7 years ago
May 29, 2017
काठमाडौं (हाम्रो खेलकुद)– गणतन्त्र दिवसका अवसरमा पदक पाउनेको नाम सोमबार सार्वजनिक गर्दा राष्ट्रिय क्रिकेट टोलीका कप्तान पारस खड्कासहित खेलक्षेत्रका छ जनाको नाम समेटिएको छ । गृह मन्त्रालयले मानपदवी, अलंकार पदक पाउनेहरुको नाम आज घोषणा गर्दा पारससहित पूर्व म्याराथन धावक हरिबहादुर रोकाया, नेपाली राष्ट्रिय क्रिकेट टोलीका प्रशिक्षक जगत टमाटा, उसुकी नीमा घर्तीमगर, तेक्वान्दोकी निशा रावल र […]
काठमाडौं (हाम्रो खेलकुद)– गणतन्त्र दिवसका अवसरमा पदक पाउनेको नाम सोमबार सार्वजनिक गर्दा राष्ट्रिय क्रिकेट टोलीका कप्तान पारस खड्कासहित खेलक्षेत्रका छ जनाको नाम समेटिएको छ । गृह मन्त्रालयले मानपदवी, अलंकार पदक पाउनेहरुको नाम आज घोषणा गर्दा पारससहित पूर्व म्याराथन धावक हरिबहादुर रोकाया, नेपाली राष्ट्रिय क्रिकेट टोलीका प्रशिक्षक जगत टमाटा, उसुकी नीमा घर्तीमगर, तेक्वान्दोकी निशा रावल र फुटबलका विकेश कुथुको नाम समावेश गरिएको छ ।
पदक पाउनेहरुलाई एक वर्षपछि राष्ट्रपतिले सम्मानित गर्ने कार्यक्रम छ । कप्तान पारस र हरिबहादुरले कीर्तिमय राष्ट्रदीप पदक पाउने भएका छन् । त्यस्तै प्रशिक्षक टमाटाले प्रवल जनसेवाश्री पदक पाउनेछन् । नीमा, निशा र विकेशले सुकीर्ति पदकबाट सम्मानित हुनेछन् ।
पारसले सरकारको निर्णयले निकै गौरवान्वित महसुस गरेको बताएका छन् । हाल अमेरिका भ्रमणमा रहेको पारसले टेलिफोनमा हाम्रो खेलकुद डटकमसँग भने,‘म यो खुसी शब्दमा बयान गर्न सक्दिन । क्रिकेटमा अझै राम्रो गर्न जिम्मेवारी थपिएको महसुस गरेको छु ।’
पारस नेपाली क्रिकेटका सर्वाधिक सफल कप्तान हुन् । उनको नेतृत्वमा नेपालले सन् २०१४ मा टि ट्वान्टी विश्व कप खेलेको थियो । उनकै कप्तानीमा नेपालले विश्व क्रिकेट लिग डिभिजन ५ देखि विश्व क्रिकेट लिग च्याम्पियनसिपसम्मको यात्रा तय गरेको थियो । सन् २००९ देखि पारसले नेपाली टोलीको नेतृत्व गर्दै आएका छन् । उनले जुलाईमा स्वदेश फर्कने जानकारी गराए ।
जुम्लाका हरिबहादुर राष्ट्रिय खेलकुद परिषद् (राखेप) का सहायक एथलेटिक्स प्रशिक्षक हुन् । ओलम्पिकमा समेत नेपालको प्रतिनिधित्व गरिसकेका हरिबहादुर एभरेष्ट म्याराथनका कीर्तिमानी धावक हुन् ।
प्रशिक्षक टमाटाले पटक पटक नेपालको उमेर समूह हुँदै राष्ट्रिय टोलीको नेतृत्व गरिसकेका छन् । राखेपका मुख्य क्रिकेट प्रशिक्षक समेत रहेका टमाटाले सामाजिक सञ्जाल फेसबुकमार्फत नेपाल सरकारलाई धन्यवाद दिएका छन् ।
उनले अगाडि भनेका छन् ,‘गणतन्त्र दिवसको अवसरमा मलाई प्रवल जनसेवा श्री मानपदवीले विभुषित गर्ने निर्णय गरेकोमा नेपाल सरकारलाई हृदयदेखि हार्दिक धन्यवाद दिन चाहन्छु । साथै यस काममा संलग्न भई सहयोग गर्नुहुने सम्पूर्णमा हार्दिक आभार व्यक्त गर्दछु । यस अवसरमा मेरो हौसला बढाउन विभिन्न माध्यमबाट शुभकामना दिनुहुने सम्पूर्णलाई धन्यवाद व्यक्त गर्दछु ।’
नीमा २०७२ को फागुनमा भारतमा सम्पन्न १२ औं दिक्षिण एसियाली खेलकुद (साग)मा स्वर्ण पदक जितेकी थिइन् । सोही सागमा विकेश सम्मिलित यु २३ नेपाली फुटबल टोलीले भारतलाई हराउँदै स्वर्ण पदक जितेको थियो । निशाले गत बर्ष रियो ओलम्पिकमा नेपालको प्रतिनिधित्व गरेकी थिइन् ।
नोट – सोमबार राती ११ः२५ बजे अपडेट गरिएको ।
April 11, 2024
काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]
April 10, 2024
धनगढी (हाम्रो खेलकुद) – धनगढी जेसिजले नयाँ बर्षको अवसरमा आयोजना गर्ने धनगढी हाफ म्याराथनको तयारी अन्तिम चरणमा पुगेको बताइएको छ । अब धनगढी दौडिन्छ भन्ने नाराका साथ आयोजना हुने धनगढी हाफ म्याराथनको दसौं संस्करणको तयारी अन्तिम चरणमा पुगेको बुधबार पत्रकार सम्मेलनमार्फत संयोजक आशिष शाहले जानकारी दिए । हाफ म्याराथन २०८१ वैशाख १ गते हुनेछ । […]
April 10, 2024
काठमाडौं (हाम्रो खेलकुद)- लन्डन म्याराथनमा भाग लिन धावक गोपीचन्द्र पार्की शुक्रबार त्यसतर्फ जाने भएको छन्। नेपालगञ्ज म्याराथनले बुधबार गोपीका लागि विदाई गरेको छ। राष्ट्रिय खेलकुद परिषद (राखेप) ला सदस्य सचिव टंकलाल घिसिङ, लि निङ आधिकारीक विक्रेता चाइना ट्रेड लिंक प्रालिका कार्यकारी अध्यक्ष राजन महर्जन, नेपालगञ्ज म्याराथनका अध्यक्ष टीएस ठकुरीले विदाई गरे। लन्डन म्याराथन वैशाख ९ […]