बिकास चाम्लिङ राई
धरान – स्वच्छ धरान स्वास्थ्य धरानको नारा सहित हरेक वर्ष आयोजना हुने नेवा च्यारेटि ८ के (८ किलोमिटर) रन दौड प्रतियोगिताको पाँचौं संस्करण शनिबार हुने भएको छ । नेवा च्यारेटिको मातहतमा रहेको धरान रनको आयोजनामा हुने ८ के रनमा यस पटक २ हजार बढीले भाग लिने बुधबार आयोजित पत्रकार सम्मेलनमा धरान रनका अध्यक्ष रोमु राईले जानकारी गराए ।

८ कि.मी. खुल्ला दौड प्रतियोगितामा पहिलो हुनेले ४० हजार, दोस्रोले ३० हजार र तेस्रो हुनेले २० हजार रुपैया प्राप्त गर्नेछन् । १२ वर्ष मुनिका, १६ वर्ष मुनिका र ४० वर्ष उमेर माथिका विजेताले ५ हजार, दोस्रो हुनेले ३ हजार र तेस्रो हुनेले २ हजार रुपैयाँ पाउनेछन् । धरानका स्थानिय महिला तथा पुरुष विजेतालाई पनि पुरस्कृत गरिने धरान रन तथा नेवा च्यारेटिका संस्थापक सन्तोष राईले जानकारी गराए ।

विहान ७ वजे देखि सुरु हुने दौड धरान लोकतान्त्रिक चौतारी देखि पुतली लाइन, दुर्गा चौक हुदै कल्याण चौक, पानी टं्याकी , गणेशमान चौक, जनपथ, रंगशाला, जिरो पोइन्ट, अमरहाट, रेडक्रश भवन, हातिmसार क्याम्पस, विजयपुर चौक , पिण्डेश्वर मन्दिर, चिनिया चौक, पुरानो वजार , देशिलाइन हुदै भानुचौकमा पुगेर टुंगिनेछ ।

पत्रकार सम्मेलनमा पत्रकारहरुको लागि सात थान ज्याकेट नेपाल पत्रकार महासंघ प्रदेश न.१ पार्षद विकास चाम्लिङ राईलाई नेवा च्यारेटिका संस्थापक राईले हस्तान्तरण गरेका थिए ।