएस ठकुरीले बताए ।
‘नेपालगन्ज म्याराथनमा पदक जितेर विदेशी भुमिमा हुने मान्यताप्राप्त म्याराथनमा पदक जित्ने खेलाडीलाई थप हौसला बढाउन यसबर्षदेखि पुरस्कार दिदै अघि बढ्न खोजेका छौं ’ अध्यक्ष ठकुरीले भने, ‘यसले पक्कै खेलाडीलाई अभिप्रेरित गर्नेछ भन्ने अपेक्षा लिएका छौं ।’
नवौं धारा नेपालगन्ज म्याराथनमा पदक जितेका अधिकांश खेलाडी नै ढाका म्याराथनमा अवसर पाएकोमा खुशी लागेको अध्यक्ष ठकुरीले बताए ।
नवौं धारा नेपालगन्ज म्याराथनमा पुरुषतर्फ गोपीचन्द्र पार्कीले जितेका थिए भने , खडकबहादुर खड्का,दोस्रा किरणसिंह बोगटी तेस्रा र सन्तोष विक्रम बिष्ट चौथा भएका थिए ।
त्यसैगरी महिला हाफ म्याराथनमा सन्तोषी श्रेष्ठ विजयी भएकी थिइन् । फुलमती राना दोस्रा, पुष्पा भण्डारी तेस्रा र विन्द्रा धान्के श्रेष्ठले चौथो भएकी थिइन् ।
सन्तोषी, किरण र गोपीले सन् २०१९ मा स्वदेशमा भएको १३ दक्षिण एसियाली खेलकुद (साग) मा स्वर्ण पदक जितेका थिए। सन्तोषीले १० हजार मिटर, किरणले म्याराथन र गोपीले ५ हजार मिटरमा दौड पूरा गर्दै पदक जितेका थिए।
गोपी भने ढाका म्याराथनमा सहभागी छैनन् । बुवाको असामयिक निधनमा कारण उनी काजरियामा छन् । गोपीलाई लन्डन म्याराथन पठाउने तयारीमा नेपालगन्ज म्याराथन जुटिरहेको बताइएको छ ।
बंगबन्धु सेख मुजिब ढाका म्याराथनमा यसपटक ७ नेपाली खेलाडीले प्रतिस्पर्धा गर्ने छन् ।
३ पुरुष र ४ महिला गरी ७ खेलाडीले म्याराथन (४२.१९५ किलोमिटर) मा प्रतिस्पर्धा गर्न बताइएको छ । पुरुमा किरण, खडग र प्रकाशसिंह ऐर छन् ।
महिलामा पुष्पा भण्डारी, सन्तोषी, विन्द्रा र सुमित्रा चौधरी छन् । ढाका म्याराथनको विगतका संस्करणमा पुष्पाले २ स्वर्ण र १ कांस्य तथा विन्द्राले १ कांस्य पदक जितेकी थिइन् । टोलीको प्रशिक्षकमा राकेश वज्राचार्य रहेका छन् । टोली बुधबार त्यसतर्फ प्रस्थान गरिसकेको छ।
June 22, 2024
काठमाडौं (हाम्रो खेलकुद) – नेपाल आर्मीकाद्वय नरेन्द्रसिंह रावत र पूर्णलक्ष्मी न्यौपाने राष्ट्रिय खुल्ला अपहिल केडिसी रनमा शनिबार पहिलो भएका छन् । २१ किलोमिटर दूरीको दौडमा नरेन्द्र पुरुषतर्फ र पूर्णलक्ष्मी महिलामा पहिलो भएका हुन् । नरेन्द्रले निर्धारित दूरी १ घण्टा १९ मिनेट ५१ सेकेन्डमा पूरा गरे । दोश्रो भएका करण रावलले १ घण्टा २१ मिनेट ५५ […]
June 22, 2024
काठमाडौं (हाम्रो खेलकुद)- नेपाल पुलिस क्लबकी राजपुरा पछाईले राष्ट्रिय खुल्ला महिला हाफ म्याराथन प्रतियोगिताको उपाधि जितेकी छिन् । राजपुरा १ घण्टा १९ मिनेटमा दौड पूरा गर्दै उपाधि जितेकी हुन् । पुलिसकै राममाया बुढा दोस्रो भइन् । १ घण्टा २३ मिनेट १० सेकेण्डमा दौड पूरा गरकी थिइन्।नेपाल एपिएफ क्लब पुष्पा भण्डारी तेस्रो भइन्। १ घण्टा २५ […]
May 18, 2024
काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]