default_image

2 weeks ago

May 15, 2024

हाफ म्याराथन र रोड रेसको तयारी पूरा

167 views

0 Bookmark

सुमन अधिकारी,बुटवल

मदन भण्डारीको ३१ औं स्मृति दिवसको अवसरमा हुने (जेठ ३ गते ) दोस्रो राष्ट्रिय खुल्ला हाफ म्याराथन तथा रोड रेस प्रतियोगिताको तयारी पूरा भएको छ ।

आयोजक मदन भण्डारी स्पोर्टस एकेडेमीले मंगलबार बुटवलमा पत्रकार सम्मेलन गर्दै प्रतियोगिताको तयारी पूरा भएको जनाएको हो ।

प्रतियोगितामा खुल्ला हाफ म्याराथनसहित ५ वटा इभेन्ट समावेश गरिएको छ । एकेडेमीले गत वर्ष बुद्ध जन्मस्थल लुम्बिनीमा पहिलो संस्करणको प्रतियोगिता आयोजना गरेको थियो ।

देशभरीबाट धावकहरु बुटवल आइपुगेको एकेडेमीका अध्यक्ष ध्रुव आचार्यले बताए । प्रतियोगितामा हाफ म्याराथनमा व्यवसायिक धावकहरुसहित १ सय जनाको सहभागिता रहने अध्यक्ष आर्चायले बताए । दौड बिहान ६ बजे राजमार्ग चौराहाबाट सुरु हुनेछ ।

हाफ म्याराथनको विजेताले १ लाख, दोस्रोले ७५ हजार र तेस्रोले ५० हजार रुपैयाँ प्राप्त गर्नेछन् । त्यसै चौथोले ३० , पाँचौले २० र छैठौंले १० हजार रुपैयाँ पाउनेछन् ।
यस्तै १० किलोमिटर (कलेज स्तरिय खुला छात्र र खुला महिला) दौडको विजेताले ३५ , दोस्रो २५ र तेस्रोले १५, चौथोले १०, पाँचौंले ७ र छैटौं ५ हजार रुपैयाँ पाउनेछन् ।
५ किमी (विद्यालय स्तरिय खुला छात्र) विजेताले २०, दोस्रो १५ , तेस्रोले १२, चौथो १० , पाँचौं ७ र छैटौंले ५ हजार रुपैयाँ पाउनेछन् ।

त्यस्तैगरी ३ किमी (विद्यालय स्तरिय छात्रा) विजेतालाई १५ , दोस्रोलाई १० , तेस्रोलाई ७ हजार रुपैयाँ प्रदान गरिनेछ ।

विद्यालय स्तरिय १० वर्षसम्मका छात्र/छात्रा (१ सय मिटर) दौड र ६० वर्ष माथिका जेष्ठ नागरिकहरुका लागि राखिएको वाकाथुन प्रतियोगितामा पनि पुरस्कारको व्यवस्था गरिएको एकेडेमीले जनाएको छ ।

प्रतियोगिता उद्घाटन अगाडि कीर्तिमानी धावक बैकुण्ठ मानन्धरले सिद्धबाबा मन्दिरबाट टर्च बोकेर करिब ५ किलोमिटरको उद्घाटनस्थलमा ल्याउने कार्यक्रम छ । सोहि अवसरमा धावक मानन्धरलाई नियमित औषधि उपचारका लागि एकेडेमीले दुई वर्षका लागि मासिक ४ हजारका दरले औषधि खर्च उपलब्ध गराउने घोषणासहित रकम हस्तान्तरण गर्ने जनाइएको छ ।

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

May 16, 2024

राजनलाई हाफ म्याराथनको उपाधि

सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको‌ उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]

Success

Thank you for your time.