9 months ago
January 26, 2024
काठमाडौं (हाम्रो खेलकुद)- सन्तोषी श्रेष्ठले म्याराथनको डेब्यूमै राष्ट्रिय कीर्तिमानसहित स्वर्ण पदक जितेकी छिन् ।
बंगलादेशमा शुक्रबार भएको बंगबन्धु शेख मुजिब ढाका इन्टरनेसनल म्याराथनमा सन्तोषी श्रेष्ठले स्वर्ण पदक जितेकी छिन्।
ढाकामा शुक्रबार भएको म्याराथनको दक्षिण एसियाली विधाको महिलातर्फ २ घन्टा ४६ मिनेट २२ सेकेन्ड मा दौड पूरा गर्दै उपाधि जितेकी हुन् । यसअघि पुष्पा भण्डारीको नाममा रहेको राष्ट्रिय कीर्तिमानलाई सन्तोषीले तोडेकी छिन् । उनले बंगबन्धुमा म्याराथनमा २ घन्टा ४८ मिनेट ०२ सेकेन्डको राष्ट्रिय कीर्तिमान बनाएकी थिइन्। विन्द्रा धान्के श्रेष्ठले पाँचौं स्थानमा दौड पूरा गरेकी थिइन् । उनले ३ घन्टा ४ मिनेटमा दौड पूरा गरेकी थिइन्।
सोही विधामा एपिएफकी पुष्पाले रजत पदक जितकी छन् । पुष्पाले २ घन्टा ४९ मिनेट ३३ सेकेन्डमा दौड पूरा गरेकी टोलीका प्रशिक्षक राकेश बज्राचार्यले जानकारी दिइएका छन् ।
सन्तोषी १३ औं दक्षिण एसियाली खेलकुद (साग) की स्वर्ण र पुष्पा रजत पदक विजेता हुन् । सन् २०१९ मा नेपालमा भएको १३ औं सागमा सन्तोषीले १० हजार मिटर र पुष्पाले म्याराथनमा रजत पदक जितेकी थिइन् ।
बंगबन्धुमा पुष्पाले यसअघि २ स्वर्ण र १ कास्य पदक जितेकी थिइन्।
बंगबन्धु म्याराथन पुरुषतर्फ खड्गबहादुर खड्काले कास्य पदक जितेका छन्। उनले २ घन्टा १८ मिनेट ३२ सेकेन्डमा दौड पूरा गरेका थिए।
सन्तोषीका प्रशिक्षक रघुराज वन्तले सन्तोषीले आउने दिनमा म्याराथनलाई नै निरन्तरता दिने बताइएका छन्। ‘यो उसको डेब्यू म्याराथन हो । राष्ट्रिय कीर्तिमान बनाएकी छन्, वन्तले भने,’हामीले यो भन्दा राम्रो टाइमिङको आशा गरेका थियौं। सोचे जस्तो त भएन। आशा गरौं आउने दिनमा राम्रो होला।’
सन्तोषीले यसअघि हाफ म्याराथनमा भने प्रतिस्पर्धा गर्दै आएकी थिइन् । मंसिरमा उनले नेपालगञ्ज म्याराथनमा हाफ म्याराथन जितेकी थिइन्।
नेपालगञ्ज म्याराथनले ढाका म्याराथनमा स्वर्ण पदक जित्नेलाई २५ हजार , रजतलाई १५ हजार र कास्य पदक जित्नेलाई १० हजार रुपैयाँ प्रोत्साहन रकम दिने घोषणा गरेको थियो।
September 28, 2024
काठमाडौं (हाम्रो खेलकुद)– न्युजिल्यान्डका जोनाह स्मिथले १६ औं काठमाडौं म्याराथनको उपाधि जितेका छन् । अविरल वर्षाकाबीच शनिबार भएको म्यराथन २ घन्टा २१ मिनेट ४५ सेकेन्डमा पूरा गर्दै स्मिथले उपाधि जितेका हुन् । उनी पहिलो पटकको सहभागितामा नै च्याम्पियन बनेका छन् । विदेशी खेलाडीको सहभागिता यसअघि नै पक्का भइसकेका कारण आयोजक एनआरएस स्पोर्टस फाउन्डेसनले पूर्व निर्धारित […]
September 27, 2024
ललितपुर (हाम्रो खेलकुद)- त्रिभुवन आर्मी क्लबकी पुर्णलक्ष्मी न्यौपाने र मुकेशबहादुर पाल खुला ५ किलोमिटर दौडमा शुक्रवार विजयी भएका छन् । एथलेटिक्स परिवार, नेपालको प्राविधिक सहयोग तथा व्यवस्थापनमा भएको दौडमा पुर्णलक्ष्मीले १८ मिनेट १८.३८ सेकेन्डमा दूरी तय गरिन् । निर्मला केसी १८ मिनेट २०.६४ सेकेन्ड समयमा दोश्रो तथा सिर्जना पाण्डे १८ मिनेट २९.४५ सेकेन्ड समयमा तेश्रो […]
September 21, 2024
काठमाडौं (हाम्रो खेलकुद) – काठमाडौं म्याराथनको १६औं संस्करण अर्काे साता भएको छ । आयाेजकले शनिबार राजधानीमा पत्रकार सम्मेलनमार्फत १६औं संस्करणकाे काठमाडौं म्याराथन १२ असोज (२०२४ सेप्टेम्बर २८) मा हुने जानकारी गराएकाे छ । काठमाडौं म्याराथनको सुरुआत सन् २००७ मा भएको थियाे । विशेष र वृहत हुने यसपालीकाे दाैडमा १६ देशका ६६ अन्तर्राष्ट्रिय धावकसँगै कुल तीन हजार […]