default_image

1 month ago

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

440 views

0 Bookmark

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् ।

महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी १ घण्टा १९ मिनेट १६ सेकेन्डबाट विजेता बनेकी थिइन् । एपीएफ क्लबकी पुष्पा भण्डारी १ घण्टा २५ मिनेट ३४ सेकेन्डबाट दोस्रो भइन् ।

केन्याकी धाविका ज्याकलिन जेटाउनुई १ घण्टा २६ मिनेट ५४ सेकेन्डबाट तेस्रो भइन् । आर्मीकी पूर्णलक्ष्मी न्यौपाने १ घण्टा २९ मिनेट ६ सेकेन्डसाथ चौथो, अमेरिकाकी क्याटलिन सुल्टेइ १ घण्टा ५१ मिनेट ४५ सेकेन्डसाथ पाँचौं र शर्मिला बस्नेत २ घण्टा ५ मिनेट २३ सेकेन्डसाथ छैटौं भए ।

कान्तिपुर पब्लिकेशन्स लिमिटेडको आयोजनामा ग्लोबल आईएमई बैंकको प्रस्तुति रहेको कान्तिपुर हाफ म्याराथनमा दीपकले १ घन्टा ७ मिनेट १५ सेकेन्डको टाइमिङ निकाल्दै गत वर्षका विजेता मुकेश पाललाई ४४ सेकेन्डले पछाडि पारेका थिए । आर्मीका मुकेश १ घन्टा ७ मिनेट ५९ सेकेन्डमा दुरी पार गरे ।

‘रन टु इन्स्पायर द योङ’ नारा दिइएको कान्तिपुर हाफ म्याराथन कान्तिपुरको कार्यालय थापाथलीस्थित सेन्ट्रल बिजनेस पार्कबाट सुरु भएको थियो । हाफ म्याराथन दौड थापाथली, माइतीघर मण्डल, बानेश्वर, तीनकुने, कोटेश्वर, जडीबुटी, लोकन्थली गठ्ठाघर, थिमि, सल्लाघारी चोकबाट फन्को लगाएर सोही हु“दै पुनः सेन्ट्रल बिजनेस पार्क आएर टुंगिएको थियो ।

एपीएफका गोपीचन्द्र पार्की १ घण्टा ८ मिनेट १४ सेकेन्डसहित तेस्रो भए । आर्मीका सुशील शाही १ घण्टा ८ मिनेट ४८ सेकेन्डबाट चौथो, किरणसिंह बोगटी १ घण्टा १० मिनेट १८ सेकेन्डबाट पाँचौं र गजेन्द्र राई १ घण्टा १५ मिनेट ४३ सेकेन्डबाट छैटौं भए । दुवैतर्फ विजेताले समान १ लाख, दोस्रोले ५०, तेस्रो ३०, चौथो २०, पाँचौं १० र छैटौं ५ हजार रुपैयाँ प्राप्त गरे ।

मिङ्मार तामाङ र सुसन कार्कीले कान्तिपुर हाफ म्याराथनको कलेज रन जितेका छन् । पुरुषतर्फ मिङ्मारले २२ मिनेट ०२.९ सेकेन्ड र महिलातर्फ सुसनले २९ मिनेट ५५.८ सेकेन्डमा दौड पूरा गरे । पुरुषतर्फ विश्वराम कुँवर २२ मिनेट ३१.२ सेकेन्ड, रेम बुढामगर २२ मिनेट ५१.८ सेकेन्ड, पुकारजंग बस्नेत २३ मिनेट २५.४ सेकेन्डसाथ चौथो, लोकेन्द्र राई २३ मिनेट ३०.७ सेकेन्डसाथ क्रमशः दोस्रोदेखि पाँचौं भए ।

महिलातर्फ रेजिना दुलाल ३० मिनेट १३.९ सेकेन्डबाट दोस्रो र मन्जु सुनुवार ३१ मिनेट १५.१ सेकेन्डबाट तेस्रो भए । निसम सुब्बा ३२ मिनेट ५१.८ सेकेन्डबाट चौथो र सजिना कार्की ३६ मिनेट १८.२ सेकेन्डबाट पाँचौं भए । कलेज र कर्पोरेट रनको महिला र पुरुषतर्फ शीर्ष ३ का विजेताले विभिन्न पुरस्कार र गिफ्ट ह्याम्पर पाएका थिए ।

आर्मीकी कृपा अधिकारी २३ मिनेट २५.७ सेकेन्डसहित कर्पोरेट रनमा विजेता बनिन् । विनिता महर्जन २५ मिनेट १०.७ सेकेन्डसाथ दोस्रो भइन् । उनले गत वर्ष पनि दोस्रो स्थानमा दौड टुंग्याएकी थिइन् । सीता रिमाल २६ मिनेट ०४.६ सेकेन्डसाथ तेस्रो, पूर्व विजेता लादेन प्रधान २६ मिनेट २१.६ सेकेन्डसाथ चौथो भए ।

पुरुषतर्फ विकेश घिमिरे विजेता बने । गत वर्ष पनि उनी नै विजेता बनेका थिए । सेन्ट्रल बिजेनस पार्कबाट सुरु भएको ५ किमि कर्पोरेट रेस थापाथली, माइतीघर मण्डल, बानेश्वर, सिभिल हस्पिटल अगाडिबाट घुम्ती लगाएर पुनः सोही रुट हु“दै सेन्ट्रल बिजनेस पार्कमा आएर टुंगिएको थियो ।

त्यसमा विकेशले १७ मिनेट १५.४ सेकेन्ड लगाए । अनिल थापा १८ मिनेट ३७.९ सेकेन्डबाट दोस्रो र मदनसिंह भाट १८ मिनेट ५९.७ सेकेन्डबाट तेस्रो भए । उपेन्द्र कठायत २० मिनेट २२.२ सेकेन्डबाट चौथो र विद्यामान महतारा २० मिनेट २८.२ सेकेन्डबाट पाँचौं भए । रमेश खत्री र ऐश्वर्य कुमाल यस वर्ष पनि ह्विलचेयर रेसतर्फ विजेता बनेका छन् । गत वर्ष यी दुई नै विजेता बनेका थिए । रमेशले भने तेस्रोपल्ट उपाधि जितेका हुन् ।

सेन्ट्रल बिजेनस पार्कबाटै सुरु ह्विलचेयर रेस माइतीघर मण्डल फन्को लगाएर पुनः सोही ठाउ“मा आएर टुंगिएको थियो । आर्मीका रमेशले ३ मिनेट १९.९ सेकेन्डमा रेस पूरा गरे । आर्मीका दानबहादुर थिङ ३ मिनेट ४९.७ सेकेन्डबाट दोस्रो, गोकर्णेश्वरका रामकाजी मिजार ४ मिनेट ३६.३ सेकेन्डबाट तेस्रो भए । हेटौंडाका दीपक तिमल्सिना ५ मिनेट ०८.५ सेकेन्डबाट चौथो र मूलपानीका होमबहादुर मगर ५ मिनेट ४०.१ सेकेन्डबाट पाँचौं भए ।

माकलबारीकी ऐश्वर्यले ५ मिनेटमा ३६.५ सेकेन्डमा रेस पूरा गरिन् । पाँच पटककी पूर्व विजेता यामी झाक्रीमगर ५ मिनेट ३८.८ सेकेन्डबाट दोस्रो भइन् । खोटाङकी रजनी राई ५ मिनेट ४६.५ सेकेन्डबाट तेस्रो, जोरपाटीकी पेमा गुरुङ ६ मिनेट ०६.७ सेकेन्डबाट चौथो र कपनकी मीना मगर ७ मिनेट १४.३ सेकेन्डबाट पाँचौं भए । ह्विलचियर रेसका विजेताले ३० हजार, दोस्रोले २० र तेस्रो हुनेले १० हजार रुपैयाँ पुरस्कार पाए ।

June 22, 2024

अपहिल केडिसी रनमा नरेन्द्र र पूर्णलक्ष्मी पहिलो

काठमाडौं (हाम्रो खेलकुद) – नेपाल आर्मीकाद्वय नरेन्द्रसिंह रावत र पूर्णलक्ष्मी न्यौपाने राष्ट्रिय खुल्ला अपहिल केडिसी रनमा शनिबार पहिलो भएका छन् । २१ किलोमिटर दूरीको दौडमा नरेन्द्र पुरुषतर्फ र पूर्णलक्ष्मी महिलामा पहिलो भएका हुन् । नरेन्द्रले निर्धारित दूरी १ घण्टा १९ मिनेट ५१ सेकेन्डमा पूरा गरे । दोश्रो भएका करण रावलले १ घण्टा २१ मिनेट ५५ […]

June 22, 2024

राजपुरालाई हाफ म्याराथन उपाधि

काठमाडौं (हाम्रो खेलकुद)- नेपाल पुलिस क्लबकी राजपुरा पछाईले राष्ट्रिय खुल्ला महिला हाफ म्याराथन प्रतियोगिताको‌ उपाधि जितेकी छिन् । राजपुरा १ घण्टा १९ मिनेटमा दौड पूरा गर्दै उपाधि जितेकी‌ हुन् । पुलिसकै राममाया बुढा दोस्रो भइन् । १ घण्टा २३ मिनेट १० सेकेण्डमा दौड पूरा गरकी थिइन्।नेपाल एपिएफ क्लब पुष्पा भण्डारी तेस्रो भइन्। १ घण्टा २५ […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

Success

Thank you for your time.