8 months ago
February 12, 2024
एजेन्सी – पुरुष म्याराथनमा विश्व कीर्तिमान बनाएका केन्याका धावक केल्भिन किप्टमको सडक दुर्घटनामा निधन भएको छ ।
बीबीसीका अनुसार उनको प्रशिक्षक जेर्भाइस हकिजिमानासँग पश्चिम केन्यामा आइतबार भएको दुर्घटनामा मृत्यु भएको हो । गत अक्टोबरमा भएको सिकागो म्याराथनमा किप्टमले २ घण्टा ३५ सेकेन्डमा म्याराथन पूरा गर्दै विश्व कीर्तिमान कायम गरेका थिए ।
आइतबार केन्याको रातको ११ बजे दुर्घटना भएको प्रहरीले बताएको छ । प्रहरीका अनुसार किप्टमले चलाएको गाडीले ‘नियन्त्रण गुमाएर सडक छोडेपछि बायाँ भागमा रहेको ढल छेउमा खसेको’ थियो । प्रहरीका अनुसार ६० मिटरसम्म ढल छेउमा गुडेपछि गाडी रुखमा ठोक्किएको थियो । दुबैको घटनास्थलमै निधन भएको थियो ।
किप्टमले वर्तमान युगका सबैभन्दा सफल म्याराथन धावक एलिउड किप्चोगेको कीर्तिमान तोडेका थिए । दुबै किप्चोगे र किप्टम पेरिस २०२४ ओलम्पिकका लागि केन्याको प्रारम्भिक टोलीमा थिए ।
सन् २०२२ मा मात्र पहिलो पटक ठूलो म्याराथन कुदेका उनले यसै अप्रिलमा हुने रोटरड्याम म्याराथनमा २ घण्टाभन्दा कम समयमा म्याराथन पूरा गर्ने लक्ष्य राखेका थिए ।
September 28, 2024
काठमाडौं (हाम्रो खेलकुद)– न्युजिल्यान्डका जोनाह स्मिथले १६ औं काठमाडौं म्याराथनको उपाधि जितेका छन् । अविरल वर्षाकाबीच शनिबार भएको म्यराथन २ घन्टा २१ मिनेट ४५ सेकेन्डमा पूरा गर्दै स्मिथले उपाधि जितेका हुन् । उनी पहिलो पटकको सहभागितामा नै च्याम्पियन बनेका छन् । विदेशी खेलाडीको सहभागिता यसअघि नै पक्का भइसकेका कारण आयोजक एनआरएस स्पोर्टस फाउन्डेसनले पूर्व निर्धारित […]
September 27, 2024
ललितपुर (हाम्रो खेलकुद)- त्रिभुवन आर्मी क्लबकी पुर्णलक्ष्मी न्यौपाने र मुकेशबहादुर पाल खुला ५ किलोमिटर दौडमा शुक्रवार विजयी भएका छन् । एथलेटिक्स परिवार, नेपालको प्राविधिक सहयोग तथा व्यवस्थापनमा भएको दौडमा पुर्णलक्ष्मीले १८ मिनेट १८.३८ सेकेन्डमा दूरी तय गरिन् । निर्मला केसी १८ मिनेट २०.६४ सेकेन्ड समयमा दोश्रो तथा सिर्जना पाण्डे १८ मिनेट २९.४५ सेकेन्ड समयमा तेश्रो […]
September 21, 2024
काठमाडौं (हाम्रो खेलकुद) – काठमाडौं म्याराथनको १६औं संस्करण अर्काे साता भएको छ । आयाेजकले शनिबार राजधानीमा पत्रकार सम्मेलनमार्फत १६औं संस्करणकाे काठमाडौं म्याराथन १२ असोज (२०२४ सेप्टेम्बर २८) मा हुने जानकारी गराएकाे छ । काठमाडौं म्याराथनको सुरुआत सन् २००७ मा भएको थियाे । विशेष र वृहत हुने यसपालीकाे दाैडमा १६ देशका ६६ अन्तर्राष्ट्रिय धावकसँगै कुल तीन हजार […]
