जुम्ला (हाम्रो खेलकुद)– जुम्लाका दुर्गाबहादुर बुढा र सुनमाया बुढा जुम्ला रारा अल्ट्रा म्याराथनमा आ–आफ्नो विधामा च्याम्पियन बनेका छन् । पुरुषतर्फ दुर्गाले निर्धारित दुरी ५ घण्टा १९ मिनेट ४९ सेकेण्डमा पुरा गरे । जुम्लाकै धिर बुढा ५ घण्टा २८ मिनेट ३२ सेकेण्डका साथ दोस्रो हुदा जुम्लाकै धिरेन्द्र भण्डारीले तेस्रो स्थान हात पारे ।

महिलातर्फ जुम्लाकी सुनमाया बुढाले ६ घण्टा ३४ मिनेट ४० सेकेण्डमा दुरी पुरा गर्दै च्याम्पियन बनिन् । जुम्लाकी राममाया बुढा र हिमाली रावतले क्राम ६ घण्टा ५९ मिनेट ४३ सेकेण्ड तथा ७ घण्टा १० मिनेट १७ सेकेण्डमा दुरी पुरा गर्दै तेस्रो स्थान हात पारिन् ।

प्रतियोगितामा विजयी भएका महिला तथा पुरुष खेलाडीहरुले जनही ।५० हजार, ३० हजार र २० हजार प्राप्त गरे । शीर्ष १० मा पर्न सफल खेलाडीहरुले २० हजार पाए । रारा कर्णाली पर्यटन वर्ष र शाहसिक खेलकूद पर्यटन प्रबधन तथा कर्णालीका विभिन्न क्षेत्रहरु लाई विश्वसामु चिनाउनका लागी जुम्ला रारा अल्ट्रा म्याराथन असार २७ गते भएको थियो ।

जुम्ला रारा अल्ट्राम्याराथन प्रतियोगिताको रुट जुम्ला बजार समुद्री सतह दुई हजार तिन सय पचास देखी, डाँफेलेक, खाली, न्याउरीघाट,चौथा, चार हजार सत्र मिटर चुचेमारा, मिलीचौर हुदै हुटु, रारा लेक सम्म रहेको थियो ।

कर्णालीमा पहिलो पटक आयोजना गरिएको राष्ट्रिय स्तरको अल्ट्रा म्याराथन प्रतियोगिता राष्ट्रिय तथा स्थानिय गरि ३२० जना खेलाडी सहभागी भएका थिए । जसमध्ये २५ जना महिला खेलाडी रहेका थिए । जसमध्ये ७२ जना खेलाडीले दूरी पार गरेका थिए ।