default_image

2 months ago

April 5, 2024

लुम्बिनी अन्तर्राष्ट्रिय म्याराथनको तयारी पूरा

280 views

0 Bookmark

भैरहवा (हाम्रो खेलकुद) – नेपाल ओलम्पिक कमिटि (एनओसी) ले बुद्ध जन्मस्थलमा सामान्य वाकाथुन हुदै सुरु गरेको लुम्बिनी अन्तर्राष्ट्रिय म्याराथन भविष्यमा विश्वकै उत्कृष्ट म्याराथन हुने विश्वास व्यक्त गरेको छ ।

सन् २०२२ मा पहिलो पटक लुम्बिनीमा अवस्थित विश्वशान्ति द्धिपबाट मायादेवी मन्दिर सम्म सुरु भएको वाकाथनलाई विस्तार गर्ने क्रममा गत वर्ष म्याराथन आयोजना भएको थियो । शनिबार लुम्बिनी अन्तर्राष्ट्रिय शान्ति म्याराथनको दोश्रो सस्करण आयोजना हुँदैछ ।

एनओसीका अध्यक्ष जीवनराम श्रेष्ठले लुम्बिनीमा आयोजना हुने अन्तर्राष्ट्रिय म्याराथनको छुट्टै महत्व रहेको जनाउदै खेलका माध्यमबाट पर्यटन एवं लुम्बिनीको प्रबद्र्धन हुने बताए । यस पटक देखि लुम्बिनी अन्तराष्ट्रिय शान्ति म्याराथनमा एनओसीसँगै नेपाल स्थित चिनिया दुतावास,लुम्बिनी विकास कोष, नेपाल पर्यटन बोर्ड र लुम्बिनी प्रदेश खेलकुद परीषदले पनि सहयकार्य गरेको बताइएको छ ।

‘यो म्याराथन भविष्यमा विश्वकै उत्कृष्ट बन्ने सक्नेछ , अहिले सुरुवात हो पछि विश्वभरबाट प्रतिस्पर्धाका लागि आउनेछन् । लुम्बिनीको महत्वका कारण विश्वभरका म्याराथन धावकबीच लोकप्रिय हुनेछ,’ अध्यक्ष श्रेष्ठले भने ।

लुम्बिनी स्क्वायरबाट बिहान ६ बजे सुरु भएर भैरहवा सम्म पुगेर पुन लुम्बिनी स्कवायर पुगेर लुम्बिनी अन्तर्राष्ट्रिय शान्ति म्याराथन सम्पन्न हुने एनओसीका महासचिव निलेन्द्र राज श्रेष्ठले बताए । उनले भने,‘ सबै तयारी पूरा भएको छ , धावकहरु लुम्बिनी आउने क्रम जारी छ।’

म्याराथनको दुरी प्रमाणिकरणको लागि अन्तर्राष्ट्रिय सस्था एसोसियसन अफ इन्टरनेशनल म्याराथुन एन्ड डिस्टेन्स रेसेज (एम्स) का प्रतिनिधी आएर मापन गरिसकेको जानकारी दिदै श्रेष्ठले भने, म्याराथन सुरु हुनुअघि (इन्टरनेशनल एथलेटिक्स फोरुम (आइएएफ) र एम्स ले संयुक्त रुपमा प्रमाणपत्र दिएपछि अन्तर्राष्ट्रिय म्याराथनको क्यालेन्डरमा समेत सूचिकृत हुनेछ ।’

लुम्बिनी म्याराथन प्रमाणिकरण भए संगै नेपालमा अन्तर्राष्ट्रिय स्तरमा मान्यता पाएको ४ वटा म्याराथन हुने श्रेष्ठले बताए । यस अघि काठमाण्डौ म्याराथन, पोखरा म्याराथन र नेपालगन्ज म्याराथनले अन्तर्राष्ट्रिय म्याराथनको मान्यता पाइसकेका छन् ।

विकास र शान्तिको लागि अन्तर्राष्ट्रिय खेलकुद दिवसको दिन अप्रिल ६ दिन म्याराथन गर्दै आएका छौ,’ महासचिव श्रेष्ठले भने,‘ म्याराथन सकिएपछि अर्को बर्ष आयोजना हुने म्याराथनको मिति सार्वजनिक गर्नेछौं । त्यसले म्याराथन धावक माँझ बुद्धजन्मस्थल लुम्बिनी म्याराथनको जानकारी हुनेछ ।’

यस पटक पुरुष तर्फको म्याराथन विजेताले ५ लाख , दोश्रोले ३ लाख, तेश्रोले २ लाख, चौथोले १ लाख रुपैयाँ प्राप्त गर्नेछन् । त्यस्तै पाँचौले ८०, छैटौंले ६०, सातौंले ४०, आठौंले २०, नवौंले १० र दसौंले ५हजार रुपैयाँ प्राप्त गर्नेछन् ।

महिला तर्फको हाफ म्याराथन विजेता २ लाख, दोश्रोले १ लाख ६० हजार र तेश्रो हुनेले १ लाख २० हजार रुपैयाँ पाउनेछन् । त्यसै गरी ५ किमीको महिला पुरुषको दौड र विद्यालयका छात्र, छात्राको लागि ३ किलोमिटरको वाकाथन समेत आयोजना हुनेछ । ५ किमी र ३ किमी दुपै स्पर्धाका विजेताले १५ हजार, दोस्रोले १० हजार र तेस्रोले ५ हजार रुपैयाँ प्राप्त गर्नेछन् ।

यस पटक पुरुष म्याराथनमा ६० धावक, महिला हाफ म्याराथनमा २०, ५ किमीमा विद्यालयमा १ सय जना, खुल्ला ६५ तथा वाकाथनमा २ सय बढीको सहभागिता रहने बताइएको छ ।

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

May 16, 2024

राजनलाई हाफ म्याराथनको उपाधि

सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको‌ उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]

Success

Thank you for your time.