काठमाडौं (हाम्रो खेलकुद) – नेपाली सेनाको आयोजनामा अर्को महिना प्रधानसेनापति खुला म्याराथन तथा रन फर फन प्रतियोगिता–२०८० हुने भएको छ ।

म्याराथनको नवौं संस्करणको फागुनमा १९ गते हुने सोमबार आयोजित पत्रकार सम्मेलमा नेपाली सेनाका महासेनानी प्रमोदकुमार थापाले जानकारी दिए । प्रतियोगितमा विभिन्न पाँच विधाका स्पर्धामा प्रतिस्पर्धा हुनेछ ।

जसमा म्याराथन (४२ .१९५ किमी) हाफ म्याराथन, १० किमी दौड, पाँच किमीको वाकाथन र सैनिक विद्यालयका छात्रछात्राका लागि ५ किमीको दौड हुनेछ। म्याराथनमा पुरुष खेलाडीले मात्र प्रतिस्पर्धा गर्नेछनु भने अन्य विधामा महिला तथा पुरुष खेलाडीले भाग लिनेछन् ।

म्याराथनका विजेताले ३ लाख रुपैयाँ र एक थान यमाह कम्पनीको मोटरसाइकल पाउनेछन् । दोस्रोले २ लाख, तेस्रोले १ लाख, चौथोले ५० हजार, पाँचौँले ३० , छैटौंले २५ ,सातौंले २०, आठौैंले १५, नवौंले १० र दसौंले ५ हजार प्राप्त गर्नेछन् ।

हाफ म्याराथनतर्फ पुरुष महिला विजेताले ७५ हजार र यमाहको मोटरसाइकल प्राप्त गर्नेछन् । दोस्रो हुनेले ५० र तेस्रो हुने ३५ हजार रुपैयाँ प्राप्त गर्नेछन् । महिला पुरुष १० किमी दौड तथा ५ किमीको छात्रछात्रा दौड जित्नेले १० हजार, दोस्रोले ७ हजार र तेस्रो हुने ५ हजार रुपैयाँ पाउनेछन् ।